Nunatsinni Nakorsaaneqarfiup maalaarutinik taarsiiffigitinnissamullu qinnuteqaatinik suliaqartarnera, Peqqinnissaqarfiup iluani napparsimasut maalaaruteqarsinnaanerat taarsiiffigineqarsinnaanerallu pillugit Inatsisartut inatsisaanni (maalaaruteqarsinnaaneq taarsiiffigitissinnaanerlu pillugit inatsit), kingullermik inatsimmi 14. februar 2025-imeersumi allannguuteqartinneqartumi maleruagassiugaavoq.
Pisimasuni nakorsartinnernilu 14. februar 2025 sioqqullugu pisuni maleruagassat siornatigut atuuttut suli atuupput. Taamaalillutik Nunatsinni Nakorsaaneqarfimmit maalaarutit taarsiiffigitinnissamullu qinnuteqaatit, nakorsartinnerup imal. pisimasup maalaarutigineqartup qanga pisimanera apeqqutaatillugu, maalaaruteqarsinnaaneq taarsiiffigitissinnaanerlu pillugit inatsimmi maleruagassat siulii naapertorlugit suliarineqarput. Sulianik ingerlatsinermut atatillugu, suliani ataasiakkaani maleruagassat suut naapertorneqarnissaannik naliliisoqartarpoq.
Peqqinnissaqarfik pillugu maalaarutit kiisalu peqqinnissakkut sullinneqarnermut atatillugu ajoqusernernut taarsiiffigitinnissamut qinnuteqaatit, Nunatsinni Nakorsaaneqarfimmit tiguneqartarput. Maalaarutit pingaarnertut marlunnut immikkoortiterneqartarput: Peqqinnissakkut sullinneqarneq pillugu maalaarutit kiffartuussinerlu pillugu maalaarutit. Peqqinnissakkut sullinneqarneq pillugu maalaarutit napparsimasut kukkusumik imal amigaatilimmik nakorsarneqarsorinerannut/misissorneqarnerannut, nappaammik suussusersiniaanermut, malitseqartitsinermut imal. paasissutissiinermut, nakorsartinnerup ingerlaneranut imal. qanoq kinguneqarneranut sunniuteqarsimasinnaasunut, tunngassuteqarput. Maalaarutit kiffartuussinermut tunngasut ilaatigut utaqqinernut, attaveqatigiinnermut, pissusilersornermut, allaffissornikkut ingerlatsinermut kiisalu nakorsartiffinni periarfissanut tunngassuteqarput.
Taakku saniatigut Nunatsinni Nakorsaaneqarfik napparsimasunit imal. toqukkut qimataasunit, peqqinnissakkut sullinneqarnerup kingunerisaanik ajoquserneqarsimasorisunit taarsiiffigitinnissamut qinnuteqaatinik tigusaqartarpoq. Tamatuma peqatigisaanik taarsiiffigitinnissamut qinnuteqaatit, maalaaruteqartoqarnera apeqqutaatinnagu suliarineqarsinnaapput, taarsiiffigitinnissamullu piumasaqaatit inatsit naapertuuttoq tunngavigalugu eqquutsinneqarnerannut naliliinermut tunngassuteqarlutik.
Ukiumoortumik nalunaarusiaq maalaarutinut taarsiiffigitinnissamullu qinnuteqaatinut, Nunatsinni Nakorsaaneqarfimmit 2021-imiit 2025-imut tiguneqarlutillu suliarineqartunut, ataatsimut takussutissiivoq.Nunatsinni Nakorsaaneqarfiup maalaarutinik taarsiiffigitinnissamullu qinnuteqaatinik suliaqartarnera, Peqqinnissaqarfiup iluani napparsimasut maalaaruteqarsinnaanerat taarsiiffigineqarsinnaanerallu pillugit Inatsisartut inatsisaanni (maalaaruteqarsinnaaneq taarsiiffigitissinnaanerlu pillugit inatsit), kingullermik inatsimmi 14. februar 2025-imeersumi allannguuteqartinneqartumi maleruagassiugaavoq.
Pisimasuni nakorsartinnernilu 14. februar 2025 sioqqullugu pisuni maleruagassat siornatigut atuuttut suli atuupput. Taamaalillutik Nunatsinni Nakorsaaneqarfimmit maalaarutit taarsiiffigitinnissamullu qinnuteqaatit, nakorsartinnerup imal. pisimasup maalaarutigineqartup qanga pisimanera apeqqutaatillugu, maalaaruteqarsinnaaneq taarsiiffigitissinnaanerlu pillugit inatsimmi maleruagassat siulii naapertorlugit suliarineqarput. Sulianik ingerlatsinermut atatillugu, suliani ataasiakkaani maleruagassat suut naapertorneqarnissaannik naliliisoqartarpoq.
Peqqinnissaqarfik pillugu maalaarutit kiisalu peqqinnissakkut sullinneqarnermut atatillugu ajoqusernernut taarsiiffigitinnissamut qinnuteqaatit, Nunatsinni Nakorsaaneqarfimmit tiguneqartarput. Maalaarutit pingaarnertut marlunnut immikkoortiterneqartarput: Peqqinnissakkut sullinneqarneq pillugu maalaarutit kiffartuussinerlu pillugu maalaarutit. Peqqinnissakkut sullinneqarneq pillugu maalaarutit napparsimasut kukkusumik imal amigaatilimmik nakorsarneqarsorinerannut/misissorneqarnerannut, nappaammik suussusersiniaanermut, malitseqartitsinermut imal. paasissutissiinermut, nakorsartinnerup ingerlaneranut imal. qanoq kinguneqarneranut sunniuteqarsimasinnaasunut, tunngassuteqarput. Maalaarutit kiffartuussinermut tunngasut ilaatigut utaqqinernut, attaveqatigiinnermut, pissusilersornermut, allaffissornikkut ingerlatsinermut kiisalu nakorsartiffinni periarfissanut tunngassuteqarput.
Taakku saniatigut Nunatsinni Nakorsaaneqarfik napparsimasunit imal. toqukkut qimataasunit, peqqinnissakkut sullinneqarnerup kingunerisaanik ajoquserneqarsimasorisunit taarsiiffigitinnissamut qinnuteqaatinik tigusaqartarpoq. Tamatuma peqatigisaanik taarsiiffigitinnissamut qinnuteqaatit, maalaaruteqartoqarnera apeqqutaatinnagu suliarineqarsinnaapput, taarsiiffigitinnissamullu piumasaqaatit inatsit naapertuuttoq tunngavigalugu eqquutsinneqarnerannut naliliinermut tunngassuteqarlutik.
Ukiumoortumik nalunaarusiaq maalaarutinut taarsiiffigitinnissamullu qinnuteqaatinut, Nunatsinni Nakorsaaneqarfimmit 2021-imiit 2025-imut tiguneqarlutillu suliarineqartunut, ataatsimut takussutissiivoq.