Nunatsinni akiuussutissiinermut atatillugu killiffik
Juulleriartornerani ukiumullu nutaamut isilernermi akiuussutissiinermut atatillugu ineriartorneq, Nunatsinni Nakorsaanerqarfimmit malinnaavigineqartuarpoq.
Imarisaa
Nunarput akimorlugu innuttaasut amerlassusaannut sanilliullugu nualluummut akiuussutissat 7 procentii COVID-19-imullu akiuussutissat 5,3 procentii atorneqarsimapput. Innuttaasut 65-ileereersimasut akornanni, perulunnissamut aarlerinartorsiornerusuni kisitsisit taakku malunnaatilimmik qaffasinnerupput:
Nuna tamakkerlugu nualluummut nalinginnaasumut influenzamut 40 procentit COVID-19 -imullu
31,9 procentit atorneqarsimapput.
Kisisitsit ataatsimut kissaatigisamit annikinnerugaluit, sinerissami qitiusumik immikkoortuni
pitsaasumik ineriartortoqarnera takusinnaavarput. Pingaartumik Qeqqani Sermersuumilu
amerlaqisunik akiuussutissiisoqarsimavoq, sumiiffinnilu arlalinni 65-ileereersimasut
akiuussutissinneqarnissaq toqareertarpaat. Tamanna pingaaruteqarlunilu pitsasuusoq
akuersarusupparput ineriartorteqqikkusullugulu.
Maanna nunatsinni COVID-19 aamma influenza atugaapput. Innuttaasut ikittuinnaat
misissortittarmata, qanoq annertutigisumik atugaanera eqqorlugu nalilersinnaanngilarput.
Misissuinerugallartulli nualluutit taakku marluk nunatsinmni sumiiffinni arlalinni atugaanerat
takutippaat. Taamaammat akiuussutissinneqarnissaq nalliuttuni peruluutiginissaannut
illersuutissanut kinguneqarluarnerpaanut ilaavoq.
Akiuussutissinneqarnissaq suli periarfissaavoq. Innuttaasut najukkaminni Peqqinnissaqarfimmut
ulluni akiuussutissiiviusuni takkuteqqullugit kaammattorneqarput. Piffissat nalinginnaasulluunniit
allat nalornissutigigaanni, annertunerusunik paasissutissinneqarnissaq siunertaralugu najukkami
Peqqinnissaqarfik tamatigut attavigineqarsinnaavoq.
Nunatsinni Nakorsaaneqarfimmit tunillatsiffiunngitsumik juullisiorluarnissassinnik kiaqarasilu
ukiortaamut iserluarnissassinnik tamassi kissaappassi.