Naammagittaalliuteqarniarpit?

Naammagittaalliortinnak

Peqqinnissakkut sullissisut oqaloqatigikkit – tusaaneqassaatit akissutissarsillutillu.

Peqqinnissaqarfimmi nakorsartereeruit apeqqutissaqalersinnaavutit

• suna pillugu nakorsaq taamaaliorpa?

• suliaritinnerup taama kinguneqarsinnaanera nalinginnaasuua?

• allatut suliaritissimasinnaagaluarpunga?

Apeqqutit nalornilersitsisinnaasut, kamassaqalersitsisinnaasut aliasutitsisinnaasulluunniit

• oqaloqatigiinneq ilinnut naammaginanngitsumik nakorsartissimasutut misigisaqarsimasumut

• suna pillugu taamatorpiaq nakorsarneqarninnik nassuiaanneqarnissaq kissaatigaat

• oqaloqatigiinneq qulaajaanissamut akissutissarsinissamullu iluaqutaasinnaavoq

Peqqinnissaqarfimmi siunnersorti ugguuna: siunnersorti@peqqik.gl imal. oqarasuaatikkut: 34 40 50 ataasinngornermiit tallimanngornermut nal. 13:00-imiit 15:00-imut attavigiuk.

Naammagittaalliorniaruit

Nakorsartinnermut tunngasut makkuusinnaasut naammagittaalliutigisinnaavatit:

Misissortinneq, nappaammik suussusersiniaaneq nakorsartinnerlu, ernisussiortinneq, paaqqutarineqarneq, inunnut ataasiakkaanut tunngatillugu pitsaaliuineq peqqissuunissamillu siuarsaaneq, nakorsartinnissaq pillugu paasissutissiineq akuersinerlu, allattugaatinut nalunaarsuineq, peqqinnissakkut sullissisut nipangiussisussaatitaanerat, nakorsat uppernarsaasiaat. Nakorsartinneq pillugu maalaaruteqarnermut atatillugu taarsiffigitinnissamik qinnuteqarneq periarfissaavortaaq.

Peqqinnissaqarfimmiit kiffartuunneqarnermut tunngasut soorlu peqqinnissakkut sullissisut pissusilersornerat, utaqqineq, ammasarfiit assigisaallu maalaarutigisinnaavatittaaq.

Taarsiivigineqarnissamut aamma qinnuteqarsinnaavutit.

Qanoq ilillutit maalaaruteqarsinnaanerit, taarsiivigineqarnissamullu qinnuteqarnerit nassiunnissaanut pillugu annertunerusunik maana paasisassarsiorit