Suliffeqarfiit cannabisimit nioqqutissanik 0,2% ataallugu THC-mik akulinnik suliaqarnerat

Suliffeqarfiutinni cannabisimit nioqqutissanik suliaqarnissat kissaatigigukku tamakku pillugit ikiaroornartut pillugit Namminersorlutik Oqartussat nalunaarutaanni malittarisassat aamma suliffeqarfiit cannabisimit nioqqutissanik 0,2 %-inik THC-mik akulinnik suliaqarnissaannut Nunatta Nakorsaaneqarfianit ilitsersuummi atuarsinnaavatit.

Quppernermi uani suliffeqarfiit cannabisimit nioqqutissanik 0,2 %-inik THC-ertalinnik eqqussuinissamut akuersissut pillugu immersuiffissaq taassumallu immersorneqarnissaanut ilitsersuut takusinnaavatit. Nunatta Nakorsaaneqarfianit suliffeqarfik cannabisimit nioqqutissanik 0,2 %-it inorlugit akulinnik suliaqarnissamut Ikiaroornartut pillugit Inatsisartut inatsisaat aamma ikiaroornartut pillugit Namminersorlutik Oqartussat nalunaarutaat naapertorlugit akuerissavaa.

Suliffeqarfimmi cannabisimit nioqqutissanik 0,2 %-inik inorlugit akulinnik suliaqarnissamut akuersissummik qinnuteqartoqannginnerani suliffeqarfimmi aqutsisup Ikiaroornartut pillugit Namminersorlutik Oqartussat nalunaarutaanni aalajangersakkat aalajangersarneqarsimasut ilisimaqqaartariaqarpai.