Oqartussaniit nutaarsiassat

Nunatsinni isaarissami innuttaasut akiuussutissamik kapitinnissamut neqeroorfigineqarput

Aqagu pingasunngornermi 7. apriilimi Kangerlussuarmi innuttaasut 16-ileereersimasut tamarmik coronamut akiuussutissamik kapitinnissamut neqeroorfigineqarput. Aqaguinnarpat akiuussutissamik kapuisut Maniitsumut pissapput, tassanilu innuttaasut 50-inik sinnerlugillu ukiullit tamarmik akiuussutissamik kapitinnissamut neqeroorfigineqassapput.

Apriilip maajillu qaammataani 2021-mi Covid-19-imut akiuussutissamik kapisinissamut pilersaarut

Akiuussutissanik Danmarkimut ikinnerusunik nassiussisalerneq aammalu AstraZenecap akiuussutissatut atorunnaarallarneqarnera pissutaallutik, siunissami aggersumi Kalaallit Nunaat akiuussutissanik naatsorsuutigisamiit ikinnerusunik tunineqassaaq. Taamaattorli aalaakkaasumik tunineqartarnissaq suli naatsorsuutigineqarpoq, taamaasilluni akiuussutissanik kapuuinissamut suliniut ingerlatiinnarneqarsinnaaniassammat, kisianni arriinnerusumik ingerlanneqassalluni.

Qeqertarsuatsiaani, Paamiuni Qaqortumilu kapitereersimasunik kapueqqinnissaq

Qeqertarsuatsiaani, Paamiuni Qaqortumilu innuttaasut, Coronamut akiuussutissamik siullermeerlutik kapitereersimasut sapaatit akunnerata tulliani kapiteqqinnissamut neqeroorfigineqassapput.

Nuummi Coronamut akiuussutissamik kapiteqqinnissamut neqeroorut

Pingasunngorneq 10. marts mamma sisamanngorneq 11. marts 2021

Narsami Covid-19-imik tunillatsissimasoq ataaseq paasineqarpoq

Inuk ataaseq Danmarkimiit Narsamut tikissimasoq covid-19-imik tunillatsissimasoq nassaarineqarpoq. Pineqartoq marlunngorneq ulloq 23. Februaari nunatsinnut tikissimavoq.

Covid-19-ip kinguneranik ikiorsiissutinik qinnuteqartoqarsinnaalerpoq

Takornariartitsinermik inuussutissarsiuteqartunut ikiorsiissutit suliffeqarfinnit qinnuteqaatigineqarsinnaalerput.

Qaqortumi 65-ileereersimasut tamarmik akiuussutissamik kapitinnissamut neqeroorfigineqassapput

Qaqortumi najugaqarpit? 65-leereersimavit? Taava sisamanngorpat akiuussutissamik kapitissaatit.

Nuuk: Coronamut akiuussutissamik kapitinnissamut neqereerut

Innuttaasut 65-ileereersimasut, Nunatsinni najugaqartutut nalunaarsorsimasut tamarmik akiuussutissamik kapitissinnaaleqqipput. Inunngorfiit nassaarigukku qaqugu kapitissinnaanerlutit takusinnaavat.

Qeqertarsuatsiaat: Coronamut akiuussutissamik kapitinnissamut neqeroorut

Pingasunngorneq februarip 17-iat 2021. Innuttaasut 16‐ileereersimasut inuit allattorsimaffianni Kalaallit Nunaanni najugaqartutut nalunaarsorneqarsimasut coronamut akiuussutissamik kapitissinnaapput.

Kommunit killeqarfii akimorlugit aaqqissuussinernik il.il. ingerlataqarnernik tunngatillugu malittarisassat nutaat

Ullumi Kalaallit Nunaannut nunatsinnilu angalanermi piumasaqaatit pillugit nalunaarutip aammalu katerisimaartarnernut killilersuigallarnerit pillugit nalunaarutip nutarterneri tamanut saqqummiunneqassapput. Nalunaarutit aqaguminngaanniit, 16. februaari 2021-mi atuutilissapput.

Paamiut: Coronamut akiuussutissamik kapitinnissamut neqereerut

Marlunngorneq februarip 16-iat 2021. Innuttaasut 65‐inik ukiullit ukioqqortunerillu inuit allattorsimaffianni Kalaallit Nunaanni najugaqartutut nalunaarsorneqarsimasut coronamut akiuussutissamik kapitissinnaapput.

Nuummi najugaqartutut nalunaarsorsimasut 65-ileereersimasut tamarmik ulluni makkunani akiuusutissanik kapitinnisamut neqeroorfigineqarput

1. marts 1956 sioqqullugu inunngorsimaguit, aammalu inuit allattorsimaffianni Nuummi najugaqartutut nalunaarsorsimaguit, imaluunniit januaarimi siullermeerlutit akiuussutissamik kapitissimaguit, ulluni makkunani coronamut akiuussutissamik kapitinnissamut periarfissaqarputit.
Innuttaasut 65-inik sinnerlugillu ukiullit, inuit allattorsimaffianni Kalaallit Nunaanni najugaqartutut nalunaarorsimasut tamarmik marlunngornermi 9. februaarimiit sisamanngornermi 11. februaarimut coronamut akiuussutissamik kapitinnissamut neqeroorfigineqarput. Akiuussutissanik kapuineq USK-ip eqaarsaartarfiani ingerlanneqassaaq.

Februaarimi marsimilu COVID-19-imut akiuussutissanik kapuinissat pilersaarutaasut

Oqartussaasut akiuussutissanik kapuinissamut pilersaarutit taakkulu killiffii pillugit amerlasuunit saaffigineqartarput – saaffiginnissutit taakku ilaat akissuteqarfiginiarlugit matuma kinguliani maannamut akissuteqarfigisinnaasagut saqqummiuppagut. Kisiannili qaammatinut marlunnut tulliuttunut akiuussutissanik kapuinissamut pilersaarutit allanngorsinnaanerat eqqarsaatigalugu atuarneqassapput, akiuussutissanik pilersuinerit suli nalorninartoqarmata.

Tunillatsissimasoqartillugu angerlarsimaannarnissamut piumasaqaatit nutaat

Tuluit nunaanniit coronavirusip allanngornerata siaruaannerata aammalu februaarip qiteqqunnerata nalaani Danmarkimi atugaanerpaasussatut naatsorsuutigineqarnerata malitsigisaanik, tunillatsissimasoqartillugu qanimut attaveqarfigisimasat angerlarsimaannaqqusaanissaannik piumasaqaatit sakkortunerulernissaanut alloriarnialerpugut.

Akiuussutissanik kapuineq: Pilersuinermi tigusisoqaqqippoq

Kalaallit Nunaat kapuutinik akiuussutissanik tunisassiortumit Pfizer/BioNTech-imit pissarseqqipput, taamaalillunilu akiuussutissanik kapuinerup immikkoortua tulleq aallartittussanngorpoq. Pilersuinermi kapuutit akiuussutissat 975-it pissarsiarineqarput, taakkulu akiuussutissanik kapuinissamut pilersaarut, nunani tamalaani malitassat misilittakkallu naapertorlugit ulorianartorsiortunik naliliiffiusoq aalajangersarneqareersoq naapertorlugu siaruarterneqassapput. Utoqqaassuseq ulorianartorsiornermut tunngaviunerpaasoq taakkunani takutinneqarpoq, taamaattumillu innuttaasut utoqqaanerit salliutinneqarput.

Kalaallit Nunaannut nunatsinnilu angalanermi piumasaqaatit pillugit nalunaarut nutaaq

Peqqissutsimut Naalakkersuisoqarfiup Kalaallit Nunaannut nunatsinnilu angalanermi piumasaqaatit pillugit nalunaarutip nutartigartaa ullumi saqqummiuppaa. Nalunaarut ulloq 23. Januaari 2021-mi atuutilissaaq.

COVID-19-mut akiuussutissinneqarnissamik kissaateqarneq annertooq

Innuttaasunit akiuussutissinneqartussatut qaqugu tullinnguunnissamut apersuineq annertooq Peqqinnissaqarfimmit misigineqarpoq. Nuummi Ilulissanilu innuttaasut suli akiuussutissinneqarsimanngitsut, akiuussutissanik nutaanik tikittoqarpat Peqqinnissaqarfimmiit kommunimiilluunniit saaffigineqarnissap utaqqinissaanut innersuunneqarput.

Uummannami tuniluuttoqarneranut takussutissaqanngilaq

Arfininngormat 16. januar 2021 Uummannami tunillatsissimasumut qanillisimasut tamarmik misissorneqarput. Misissukkat tamarmik Ilulissani laboratoriami misissoqqissaarneqarput, taakkulu tamarmik tunillatsittoqarsimaneranik takussutissaqanngillat.

Angalanissat pisariaqarpa?

1. februaarimiit 28. februaarimut Imarpik qulaallugu angalanissaq kissaatigineqarpat, Kalaallit Nunaannut angalanissaq qinnutigineqartussaavoq – piffissap taassuma avataanut qinnuteqaatit suliarineqassanngillat.

Silarlunnera peqqutigalugu Qaqortumi akiuussutissamik kapuinissat sap. ak. 4-mut kinguartinneqarput

Akiuussutissat, pingasunngornermi Qaqortumut apuunneqartussaagaluit ajoraluartumik silarlunnera peqqutigalugu apuutinngitsoorput.

Uummannami Covid-19-imik tunillatsissimasoq

Inuk ataaseq Danmarkimiit Uummannamut tikissimasoq, tikinnerminiit ullut arfineq aappaanni misissortinnermini tunillatsissimasoq paasineqarpoq. Angalanermini Uummannamiinnerminilu qanillisimasaanik tamanik tunillatsittoqarsimasinnaaneranik misissuineq tamakkiisoq aallartinneqarpoq. Tunillatsissimasinnaasunik paasiniaaneq politiit nakorsaaneqarfik suleqatigalugu ingerlappaat.

Akiuussutissamik kapuinermi immikkoortup tullia aallartinneqartussanngorpoq

Ullumi Danmarkimiit akiuussutissat, tunisassiorfimmit Pfizer/BioNTech-imeersut, pilersuutigineqartunit tulliit tiguagut, taamaalillutalu akiuussutissamik kapuinermi immikkoortup tullia aallartissinnaalerparput.

Covid-19 pillugu paasissutissat siulliit pissarsiarineraniit ukioq ataasinngorpoq

Covid-19 pillugu paasissutissanik Namminersorlutik Oqartussat WHO-minngaanniit siullerpaamik pissarsineraniit ullumikkut ukioq ataasinngorpoq, taamaammallu taamanikkorniit qanoq angusaqarsimatiginerput pillugu killiffissiornissarput tulluartorujussuuvoq.

Corona pillugu suliniut nutaaq: Aallarsimasut tamarmik angerlartinneqassapput

Danmarkimi Corona allanngortoq nutaaq, tuniluutiasorujussuaq sukkasoorujussuarmik tuniluuppoq. Taamaattumik Naalakkersuisuniit suliniutip allanngortinneqarnissaa akuerineqarpoq.

Aasianni Covid-19-imik tunillatsisimasumik nassaartoqaqqippoq

Aasianni Covid-19-imik tunillatsittoqarsimavoq. Pineqartoq Danmarkimit Nunatta Peqqinnissaqarfianut suliartorluni januaarip ulluisa aappaanni tikippoq. Pineqartoq ippassaq januaarip ulluisa pingajuanni tunillatsissimanermik ersiuteqalereersimammat ullumi misissuiffigineqarpoq.

Akiuussutissat siulliit

Ataasinngornermi 4. januaari 2021 Kalaallit Nunaanni innuttaasut siulliit virusimut, Covid-19 peqqutigalugu napparsimalissutaasartumut akiuussutissamik kapitissapput. Tamatuma peqatigisaanik tamanna akiuutissat, juullip ukiortaallu akornanni tiguneqartut, killilimmik amerlassusillit atorlugit kapuinermut aallarniutaassaaq.

12. januar 2021 ilanngullugu tikittussanut mattussineq pillugu

30. decembari 2020-mi nalunaarutigineqarpoq, 12. januaari 2021 ilanngullugu Kalaallit Nunaannut tikittussat tamarmik, taamaallaat inuit inuiaqatigiinni pingaarutilinnik suliallit ikittuinnaat pinnagit mattunneqartut.

Covid-19-imut akiuussutissat Kalaallit Nunaannut tikiunneqarput

Akiuussutissat siulliit nunatsinnut apuunneqarput.

Tunillatsissimasumut qanigisaasoq tunillatsissimasoq ullumikkut paasineqarpoq

Ullumi ataasinngornermi 28. december Aasianni COVID-19-imik tunillatsissimasumik nutaamik nassaartoqarpoq. Tunillatsissimasoq nutaaq sapaatit akunnerani kingullermi tunillatsissimasunut marluusunut qanigisaavoq.

Aasianni Covid-19-imik tunillatsissimasut marluk

Ullumi pingasunngornermi decembarip ulluisa 23-ani Aasianni Covid-19-imik tunillatsissimasut marluk nassaarineqarput. Tamanna tikittunik nalinginnaasumik misissuinermut atatillugu pivoq.

Ataasinngornermi 21. december Nuummi tunillatsissimasut marluk

Ullumi Nuummi inuit marluk, imminnut attuumassuteqanngitsut tikinnerminniit ullut tallimat qaangiunnerini misissorteqqinnerminni tunillatsissimasut paasineqarpoq.

Ilulissani inuit arfinillit Covid-19-imik tunillatsissimasut uppernarsarneqartoq

Ullumi sapaammi 20-12-2020 Ilulissani Covid-19-imik tunillatsissimasut arfinillit nassaarineqarput. Taakku tamarmik tikinnerminniit ullut tallimassaanni misissortinnerminni pasineqarput, aammalu 15. Aamma 16. Decembarimi nunatsinnut tikissimallutik.

Kangerlussuarmi COVID-19-imik tunillatsissimasoq

Kangerlussuarmi COVID-19-imik tunillatsissimasoq ataaseq paasineqarpoq.

Juullilernerani tikittussanik mattussineq taamaatitsinerlu

Angerlarsimaannarnissamut maleruagassat atuuttut atorlugit juullisiornissaq qulakkeerniarlugu, Danmarkimiit nunanillu allaniit tikittussanut mattussisoqarpoq.

Suli angumerisinnaavat

Siornatigut nalunaarutigineqareersutut ukioq manna Covid-19-ip nunarsuarmi tuniluunnera peqqutigalugu nualluummut akiuussutissamik kapitinnissaq amerlanerusunut neqeroorutigaarput. Nualluummut akiuussutissamik kapitinnissamut neqerooruteqarnermi inuit 65-ileereersimasut, aaqqinneqarsinnaanngitsunik nappaatillit, naartusut kiisalu peqqinnissaqarfimmi paaqqutarinniffinnilu sulisut salliutinneqarput – ulloq decembarip ulluisa aallaqqaataaniit decembarip ulluisa aqqarnannut kinguartinneqarpoq, tamatumalu kingorna kapuineq inunnut allanut soqutiginnittunullu ammaanneqassaaq.

Nalunaarusiaq nutaaq 2. decembari 2020-mi atuutilertussamut – suut eqqumaffigissavigit

Naalakkersuisut Kalaallit Nunaannut nunatsinnilu angalanermi nalunaarut nutaaq akuereqqammerpaat. Siusinnerusukkut nalunaarut aammalu tuniluutinnginnissaq anguniarlugu sakkussat tunngavigineqarput.

Aasianni tunillatsittoq nutaaq

Ullumi Aasianni COVID-19-imik tunillatsissimasoq nutaaq paasineqarpoq, Pineqartoq Danmarkimiit tikissimavoq, nunatsinnilu nakorsaanerup tunillanneqarsimasoq angerlarsimaannartussaatitaanerminik malinnissimasoq nalunaarutigaa.

Juullimi angalanissat pinngitsoorniakkit

COVID-19 tikerartut aqqutigalugit Kalaallit Nunaannut pisussaavoq. Kalaallit Nunaanut tikittartut amerliartortillugit, Kalaallit Nunaanni tunillaassuisinnaaneq annertuneruleriartussaaq. Taamaattumik Namminersorlutik Oqartussanit suliffeqarfiit, oqartussaasut innuttaasullu Kalaallit Nunaannut aamma Kalaallit Nunaanniit pisariaqanngitsumik angalasoqassanngitsoq kaammattuutigineqarpoq. Tamanna pingaartumik aamma juullikkunni atuuttariaqarpoq.

Kalaallit Nunaannut isaariaq ataasiinnaq

Ataasinngornermi 9. novembarimiit Kalaallit Nunaat qulaallugu silaannartaq matuneqassaaq, taamaattumillu taamaallaat Kalaallit Nunaannut timmisartornerit Københavnip mittarfianniit pisinnaalissapput. Timmisartuussinerit ilaat, soorlu ajornartoornermi timmisartuussinerit ilaatinneqanngillat.

Aasianni COVID-19 imik tunillatsissimasoq nutaaq paasineqartoq

Ualisoq oktoberip 21-iani Covid-19 mik tunillatsissimasoq Aasianni paasineqarpoq. Nunatsinnut tikinnermiit ullut tallimassaani misissorteqqinnermi tamanna paasineqarpoq.

Peqqissaasut Kattuffiata tusagassiorfinnut nalunaarutaanut Peqqinnissaqarfimmi qullersat akissutaat

Peqinnissaq Pillugu Kattuffiit (PPK) coronamik tunillatsisinnaanerup pitsaalineqarnissaanik pisariaqartitsinermut tunngatillugu ernumassutaat, Peqqinnissaqarfimmi qullersat Peqqinnissaqarfiullu tamakkiisup paasilluinnarsinnaavaa. Peqqinnissaqarfimmi qullersat pisumi ilungersunartorsiorfiusumi oqimaaqatigiissaariniarsaripput.

Tallimanngornermi oktobarip ulluisa 16-ianni Nuummi ullut tallimassaanni misissuineq illoqarfiup qeqqani misissuivittaami ingerlanneqassaaq

Ataasinngornermi oktobarip 12-ani Københavnimiit Nuummut angalasut ilaasa ullut tallimassaanni misissortiffissap sumiinneranut tunngatillugu kukkusumik nalunaarfigineqarsimanerat eqqumaffigaarput.

Covid-ip nunarsuarmi tuniluunnerani nualluummut akiuussutissanik kapuinissaq

Covid-19-ip nunarsuarmi tuniluunnera peqqutigalugu 2020-mi ukiaanerani nualluummut akiuussutissamik kapitinnissamut innersuussiffiusut nalinginnaasumit amerlanerulersinneqarput. Nualluutit inuppassuarnut, Covid-19-imik tunillatsikkunik napparsimangaatsialersinnaasunut aamma ulorianartorsiortitsinermik annertusititsisussaapput.

Misissortittarfik nutaaq periuserlu nutaaq

Københavnip Nuullu akornanni angalanermut atatillugu ullut tallimassaanni misissortittarfik nutaaq periuserlu nutaaq.

Inuup qanittumi tunillatsissimasup qanigisaa Covid-19-imik tunillatsissimasoq nutaaq

Ullumikkut COVID-19-imik tunillatsissimasoq nutaaq saqqummerpoq. Tunillatsissimasoq ippassaq pisumut attuumassuteqarpoq. Tamanna naatsorsuutigineqarsimavoq qanigisat akornanni tunillaassuuttoqartarnissaa ilimanarluinnarmat.

2020-p sinneranut ikiorsiissutinut atuuttutut malittarisassiat

COVID-19-imut attuumassutilittut sinerissap qanittuani aalisarnermut ikiorsiissutit aallartisarneri, aamma immikkut ittunut ikiorsiissutit, takornariartitsinermillu inuussutissarsiorfimmi suliarisanut ikiorsiissutit sivitsorneri Naalakkersuisut ulloq 14. septembari 2020-mi tamanut saqqummiuppaat. Malittarisassiat atuuttut tamanut saqqummiunneqassapput.

Nalunaarut nutaaq – suut eqqumaffigissavigit

Danmarkimi nunanilu tamalaani inuit tunillatsissimasut amerliartorput, taamaattumik Naalakkersuisut Kalaallit Nunaanni aamma Kalaallit Nunaannut angalasunut nalunaarut nutaaq akuersisutigeqqammerpaat. Tassani nalunaarut atuussimasoq tunngavigineqarpoq aammalu tunillaassuinissamut akiuiniarnermi sakkussat annertusineqarlutik.

Angalanissat pisariaqanngitsut tamarmik pinaveersaarneqassapput

COVID-19-ip Danmarkimi tuniluunnerata annertusiartornera ingerlaannarpoq – taamaattumik suliffeqarfiit, oqartussaasut innuttaasullu nuna qimallugu pisariaqanngitsumik angalanissanik pinngitsuuinissaannik maanna Namminersorlutik Oqartussat inassuteqaateqarput.

COVID-19 – Kalaallit Nunaannut tikinnermut innersuussutit nutaat

COVID-19-ip tuniluunnera Danmarkimi aamma nunani allani arlalinni annertusiartorpoq. Tuniluunnerup annertunera Nakorsaaneq annilaangassuteqarluni oqarpoq, tuniluuttoqarnerata Kalaallit Nunaannut eqqunneqarsinnaanera annertunerulermat.

Sinerissap qanittuani aalisartunut ikiorsiissut nutaaq – kiisalu inuussutissarsiutinik ingerlataqartunut ikiorsiissutit sivitsorneqarnerat

Nunami inuussutissarsiutit ilaat kisimik COVID-19-mit eqqugaanngillat – aammali sinerissap qanittuani aalisarneq eqqugaavoq. Taamaammat sinerissap qanittuani raajarnianut, saattuarnianut saarullinnianullu sammititamik aningaasaqarnikkut ikiorsiissutinik pilersitsinissaq Naalakkersuisut aalajangerpaat.

COVID-19-imut akiuiniarluni Kalaallit Nunaanni suliniutinut iluarsiissutit akuerineqarput

9. januar 2020-mi WHO-miit nappaat nutaaq tuniluuttorlu COVID-19 pillugu nalunaarut siulleq takkuppoq. Tamatuma kingorna nappaat nunarsuarmi tuniluuttoq peqqutaalluni tunillatsittut toqusullu amerliartorusaarput. Kisiannili aamma upernaap ingerlanerani COVID-19 pillugu ilisimasat amerliartorput, tamannalu tunngavigalugu Naalakkersuisut COVID-19-imut nunarsuarmi tuniluuttumut akiuiniarluni suliniut iluarsisaq akueraat.

Katerisimaartarnernut assartuutinullu killilersuigallarnerit pillugit nalunaarummut ilitsersuut

Katerisimaartarnernut, ininut kikkunnit tamanit iserfigineqarsinnaasunut assartuutinullu killilersuigallarnerit pillugit Namminersorlutik Oqartussat nalunaarutaat, nr. 28, 31. juli 2020-meersoq ilitsersuutaat pillugu ilisimatitsissut.

Nunatta avataanit Nunatsinnut angalanermi piumasaqaatit pillugit nalunaarut nutaaq

Savalimmiuni Islandimilu tunillaassuunnerup annertusiartornera pissutigalugu nunanit taakkunanit marlunnit nunatsinnut angalasunut immikkut sakkukilliliissutit peerlugit nalunaarummik iluarsisamik Naalakkersuisut ippassaq atuutsitsilerput.

Katersuunnissamut il.il. killilersuutaagallartut sivitsorneqarput

Naalakkersuisut katersuunnissamut il.il. killersuugallartut pillugit nalunaarummi iluarsiissuteqarput aammalu 31. januar 2021-p tungaanut sivitsuillutik.

Covid-19: Tunillaassortoqannginnissaanut periuserineqartumi anguniagaq pingaarutilik anguneqarpoq

Namminersorlutik Oqartussat misiligutinut atortorissaarutissatut maskiinanik tallimanik nutaanik pisipput, taakkulu Covid-19-imik tunillatsittoqarsimaneranik misissuinermi sukkanerusumik akissutissarsissanganissamut iluaqutaassapput.

Angalanissamut ikiorsiissutit takornariartitsinernut atatillugu ikiorsiissutinut aaqqissuunneqareersunut ilalersuutaassapput

Angalanissamut ikiorsiissutinik aaqqissuussineq Naalakkersuisunit pilersinneqarpoq, taakkualu COVID-19-ertoqarneranut atatillugu takornariaqarnerup iluani kingunerluutinut ikiorsiissutissatut pilersinneqarnikuupput.

Nanortallip eqqaani umiarsuarmi tunillatsissimasoq ataaseq

Ilisimasassarsiortut umiarsuaanni inuk ataaseq tikinnerminiit ullut tallimassaanni misissortinnermut atatillugu COVID-19-imik tunillatsissimasoq paasineqarpoq. Inuk taanna ippassaq Nanortalimmi peqqissaavimmi misissortippoq, tassanilu ersiuteqanngilaq. Umiarsuaq maanna Kalaallit Nunaata kujataani immamiippoq.

Takornariartitsinermik ingerlataqartunut ikiorsiissuteqartarnermut malittarisassani allannguutit

Takornariartitsinermik ingerlataqartunut ikiorsiissuteqarnermik aaqqissuussinerni malittarisassani allannguuteqartitsisoqassasoq Naalakkersuisut aalajangerput. Inuussutissarsiortut qisuariaatigisartagaat tunngavigalugit suliffeqarnermilu illuatungeriinnik oqaloqateqareerluni tamanna pivoq.

Nunatsinnut angalaneq pillugu nalunaarut nutaaq

Nunatsinnut angalaneq pillugu nalunaarut nutaaq ullormi 21. julimi atuutilissaaq maannakkuugallartumillu 31. december 2020-p tungaanut atuutissalluni - taamatuttaaq katerisimaartarnernut killilersuigallarnerit pillugit nalunaarutip atuuffia 31. decemberimut atuuttussanngorlugu sivitsorneqassaaq.

Coronamut misissortittarnernut aamma aneqqusaajunnaarallarnernut assigiimmik periuseqarnissaq

Siunissami coronamut misissortinnerni tamani toqqusaakkut, tassa qungasikkut, taamaallaat misissortittoqalissaaq. Taamaalilluni qinngakkut misissortittoqartarunnaassaaq, soorlu tamanna illoqarfiit ilaanni periuserineqaraluartoq. Qinngakkut nappaatip suuneranik misissuinermi misissukkap inernera tutsuiginarnerusarpoq, kisiannili innuttaasunut ippingianartuuvoq tamannalu pissutigalugu inuit misissortinnissamut tunuarsimaarsinnaallutik.

Innuttaasunut aneqqusaajunnaarallartitaasunut sumiiffissanik pisariaqartitsisunut attaveqaatit

Innuttaasunut aneqqusaajunnaarallartitaasunut sumiiffissanik pisariaqartitsisunut, illoqarfiit qimallugit peqqissaaveqarfeqanngitsunut angalasunut kiisalu Qaanaamut Tunumullu angalasunut tullinnguuttut atuupput.

Nunatsinnut angalanermut nalunaarutip sivitsorneqarnissaa pillugu isumaqatigiinneq

Ullormi 15. juni Kalaallit Nunaata ammaqqinnissaanut immikkoortoq 1-ip atulermalli tikittussat amerlassusaat aamma inuiaqatigiinni suliassanut tulleriaarneqartunut tikittussat amerlatsikkiartortinneqarsimapput. Nutaanik tunillatsittoqarsimanngimmat nunatsinnut angalanermut nalunaarut atuutsinneqaannassaaq, atuuffialu 20. juli tungaanut sivitsorneqassalluni.

COVID-19-imi kaaviiaartitani annaasanik pissuteqartumik suliffinnut taarsiissuteqartarnernut malittarisassiani allannguut

Suliffeqarfimmi illua-tungerisat oqaloqatigereerlugit suliffiit COVID-19-eqarfimmi annaasaannik taarsiissuteqarnissamut naatsorsuisarnerup allanngortinnissaa Naalakkersuisut aalajangiuppaat. Tamatuma nassataraa kaaviiaartitanik annaasanik narlusuumik ingerlasunik malittarinnittumik taartisiaqalernermik.

Takornarialerisunut ikiorsiissutissat piffissap suliaqarnerpaaffiusartup anigorniarnissaanut tapersiivigineqassapput

”Takornariartitsinermik inuussutissarsiuteqartunut ingerlatassat” marlunnik aaqqissuussinertaqartut, takornariartitsinermut suliffeqarfiit aasaanerani suliaqarnerpaaffiusartup, COVID-19-ip kingunerisaanik inissisimanermit sunnernerlunneqartussatut naatsorsuutigineqartup, anigorniarnissaanut ikiorsiisussat, Naalakkersuisut atuutilersippaat.

Katerisimaartarnernut il.il. killilersuigallarnermi naleqqussaarinerit

Katerisimaartarnernut il.il. killilersuigallarneq pillugu nalunaarummut Naalakkersuisut naleqqussaarisimapput.

Kalaallit Nunaata ammaqqinneqarnera pillugu paasissutissat (immikkoortoq 1)

25. maj 2020-imi Kalaallit Nunaata ammaqqinneqarnissaanut immikkoortoq 1 ulloq 15. juni 2020 aallartissasoq Naalakkersuisut tusagassiorfinnut nalunaarutiminni nalunaarutigaat.

Ullormi 15. junimi ammaaqqinnissaq attatiinnarneqassaaq

Naalakkersuisut sapaatit akunnerini kingullerni coronamik tunillatsissimasut Danmarkimiittut nunarsuullu sinneraniittut malinnaavigeqqissaarsimavaat. Ippassaq partiini siuttut tamarmik ataatsimeeqqipput ammaaqqinnissamullu isumaqatigiissutertik allanngortissanngitsoq qulakkeeqqillugu. Partiit siuttuisa ataatsimiinneranni ammaqqinnissamut immikkoortup 1-ip ataasinngornermut junip 15-iannut ullulernera attatiinnarneqassasoq isumaqatigiissutigineqarpoq.

Sumut-immersuiffissaq

15. juni 2020 arlaatigut piareersimanissat ilanngullugit Kalaallit Nunaannut angalasarneq ammarneqassaaq. Piareersimanissanut ilaavoq illit nammineerlutit angalasutut Sumut-immersuiffimmik immersuisarnissat.

Nunatsinnut tikinnermi angerlarsimaannarnissamut misissortinnissamullu malittarisassat 2. juni aallarnerfigalugu atuuttussat

15. juni aallarnerfigalugu Nunatsinnukartut misissuiffigineqartarunnaassapput avammullu angalanissamut bilitsit pisiarineqarsinnaalissallutik. Nunatsinnulli tikittut tamarmik misissortinnissamut maanngalu tikinnermi angerlarsimaannaqqusaaneq pillugu malittarisassat malissavaat immersugassarlu Sumut immersortassallugu.

Ammaaqqinnissami immikkoortoq 1 ullormi 15. juni aallartissaaq

Kalaallit Nunaata ammaqqinnissaanut immikkoortoq 1 pillugu naalakkersuinikkut ataatsimut isumaqatigiissusiortoqarsimavoq, taannalu ullumikkut partiini siulittaasut tamaasa peqataatillugit saqqummiunneqarpoq. Isumaqatigiissummi pingaarnertut sammineqarsimapput tikissinnaalernissamut ammaanissaq piffissalernera, tikittussat amerlassusissaat aamma mattussaasarnermut misissuiffigitinnissamullu malittarisassat.

Aasianni Covid-19-imik tunillatsissimasoq ataaseq

Innuttaasoq Aasianneersoq Danmarkimiit angerlareerluni Covid-19-imik tunillatsissimasoq paasineqarpoq. Tunillatsittoq inoqutinilu aneqqusaanngillat, tunillaassuunnissarlu soorpianngitsutut nalilerneqarpoq.

Hotelini unnuinerit akileraaruteqanngitsumik sulinngiffeqarluni angalanermut aamma atuutilerput

Hotelini unnuinerit akileraaruteqanngitsumik sulinngiffeqarluni angalanernut ilaalerput.

1. juni 2020-miit sapaatit akunnerannut pingasoriarluni Imarpik qulaallugu timmisartuussisarnissaq

1. juni 2020-miit Kastrupip Mittarfiata aamma Kangerlussuup akornanni sapaatit akunnerannut pingasoriarluni Imarpik qulaallugu timmisartuussisoqartalernissaa pillugu Namminersorlutik Oqartussat Air Greenlandimut isumaqatigiissuteqarput.

Imarpik qulaallugu timmisartuussinernut nutaamik isumaqatigiissuteqartoqangajalerpoq

Kalaallit Nunaanni ammaassiartorneq pillugu suliniuteqarnermi maannarpiaq Namminersorlutik Oqartussat isumaqatigiissut, Kastrupip Mittarfiata aamma Kangerlussuup akornanni Imarpik qulaallugu timmisartuussinerit akuttoqatigiilernissaannik qulakkeeriffiusussaq sularileruttorpaat.

Naalakkersuisut ammaasoqarnissaanut periusissaat

Ullormi 18. marts inuiaqatigiinni nappaalanersuup pinngitsoortinnissaa anguniarlugu timmisartukkut nunatsinniit nunatsinnullu angalanerit tamarmik mattunneqarput. Tamatuma kingorna nunap iluani angalanernut aamma nunanut allanut angalanerit killilersuinerit sakkukillineqarsimapput. Ammaasoqarnissaanut periusissamut Naalakkersuisut inassutaat maanna saqqummiunneqassapput.

Kunngeqarfiup Issittoq pillugu periusissiaata nutarterneqarnera pillugu nutaarsiassat kingulliit

Kunngeqarfiup Issittoq pillugu periusissiaa maannakkut atuuttoq 2020-p naanerani atorunnaassaaq.

Kalaallit Nunaat Amerikamiut suliffeqarfiutaanit COVID-19-imik misileraatissanik 5.000-inik pisivoq

Namminersorlutik Oqartussat Amerikamiut suliffeqarfiutaanit Cepheidimit COVID-19-imik misileraatissanik 5.000-inik pisipput. Misileraatissat ilaasa siulliit tikittareerput atulerneqareerlutillu.

Danmarkimi ilinniarfinnut ammaqqissimasunut ilinniariartorluni angalasarnerit

Sisamanngorneq 7. maaji Danmarkimi Ministeriunerup Mette Frederiksenip Danmarkimi efterskolit inuussutissarsiornermullu ilinniarfiit 18. maaji aallarnerfigalugu ammaqqikkiartorneqarsinnaalersut nalunaarutigaa.

Namminersorlutik Oqartussat Kulturimut aningaasaliissutaannik agguaassineq

Ilinniartitaanermut, Kultureqarnermut, Ilageeqarnermut Nunanut Allanullu Naalakkersuisoq Ane Lone Bagger kulturimut aningaasaliissutissanik 3.315.239,00 kr.-inik agguaassivoq.

Isummernissamut kiffaanngissuseqarpugit – isummernissarli pisussaaffiginngilarput

Aallaqqaammut hashimik anngiortumik eqqussuinissaq pinaveersimatinniarlugu ilanngaaserisunik amerlanerusunik kissaateqarput. Tulliullugu akileraarusigaanngitsumik akiliunneqarluni sulinngiffeqarluni angalanernik atuinerup annertunerulersinneqarnissaat illersorpaat. Maannalu Coronap siaruaassuunnerata nalaani takornariaqartitsinermik inuussutissarsiutillit siuarsarniarlugit Namminersorlutik Oqartussat ikiorsiissuteqarnissamik saqqummiussinissaannut siunnersuummik saqqummiussipput.

Kitaata avataani qaleralittanik tulaassisussaatitaaneq affaannanngortinneqarpoq

Aalisarnermik inuussutissarsiuteqartut siusinnerusukkut qaleralinnik niuerfigisartakkaminnut nioqquteqarniarnerminni nualluussuaq COVID-19 pissutigalugu aporfeqalersimaqisut Aalisarnermut Naalakkersuisoqarfimmut saaffiginnissuteqarput.

Aallaqqusinnginnerit atorunnaarsinneqarput – tunillaassortoqannginnissaanulli periuserineqartoq suli malinneqassaaq

Kalaallit Nunaannit angalanissat peqqinnissaq eqqarsaatigalugu aarlerinartoqarunnaarmata Kalaallit Nunaata Danmarkillu akornanni upalungaarsimanermi immikkut timmisartuusisarnerit ataasinngornermi 4.maj aallarnerfigalugu atorunnaarsinneqarput.

Nunatsinnut angalasut annertuumik amerlinerat pissutigalugu misissuisarnerit amerlineqarput

Sapaatit akunnerni kingulliini nunatsinnut angalasut amerliartornerat pissutigalugu coronavirusimik nappaateqarnermut misissortittartut ikilisimapput. Tamanna pissutigalugu Kalaallit Nunaanni Covid-19-imik nappaalasoqalernissaanik pinaveersaartitsiniarluni nappaammut misissuisarnermut periuseq sakkortusineqassaaq, taamaaliornermut tunillatsissimasut erngiinnaq nassaarineqartarnissaat siunertaavoq.

Timersortarfinnut innersuussutit

Peqqissutsimut Naalakkersuisoqarfik Nunattalu Nakorsaaneqarfia timersortarfinnik, soorlu haalinik naluttarfinnillu ammatitsinermut ataani allassimasunik innersuussutiliorsimapput.

Akiuussutissalersuinermut pilersaarutinik annertusaaneq

Napparsimasut qajannartut nappaatinik annertuumik tunillaasartunik eqqugaasartut amerlassusaata ikilisarnissaat siunertaralugu Naalakkersuisut Nunatta Nakorsaataasivia aamma Nunatta Nakorsaaneqarfia suleqatigalugit akiuussusersiuineq annertusisarpaat, taamaalilluni coronavirusip tunillaassuunnerani peqqinnissaqarfiup artorsarnissaa pinngitsoortinneqassaaq.

1. maj immikkut illuinnartoq

Aningaasaqarnermut Aatsitassanullu Naalakkersuisup Vittus Qujaukitsup oqalugiaataa.

Jess Svane-p maajip aallaqqaataani oqalugiaataa

Ulloq 1. maj 2020 - Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisup Jess Svane-p oqalugiaataa

Sapaatip akunnerani 18-imi pisussat

Corona pissutigalugu sapaatip akunnerani 18-imi pisussaagaluit kingusinnerusukkut pisussanngorlugit kinguartinneqartut pillugit Naalakkersuisut 6. april tusagassiortunut nalunaaruteqarput.

Soraarummeernerit aamma misilitsinnerit inuusuttuaqqanut ilinniartitaanerni aamma qaffasinnerusunik ilinniartitaanerni

Naalakkersuisut akuersissutigivaat nalunaarut ajornartoornermi atuartitsisarnernut, tamatumani aamma misilitsittarnernut, maanna COVID-19-ip nalaani ilinniarnertuunngorniarfinni, inuussutissarsiutinut ilinniartitaanerni aamma qaffasinnerusunik ilinniartitaanerni.

Naalakkersuisut angalanissamut innersuussisartuinut naammagittaalliuuteqarsinnaatitaaneq pillugu naqqiineq

Tallimanngornermi tusagassiortunik katersortitsinerup kingorna angalanissamut qinnuteqaatit itigartitsissutigineqaraangata naammagittaalliuuteqarsinnaatitaasoqanngitsoq erseqqissarneqassaaq.

Tusagassiortunik katersortitsineq: Nunatta akiliisinnaassusianik aqutsineq

Suliffeqarfiit COVID-19-imut suliniutinut tunissuteqarput

Coronamik ajornartoornermi suliffeqarfinnit tunissutit assigiinngitsuupput – ilaatigut tassaallutik TV-kkut ilanngutassiat aamma illersuutit.

Suliffeqarfiit siunissamut sammisumik akissarsianut aningaasartuutinut matussutissinneqartassapput sulisuminnut COVID-19-ip nalaani angerlartitaasunut

Naalakkersuisut suliffeqarnermi illuatungeriinnik oqaloqateqareerlutik aalajangerput siunissamut sammisumik akissarsianut annaasanut taartisiassat 75 pct.-iniit 90 pct.-inut qaffanneqartut, suliffeqarfiit sulisuminnik soraarsitsinatik angerlartitsigallartarnerannut atatillugu.

Kalaallit Nunaat alloriarnernut marlunnut avillugu ammaqqippoq

Ullumikkut Naalakkersuisoq Karl Frederik Danielsen nalunaaruteqarpoq, Kalaallit Nunaat ulloq 25. april nal. 8.00 aallarnerfigalugu nuna tamakkerlugu ataatsimoorussamik innersuussutinik atuiffiulissasoq.

Nuummiit angalanissamut inerteqquteqarneq ullumikkut nal. 23.59 atorunnaassaaq

Tunillaassortunik nappaalanersuaqarneranut Ataatsimiititaliarsuup Nuummiit angalanissamut inerteqquteqarneq ullumikkut nal. 23.59 atorunnaarsippaa. Tamatuma kingunerisaanik innuttaasut unioqqutitsinatik Nuummiit angalaqqissinnaalerput.

Peqqinnissaqarfimmi suliat suliarineqartartut amerlineqassapput

Tunillaassortoqannginnissaanut periuserineqartoq atuunnerani Peqqinnissaqarfiup COVID-19-imik nappaateqartunut aamma coronavirusimik tunillanneqarsimasorisunut sullissinissaminut suli piareersimassaaq. Saniatigut suliassat allat annertusiartortumik suliarineqalissapput.

Ulluunerani paaqqinnittarfiit meeqqallu atuarfii sapaatip akunnerata tullianit ammariartuaarneqalissapput

Nuummi ulluunerani paaqqinnittarfiit meeqqallu atuarfii sapaatip akunnerata tullianit ataasinngornermit ammariartuaarneqalissasut Naalakkersuisut siulittaasuata Kim Kielsenip ullumi nalunaarutigaa.

Nunatsinni maanna misiligutit misissorneqarsinnaalerput

Manna tikillugu innuttaasut ullut marluk tikillugit COVID-19-imut misiligutit inerneri utaqqisarsimavaat. Maani laboratoriaqalernikkut misissugassat akissutaat innuttaasunut sukkanermik tunniunneqartalissapput, tassami misissukkat akissutaat ullormit ullormut tunniunneqarsinnaalissammata.

Meeqqat atuarfianni inaarutaasumik misilitsinnerit taamaatiinnarneqarneri

Ilinniartitaanermut Naalakkersuisup Ane Lone Baggerip siunnersuineratigut Naalakkersuisut aalajangerput, meeqqat atuarfianni 10. klassimi inaarutaasumik misilitsinnerit taamaatinnarneqarnissaannik nalunaarut atulersinniarlugu.

COVID-19-imut atatillugu ikiorsiissutit assut soqutigineqartut

Inuussutissarsiorfimmut ikiorsiissutit marluk atorlugit COVID-19-imik nalaataqarnermi eqqugaasunut nunatsinni suliffeqarfinnut aningaasarsialinnullu sillimmasersuut Naalakkersuisut inississimavaat.

Misiligutit 29-t akissutaat - tunillatsittoqarsimanngilaq

Ullumi misiligutit 29-t akissutaat tiguneqarsimapput, taakkunanngalu tunillatsittoqarsimanngilaq.

Nuuk Centerip iluani pisiniarfiit ammarneqarnerannut najoqqutassat

Imigassanik aalakoornartortalinnik nioqquteqartarneq imigassartortitsinermullu inerteqquteqarneq sivitsorneqarnavianngilaq

Naalakkersuisut Siulittaasuat Kim Kielsenip imigassanik aalakoornartortalinnik nioqquteqartarneq imigassartortitsinermullu inerteqqut 15. april nal. 10.00 atuukkunnaartussaq sivitsornianngilaa.

Inuiaqatigiinnut innuttaasunullu maleruaqqusat nutarsakkat

30. april ilanngullugu angalasarnissanut atuuttut

Københavnimi Kalaallit peqqissartut Najugaqarfianni ataaseq tunillatsissimavoq

Københavnimi Kalaallit peqqissartut Najugaqarfianni napparsimasoq ataaseq qanigisaasorlu ataaseq covid-19-imik tunillatsissimapput.

Nutaarsiassatsialak: Tunillatsittunik nutaanik soqanngilaq

Ullumikkut sisamanngornermi ulloq 9. april 2020-mi misiligutit 35-t akissutaat tiguneqarsimapput, taakkunanngalu tunillatsittoqarsimanngilaq.

Inuiaqatigiinnut innuttaasunullu maleruaqqusat nutaat

30. april ilanngullugu angalasarnissanut atuuttut

Nutaanik tunillatsittoqarsimanngilaq

Ullumikkut sapaammi 5. april misiligutit 37-t tiguneqarsimapput, tamarmillu tunillatsissimasoqanngillat.

Nuummi COVID-19-imik tunillatsissimasoq nutaaq

Ullumikkut misiligutit nunatsinnit tamaneersut 114-init akissutaat tigusimalerpavut. Taakku ilaat ataaseq tunillatsissimavoq.

Tunillatsittunik nutaanik soqanngilaq

Ullumikkut sisamanngornermi 2. april 2020 misiligutit 89-it tiguneqarsimapput, taakkunanngalu tunillatsittoqarsimanngilaq.

Nuummi imigassat aalakoornartortallit matunerannut tunngatillugu innuttaasunut Allorfimmit neqeroorutit

Ulloq 28. marts unnukkut Naalakkersuisut Covid-19-ip innuttaasunut siaruaateqqinnginnissaanut ilanngullugu Nuummi, Kapisilinni Qeqertarsuatsiaanilu imigassanik tuniniaasarnerit matuneqassasut aalajangerput.

Nuummi pigisaanilu imigassanik aalakoornartortalinnik tuniniaasarnerit sassaalliuteqartarnerillu ulluni 28. marts 2020-miit 15 .april 2020-p tungaanut inerteqqutigineqalerneri

Nuummi pigisaanilu imigassanik aalakoornartortalinnik tuniniaasarnerit sassaalliuteqartarnerillu ulluni 28. marts 2020-miit 15 .april 2020-p tungaanut inerteqqutigineqalerneri.

Qimarnguinnut immikkut aningaasaliisoqarpoq

Corona pillugu killiffik aammalu Nuup immikkut matuneqarnera, ilaqutariinnut inuuniarnermikkut ajornartorsiuteqareersunut pitsaanngitsumik sunniuteqarput.

Immikkut illuinnartumik peqqissutsikkut iliuuserineqartunut ilassutitut aningaasaliissutit

Naalakkersuisut aamma Aningaasaqarnermut Akileraartarnermullu Ataatsimiititaliap ilassutitut aningaasaliissutit akuersissutigeqqammerpaat, tamatuma coronavirusi pillugu pisut tunngavigalugit immikkut illuinnartumik iliuuseqarnermut aningaasartuutit amerlanerulersinnissaannut Naalakkersuisut tunngavissaqalersippai.

Pisariaqartumik angalanissanut qinnuteqarnissamut periarfissat

Kalaallit Nunaanni aamma Kalaallit Nunaannut Kalaallillu Nunaanniit timmisartut umiarsuillu atorlugit angallassinerit tamarmik, coronavirusip siammariartornera pissutigalugu unitsikkallarneqarnikuupput. Piffissami tassani upalungaarsimatitanik pilersitsisoqarsimavoq, taakku angalanermi siunertat pingaartitat arfinillit aallaavigalugit ilaasunik angallassisinnaapput.

Angerlarsimaffigisap avataani ingerlariaqqinngitsoorsimassagaanni

COVID-19-imut tunngatilugu angallannermi killersuinerit malitsigisaannik innuttaasut Kalaallit Nunaanni, Danmarkimi nunanilu allani ingerlariaqqissinnaajunnaaqqapput. Matuma ataani pisuni assigiinngitsuni sumut kikkullu attaveqarfigineqarnissaat pillugit ilitsersuuteqarpoq:

Corona pillugu Nunatsinni tamanut SMS-ikkut paasissutissaq

Corona pillugu immikkut ittumik TELE-POST suleqatigalugu, maanna nunatsinni oqartussat Nunatsinni tamarmi mobiltelefonimik pigisaqartunut SMS-ikkut nalunaarutinik nassitsisinnaalerput.

Kalaallit Nunaannut/-nniit angalanissamut innersuussutit

Kalaallit Nunaat Kunngeqarfik Danmarki ilagimmagu Danmarkimut angalanissamut killiliineq aamma Kalaallit Nunaannut atuuppoq.

Nassiussat allakkallu

Kiffartuussinissamik isumaqatigiissutit atuuttut naapertorlugit Air Greenlandip A/S, Disko Line A/S-ip kiisalu Norlandairip sinerissami illoqarfinnut nunaqarfinnullu allakkanik poortukkanillu assartuinissamik pilersaarut atatiinnarpaat.

Ikiorsiissutit COVID-19-ip kingunerisaanik pissusiulersunut tunngatillugu

COVID-19 -ip kingunerisaanik pissusiulersut kalaallit suliffeqarfiutaannut ajornartorsiornartumik inissiipput.

Covid-19 tunillaassuunnissaanut aarlerinaateqarnerani aanngajaarniutinut katsorsaaneq

Nappaat Covid-19 pillugu pisut allannguuteqartuarput, maannamullu pisut tunngavigalugit aanngajaarniutinut katsorsaanermik neqeroorutit allanngortittariaqarput.

Suliniutinik Nuummi ulloq 18. marts nal. 16.00-imiit atuuttunik erseqqissaaneq

Nuummi Napparsimmavissuarmut pulaaqqusiunnaarneq: Paasissutissaq pingaarutilik!

Peqqinnissaqarfiup Napparsimmavissuarmi immikkoortortanut napparsimasunullu akunnittarfinnut Nuummiittunut pulaarneq unitsippaa.

”Danskerlisten” pillugu nutartigaq 19. marts 2020

Pingaarutilik!

Inuussutissarsiornerup iluanut ikiorsiissut kiisalu suliffeqarnermut ikiorsiissut

Naalakkersuisut ikiorsiissutissanik marlunnik tapiiffigeqqullutik qinnuteqarput.

Nuummi COVID-19-ip siaruarnera akiorniarlugu suliniutit nutaat

Piffissami kingullermi Naalakkersuisut ataatsimut isigalugu inuiaqatigiinni COVID-19-ip tuniluunnerata siaruarneranik annikillisitsisinnaasunik arlalinnik suliniuteqarsimapput.

Nuup matuneqarnera Nuummi Peqqinnissaqarfimmut sunniuteqarpoq

COVID-19-ip Nuummi siaruaannerata killilernissaanut suliniutai pillugit upalungaarsimanermut tunngatillugu nalunaarut

Peqqinnissaqarfimmi suliassanik pinasuartariaanngitsunik kinguartitsineq

Piareersaanerit torersumik aqutamillu ingerlanneqarput

Politikkikkut isumaqatigiilluni Nunatsinniit nunatsinnullu attaveqaatit matugallarnissaat siunniunneqarpoq – taamatuttaaq atuarfiit matugallassallutik.

COVID-19-imik tunillatsissisut ullumi ilaqqinngillat

Nunatta Nakorsaanerata nalunaarutigaa COVID-19-imik tunillatsissimasoq suli ataasinnaasoq.

Meeqqat corona-mik ernumassutillit Tusaanngap oqarasuaataa aqqutigalugu ikiorneqarsinnaapput

Ullumimiit marlunngorneq 17. marts, meeqqat Coronavirus pillugu oqarasuaatikkut immikkut ittumik siunnersuisarfimmut normumut, Tusaannga-siunnersuisarfik pioreersoq aqqutigalugu sianersinnaalernissaat Naalakkersuisut qulakkeerpaat.

Nunatta Nakorsaanerata napparsimmavinni, peqqissaavinni nakorsiartitsivinnilu pulaartut killilerneqarnissaat inassutigaa

Coronavirusimik nutaamik tunillitsissimasoq siulleq Nunatsinni paasineqarpoq

Nunatta Nakorsaanerata nalunaarutigaa coronavirusimik nutaamik tunillatsissimasoq siulleq maannakkut nunatsinni paasineqartoq.

Tusagassiortunik 15. marts 2020 katersortitsinermi COVID-19 pillugu pissutsinut malinnaatitsineq

Conoraviruseqarnerani angallanneq

Imminut mattunnissamut inassuteqarnermut erseqqissaaneq

Corona pillugu killiffik

Corona pillugu killiffik nakorsaaneqarfimmit ima nassuiarneqarpoq:

Ippassaq tallimanngornermi coronamut misissugassat pingasut nassiunneqartut tamarmik tunillatsissimanngillat.

Kunngeqarfiup naalagaaffimmi innuttaasuisa nunani allaniittut nalunaarsuiffiat

Nunanut Allanut Ministeriaqarfiup piuminarnerusumik attaviginnissinnaaniassammat ”Danskerlisten” tassa ”Danskit nalunaarsuiffiannik” taagorneqartumik suliaqartoqarsimavoq, tassungalu Kunngeqarfiup naalagaaffimmi innuttaasui Kalaallit Nunaanni innuttaasut ilanngullugit nunani allaniittut ilanngussinnaapput.

Coronavirusi pissutigalugu peqqinnisaqarfiup Danmark imi sullisineranut allannguutit pillugit passisutissiineq

Danmarkimi pisut nassatarisaannik nunalu tamakkerlugu COVID-19-mik akiuiniarnermi iliuusissatut siunniussat tunngavigalugit, Danmarkimi pinasuartuunngitsumik nakorsartittussat/misissortittussat marsip 31-annut 2020 killilerneqarallartumik unitsinneqarput.

Naalakkersuisut Corona pillugu oqarasuaatikkut email-ikkullu saaffiginnittarfimmik pilersitsipput

Tallimangornermiit 13. marts nal. 12:00 aallarnerfigalugu oqarasuaatikkut sianerluni innuttaasut uunga oqa. 80 11 00 Corona pillugu apeqquteqartoqarsinnaalissapput.

Danmark-imi efterskole-ni atuartut tamarmik isumagineqarput

Naalakkersuisut, ilisimavaat inuiaqatigiit tamarmik malinnaavigigaat Covid19/ Coronavirusip qanoq ineriartornera.

Coronavirus-ip tunillaasuutipiloornissaa pinngitsoorsimatinniarlugu inassutit nutaat

Naalakkersuisut siulittaasuat Kim Kielsen aamma Nappaatit tuniluuttut pilugit ataatsimiititaliap siulittaasua, politimester Bjørn Tegner Bay martsip 12-anni tusagassiortunik katersortitsipput.

Nappaalanersuaqarneranut ataatsimiititaliap COVID-19 pillugu innersuussutai

Immikkut navianartorsiorfiusuninngaanneeraanni  ulluni 14-ini angerlarsimanissamut tunillaassuuttumik nappaalanersuaqalernerani ataatsimiititaliarsuarmit innersuussutit nutaat

Coronavirus pillugu paasissutissat nutaat

Coronavirus nappaallu tassannga patsiseqartoq pillugit paasissutissat pingaarnerit Nunatsinni Nakorsaaneqarfimmit katersorneqarput.