airplanebooksbriefcase business cogs cross election entertainment fish house law lockmedicalpeopleselfservices socialtax

Nunatsinni isaarissami innuttaasut akiuussutissamik kapitinnissamut neqeroorfigineqarput

Aqagu pingasunngornermi 7. apriilimi Kangerlussuarmi innuttaasut 16-ileereersimasut tamarmik coronamut akiuussutissamik kapitinnissamut neqeroorfigineqarput. Aqaguinnarpat akiuussutissamik kapuisut Maniitsumut pissapput, tassanilu innuttaasut 50-inik sinnerlugillu ukiullit tamarmik akiuussutissamik kapitinnissamut neqeroorfigineqassapput.
6. april 2021


Kapitinneq
Nittartagaq nakkutigiuk
Sapaatit akunneranni siusinnerusukkut nalunaarutigineqareersutut nun.gl-imi paasissutissat nutarterneqarput, nittartakkamilu nutaami tassani qaqugu tullianik kapuisoqassanersoq, sumi kapuisoqarnersoq aammalu maannamut kapitissimasut pillugit kisitsisitigut paasissutissat nassaarisinnaavatit.

Aqagu tullianik kapuisoqalereertussaavoq:
  • Pingasunngorneq, 7. apriili: Kangerlussuaq (16-inik ukiullit utoqqaanerusullu tamarmik), nal. 09.00 – 15.00 Timersortarfimmi.
  • Aammalu sisamanngorneq 8. apriili aamma 9. apriili Maniitsumi (50-inik ukiullit utoqqaanerusullu tamarmik), nal. 09.00 – 15.00 atuarfiup inersuaani.

Tamatuma kingorna sap. 15-imi aamma 16-imi Kalaallit Nunaata kujataani nunaqarfinni kiisalu Narsami, Nanortalimmi aamma Arsummi innuttaasut (18-ileereersimasut utoqqaanerusullu tamarmik) akiuussutissamik Moderna-meersumik kapitinnissamut neqeroorfigineqassapput.

Akiuussutissat suussusii
Maannamut taamaallaat akiuussutissaq COMIRNATY®, nakorsaasiorfimmit Pfizer/BioNTech-imeersoq atorneqarsimavoq. Taanna aamma maanna kapuinissami atorneqassaaq. Akiuussutissap toqqortariniartarnera assartorniartarneralu ajornakusoorpoq. – minut 80 C-miitinneqartussaavoq aammalu atorneqannginnermini akuneqaqqaartussaalluni. Kisianni peqqussutit malillugit kapuisoqarsinnaavoq, taamaakkaluartorli isumalluutinik annertuunik atuisoqartariaqartarpoq.

Tamanna pissutigalugu sap. ak. 14 aallarnerfigalugu COVID-19-imut akiuussutissaq Moderna-meersoq (mRNA-1273) Kalaallit Nunaanni atorneqalissasoq isumaqatigiissutigineqasimalerpoq. Akiuussutissap akiuussutissaq Pfizer/BioNTech-imeersup assingaa, kisiannili uninngatinneqarsinnaanera ajornannginneruvoq, taamaallaat – 15 gradip aamma – 25 gradip akornanni nillissusilimmi qeritinneqartussaagami, taamaattumillu nunatsinni assartoruminarnerungaatsiassalluni. Kapitinneq siulleq tullerlu sivikinnerpaamik ullunik 28-nik akunneqassapput.