airplanebooksbriefcase business cogs cross election entertainment fish house law lockmedicalpeopleselfservices socialtax

Narsami Covid-19-imik tunillatsissimasoq ataaseq paasineqarpoq

Inuk ataaseq Danmarkimiit Narsamut tikissimasoq covid-19-imik tunillatsissimasoq nassaarineqarpoq. Pineqartoq marlunngorneq ulloq 23. Februaari nunatsinnut tikissimavoq.
3. marts 2021


Covid-19
Pineqartoq Kalaallit Peqqissartut illuanniinnikuusivoq.

Angalanerup nalaani Narsamilu attaveqarfigisimasat misissuiffigineqaleruttorput. Nunatta nakorsaanerata Politiit suleqatigalugit tunillatsissimasup angalanermini attaveqarfigisimasai misissorneqarput.

Corona allattoqarfiani suleqataasut ullup ingerlanerani angerlarsimaannaqqusaasutut attuumassuteqartut tamarmik attavigissavaat angerlarsimaannaqqusaanerullu sivisussusaanik misissortinnissamullu periarfissat ilisimatitsissutigineqassallutik.

Nunatta Nakorsaaneqarfiata Kalaallit Peqqissartut Illuaniinnikuullutik avataaniit tikittut tamarmik, tunillatsissimanermut ersiuteqarnerlutik immikkut eqqumaffiginninnissaannut noqqaaffigivai taamatuttaarlu avataaniit tikinnerannit ullut tallimassaanni misissorteqqullugit. Taakku saniatigut maleruagassat immikkut eqqummaariffigilluassavaat.

Narsamiittut piffissami aggersumi sillimaffigisassat tamarmik tuniluuttoqarsinnaaneranut annikillititsisussat eqqumaffigilluarneqarnissaannik piumaffigineqarput, ilaatigut:
  • 2 meterinik ungasissuseqarit timikkullu attuinaveersaarit
  • Errortorluartarnissat eqqaamajuk
  • Ersiuteqaruit angerlarsimaannarit, aammalu misissortinnissaq siunertaralugu najukkanni peqqinnissaqarfik erngerlutit attaveqarfigiuk

Narsami pisussat pillugit
Narsaq illoqarfiuvoq toqqaannaq tikiffigineqarsinnaasoq, tamatuma kingunerisaanik tunillatsissimanermik paasisaqartoqarneraniit ullut 30-t kingorna kommuninit allanit angalalluni peqataasoqaqqusaanngilaq. Namminersorlutik oqartussat nalunaarutaat nr. 11, 15. februar 2021-meersoq § 3 innersuunneqarpoq.

Kommuninit allanit angalalluni Narsami aaqqissuussinernut tunngatillugu apeqqutissaqaraanni coronamut allattoqarfik attavigineqarsinnaavoq corona@nanoq.gl imaluunniit oqarasuaat 80 11 00 aqqutigalugit.