airplanebooksbriefcase business cogs cross election entertainment fish house law lockmedicalpeopleselfservices socialtax

Covid-19-ip kinguneranik ikiorsiissutinik qinnuteqartoqarsinnaalerpoq

Takornariartitsinermik inuussutissarsiuteqartunut ikiorsiissutit suliffeqarfinnit qinnuteqaatigineqarsinnaalerput.
1. marts 2021


Kangerlussuaq
Ikiorsiissutit uku pillugit najoqqutassiat 29. januaari 2021-meersut Naalakkersuisut siusinnerusukkut avammut nalunaarutiginikuuaat:
  • Ajornartoortoqarnerani ikiorsiissutit (aningaasartuutinut aalajangersimasunut, iluanaarutinut annaasanut matussutissatut tapiissutit ajornartoornermilu taarsigassarsinissamik periarfissaqarneq)
  • Suliffissaqartitsinermut ikiorsiissutit (sulisut soraarsinnagit akissarsianut taarsiissutit)
  • Ingerlatsinermut ikiorsiissutit (unnuinermut misigisassarsiorlunilu angalaarnernut akikillilerutinut tapiissutit).

Ikiorsiissutinik taakkunannga maannakkut qinnuteqartoqarsinnaalerpoq.

Ajornartoortoqarnerani ikiorsiissutit aamma ingerlatsinermut ikiorsiissutit Innovation Greenlandimit aamma suliffissaqartitsinermut ikiorsiissutit Akileraartarnermut Aqutsisoqarfimmit allaffissornikkut aqunneqarput. Najoqqutassiat atuuttut uani takuneqarsinnaapput www.big.gl.

Ajornartoortoqarnerani ikiorsiissutinut najoqqutassiat allannguutaat
Ajornartoortoqarnerani ikiorsiissutinut najoqqutassiat najoqqutassianut ulloq 29. januaari 2021 avammut nalunaaruteqartunut sanilliullugu oqaasertaanik ataasiakkaanik aaqqiisoqarnikuuvoq.

Aaqqiinerit taakku tassaapput:
    Piffissaq tunngaviusoq
    Kaaviiaartitanut annaasanut uppernarsarneqartunut piffissaq tunngaviusoq qaammatikkaarlugu naatsorsorneqartassaaq, tamannalu najoqqutassiani atuuttuni immikkoortoq 2.D-mi allaqqavoq.

    Iluanaarutit annaasat aningaasartaasa killingi
    Najoqqutassiani atuuttuni imm. 3.B-mi iluanaarutit annaasat aningaasartaasa killingi inunnut suliffeqarfinnik arlalinnik piginnittunut tunngatinneqarput.

Najoqqutassiat atuuttut uani takukkit www.big.gl

Apeqqutit annertunerusut pillugit Inuussutissarsiornermut Suliffeqarnermullu Naalakkersuisoqarfimmut innersuussisoqarpoq, isiin@nanoq.gl