airplanebooksbriefcase business cogs cross election entertainment fish house law lockmedicalpeopleselfservices socialtax

Kommunit killeqarfii akimorlugit aaqqissuussinernik il.il. ingerlataqarnernik tunngatillugu malittarisassat nutaat

Ullumi Kalaallit Nunaannut nunatsinnilu angalanermi piumasaqaatit pillugit nalunaarutip aammalu katerisimaartarnernut killilersuigallarnerit pillugit nalunaarutip nutarterneri tamanut saqqummiunneqassapput. Nalunaarutit aqaguminngaanniit, 16. februaari 2021-mi atuutilissapput.
16. februar 2021


Nuuk om dagen
Nalunaarummi allannguutit pingaarnerit tassaapput aaqqissuussinernik, sammisassaqartitsinernik il.il. ingerlataqarsinnaanermut peqataasinnaanngornissat, matumani inunnik kommuninit allaneersunit peqataasoqarsinnaanngussalluni. Piffissami killilikkami qasukkaaneruvoq taamaammallu oqartussaasunit timmisartuussisarnerit nalinginnaasumik timmisartuussisarninngortinnginnerini ulloq ataaseq sioqqullugu atuutsinneqassalluni, tassa imaappoq 2021-mi apriilip ulluisa 18-iat ilanngullugu oqartussaasunit timmisartuussinerit pissapput. 2021-mi apriilip ulluisa 18-iata tungaanut sapaatit akunnerini pisuni taakkunanerpiaq qanoq inissisimasoqarnersoq paasinarsiumaarpoq taamaattumillu tamatuma kingorna nalunaarutinik nutaanik tamanut saqqummiussisoqarumaarpoq.

Aaqqissuussinernut il.il kommuninit allanit angalalluni peqataaffigineqartussanut piumasaqaatit
Aaqqissuussinernut il.il kommuninit allanit angalalluni peqataaffigineqartussanut piumasaqaatit Katerisimaartarnernut, ininut kikkunnit tamanit iserfigineqarsinnaasunut assartuutinullu killilersuigallarnerit pillugit nalunaarummi § 3-mi nassuiaqqapput.

Piumasaqaatit makkuupput:
  • Aaqqissuussineq il.il. Nunatta avataaniit Kalaallit Nunaannut angalanermi piumasaqaatit pillugit Namminersorlutik Oqartussat nalunaarutaanni § 12, imm. 1 naapertorlugu tikittarfinni akuerisaasuni pisussaapput.

Tikiffissatut immikkut toqqakkat ukuupput:
  • Ilulissat
  • Aasiaat
  • Qasigiannguit
  • Qeqertarsuaq
  • Kangerlussuaq
  • Maniitsoq
  • Sisimiut
  • Nuuk
  • Paamiut
  • Narsaq
  • Narsarsuaq imaluunniit
  • Qaqortoq

    Aaqqissuussap il.il. ingerlatinnginnerani ullut 30-it iluini illoqarfimmi tassani Covid-19-imik tunillatsissimasutit nalunaarsorsimasoqaqqusaanngilaq.

Aaqqissuussineq pilersaarutigineqareerpat aaqqissuussallu aallartinnginnerani ullut 30-it qaangiutsinnagit tunillatsittoqarsimappat, taava aaqqissuussaq aallaaviatigut taamaatinneqassaaq, imaluunniit aaqqissuisut kommuninit allanit peqataasoqannginnissaa qulakkiissavaat.
  • Aaqqissuussami il.il. inuit 50-it sinnerlugit peqataassappata aaqqissuussinerup il.il. ingerlanneqarnera sioqqullugu tamanna Nunatta Nakorsaaneqarfianit akuersissutigineqassaaq.

Nalunaarummi taaguut “peqataasoq” atortillugu isiginnaartut aamma pineqarput. Aaqqissuussaq illup iluani silamiluunniit ingerlanneqarnersoq apeqqutaanngilaq, pisuni taakkunani marlunni inunnik 50-inik amerlassuseqartillugit aaqqissuussineq Nunatta Nakorsaaneqarfianit akuersissutigineqaqqaassaaq.

Qinnuteqaatit corona@nanoq.gl aqqutigalugu Corona pillugu allattoqarfimmut nassiunneqassapput.

Qinnuteqaat sapinngisamik piffissaq sioqqulluarlugu nassiunneqartariaqarpoq, ajornanngippat aaqqissuussap ingerlanneqannginnerani sapaatit akunneri pingasut sioqqullugit.

Qinnuteqaammi aaqqissuussap qanoq ingerlanneqassanersoq eqqarsaatiginerlugu, piumasaqaatit tamarmik qanoq malinneqarnissaasa qulakkiissanerlugu aammalu tunillaassuunnerup siaruarnissaanut aarlerinaatit annikinnerpaaniitinnissaat iluaqutaasumik allattoqarsinnaavoq.

Nunatta Nakorsaaneqarfia immikkut akuersissuteqarsinnaavoq, pissutsinik piviusunik tamanna tunngavilersorneqarsinnaappat.

Kommuninit allanit peqataasoqarsinnaaneranut killilersuinerit namminerisamik aaqqissuussanut atuutinngillat, soorlu kuisitsinerit, inuuissiornerit, apersortinnerit, soraarummeertoqarneranut atatillugu nalliuttorsiortitsinerit, katinnerit ilisinerillu.

Pissutsit allat
Ullut kingulliit 14-it iluanni nunamut maanga tikissimagaanni imaluunniit meterit marluk iluanni inunnik ullut 14-it iluanni nunamut maanga tikissimasunik attaveqaqateqarsimagaanni aaqqissuussamut il.il. peqataanissaq imaluunniit najuunnissaq inerteqqutaavoq.

Aaqqissuussamut il.il. peqataasut tamarmik peqataareernerup kingorna angerlannginnerminni misissortissapput, illoqarfimmi Covid-19-imik tunillatsittoqarsimasoq paasineqarpat.

Paasissutissat allat naalakkersuisup allatta Inger Heilmanna Larsen attavigineqarsinnaavoq, ihla@nanoq.gl, mobil +299 55 41 60 imaluunniit Corona pillugu Allatseqarfimmut corona@nanoq.gl, imaluunniit oqaras.:+299 80 11 00 aqqutigalugit pissarsiarineqarsinnaapput.

Ullumikkut kingusinnerusukkut nalunaarutit uani atuarneqarsinnaanngussapput: https://naalakkersuisut.gl/kl-GL/ Kundgoerelser/2021