airplanebooksbriefcase business cogs cross election entertainment fish house law lockmedicalpeopleselfservices socialtax

Tunillatsissimasoqartillugu angerlarsimaannarnissamut piumasaqaatit nutaat

Tuluit nunaanniit coronavirusip allanngornerata siaruaannerata aammalu februaarip qiteqqunnerata nalaani Danmarkimi atugaanerpaasussatut naatsorsuutigineqarnerata malitsigisaanik, tunillatsissimasoqartillugu qanimut attaveqarfigisimasat angerlarsimaannaqqusaanissaannik piumasaqaatit sakkortunerulernissaanut alloriarnialerpugut.
27. januar 2021


Covid-19
Tassa imaappoq inummik tunillatsissimasumik nunatsinnut tikittoqarpat, qanimut attaveqarfigisimasai ullut 14-it angerlarsimaannaqqusaassapput, angerlarsimaqqusaanissamullu piumasaqaat siusinnerpaamik aatsaat atuukkunnaassaaq ullut 14-nissaanni tunillatsissimannginnermut uppernarsaateqalersimappat.

Danmarkimi tuniluunneq annertutillugu oqartussaasunut timmisartuussinerit ingerlagallassapput. Maannakkuugallartillugu februari qaammat naallugu oqartussaasunut timmisartuussinerit ingerlassapput.

Piffissami 1. Februaarimiit 28. Februaarip tungaanut atuuttumik sullissivik.gl aqqutigalugu avataaniit angalanissamut qinnuteqarnissaq periarfissaassaaq.

Peqqinnissaqarfiup suliaanik pingaarnersiuineq
Nunatsinni innuttaasut akiuussutissamik kapitinnissaannut attuumassuteqartumik suliassanut atatillugu kiisalu coronap nalaani Danmarkimiit angalanissamut killilersuinernut atatillugu sulisussarsiortarnikkut ajornartorsiuteqarneq peqqutaalluni Peqqinnissaqarfik annertunerusumik tatisimaneqarpoq. Tamatuma kingunerisaanik peqqinnissaqarfimmi suliassaqarfiit ataasiakkaani suliaritinnissamut piffissamik tunineqarnissaq sivisunerugallarpoq.

Suliassaqarfinni suliaritinnissamut sivisunerusumik utaqqisoqarnissaanut naatsorsuuteqarfiusuni peqqissutsikkut suliaqartartut naliliinerisigut sivikinnerpaamik qaammatini arfinilinni utaqqissunneqarsinnaanernik naatsorsuuteqartoqarsinnaavoq. Aatsaalli suliassap naammassinissaanut immikkut ilisimasalinnik sulisunilluunniit allanik Danmarkimeersunik imaluunniit nunanit allaneersunit tikisitsisoqassappat.

Suliassat kinguartinneqarsinnaanngitsut allannguuteqanngitsumik naammassineqarumaarput, tamatumunnga ilanngullugit soorlu:
  • Pinasuartumik suliaritinnerit
  • Nuna tamakkerlugu pigaartut upalungaarsimasut
  • Ingerlatat qaammatini arfinilinni utaqqissunneqarsinnaanngitsutut nakorsanit nalilerneqartut
  • Tarnikkut nappaatilinnut suliassaqarfik tamarmiusoq
  • Kræftimik qulaajaaneq katsorsaanerlu

Sulisut avataaniit tikisitat nunamut maanga covid-19-imik tunillatsissimallutik tikinnissaannut aarleqqutip annikillisarnissaa eqqarsaatigalugu, peqqinnissaqarfiup suliassaanik pingaarnersiuineq pissaaq. Taamaannerani Peqqinnissaqarfik sapinngisamik pitsaanerpaamik peqqinnissap tungaatigut neqerooruteqassaaq.

Annertunerusumik paasisaqarusunnermi saaffigineqarsinnaavoq Peqqissutsimut Naalakkersuisoqarfimmi Naalakkersuisumut allatsi:
Frederik Siegstad
E-mail: frg@nanoq.gl
Tlf.: 23 39 93