airplanebooksbriefcase business cogs cross election entertainment fish house law lockmedicalpeopleselfservices socialtax

Silarlunnera peqqutigalugu Qaqortumi akiuussutissamik kapuinissat sap. ak. 4-mut kinguartinneqarput

Akiuussutissat, pingasunngornermi Qaqortumut apuunneqartussaagaluit ajoraluartumik silarlunnera peqqutigalugu apuutinngitsoorput.
14. januar 2021


Pfizer
Akiuussutissat pissutsit nakkutigisaasorujussuit atorlugit uninngatinneqartussaapput assartorneqartussaallutillu. Akiuussutissat aserussanngikkunik, qerititsivinnit qaqinneqareeraangamik aammalu assartorneqarnissaminnut poortorneqareeraangamik piffissap sivikitsuinnaap ingerlanerani atorneqartussaapput.

Taamaattumik Qaqortumut assartorneqarnerminni ulluni arlalinni ingerlaqqissinnaajunnaarnissaat peqqutigalugu, Qaqortumi akiuussutissamik kapuinissaq ajoraluartumik kinguartinneqartariaqarpoq.

Sisimiuni Aasiannilu akiuussutissamik kapuinissat pilersaarutaasut pilersaarutit malillugit ingerlaqqissapput, taamaattumillu sap. ak. 4-mi Qaqortumi akiuussutissamik kapuinerup aallartissinnaalernissaa malillugu pilersaarusiortoqassaaq.

Kapuinissap kinguartinneqartariaqalernera uggornartorujussuuvoq, kisiannili akiuussutissat tamaangaannassappata suli uggornarnerusussaavoq.