airplanebooksbriefcase business cogs cross election entertainment fish house law lockmedicalpeopleselfservices socialtax

Tunillatsissimasumut qanigisaasoq tunillatsissimasoq ullumikkut paasineqarpoq

Ullumi ataasinngornermi 28. december Aasianni COVID-19-imik tunillatsissimasumik nutaamik nassaartoqarpoq. Tunillatsissimasoq nutaaq sapaatit akunnerani kingullermi tunillatsissimasunut marluusunut qanigisaavoq.
28. december 2020


Covid-19
Pineqartoq tunillatsissimasunut marlunnut qanillinermi kingorna angerlarsimaannarsimavoq, aammalu nammineq oqarnera malillugu angerlarsimaannartussaatitaani tamakkiisumik malissimallugu. Taamaattumik Aasianni tunillaassuussinnaaneq suli killeqartorujussuartut naliliiffigineqarpoq.

Oqartussaasut aammaloorlutik tamanut kaammattuutigaat, peqqissutsimik suliallit siunnersuutaat maleqqullugit.
  • Qanillinaveersaarit
  • Assammiinerit eqitaarinerillu pinaveersaakkit
  • Assannut quersornak
  • Errortorluartarit
  • Ersiuteqaruit angerlarsimaannarit aamma Covid-19-imik tunillatsissimanerlutit misissortinnissamut piffissamik inniminniigit