Tunillatsissimasut marluk ilisimatinneqareerput aammalu taakku ilisimatitsipput, angerlarsimasussaatitaanerminnik malinnissimallutik. Taamaattumik Nuummi tuniluuttoqalersinnaanissaa killeqartoq naliliisoqarpoq.
Oqartussaasut pissutsinik tamakkiisunik takunnissinnaalernissaasa tungaanut Nuummiittut tamaasa eqqissisimaqqullugit qinnuigaagut. Tamatuma saniatigut pingaartumik inuit attaveqaqatigiittarfiisigut oqaatsinik angallassisoqannginnissaa kaammattuutigaarput.
Innuttaasut ikittut misissorneqarnissamik pisariaqartitsilersussat toqqaannartumik ilismatinneqassapput. Innuttaasut allat tamarmik misissortinnissamik inniminneeqqunagit qinnuigineqarput. Covid-19-imut ersiuteqartoqalissappat, peqqinnissaqarfik oqarsuaatikkut saaffigineqassaaq, tassanngaanniillu misissuisoqassanersoq naliliiffigineqassaaq.
Aqagu marlunngornermi 22. december nal. 13.00 tusagassiortunik katersuutsitsisoqalerpat annertunerusumik paasissutissiisoqassaaq.
Paasissutissat amerlanerusut:
Nakorsaaneq Henrik L. Hansen
Ataasinngornermi 21. december Nuummi tunillatsissimasut marluk
Ullumi Nuummi inuit marluk, imminnut attuumassuteqanngitsut tikinnerminniit ullut tallimat qaangiunnerini misissorteqqinnerminni tunillatsissimasut paasineqarpoq.
21. december 2020
-
18. januar 2021
COVID-19-mut akiuussutissinneqarnissamik kissaateqarneq annertooq
Innuttaasunit akiuussutissinneqartussatut qaqugu tullinnguunnissamut apersuineq annertooq Peqqinnissaqarfimmit misigineqarpoq. Nuummi Ilulissanilu innuttaasut suli akiuussutissinneqarsimanngitsut, akiuussutissanik nutaanik tikittoqarpat Peqqinnissaqarfimmiit kommunimiilluunniit saaffigineqarnissap utaqqinissaanut innersuunneqarput.
Nutaarsiassaq takujuk -
17. januar 2021
Uummannami tuniluuttoqarneranut takussutissaqanngilaq
Arfininngormat 16. januar 2021 Uummannami tunillatsissimasumut qanillisimasut tamarmik misissorneqarput. Misissukkat tamarmik Ilulissani laboratoriami misissoqqissaarneqarput, taakkulu tamarmik tunillatsittoqarsimaneranik takussutissaqanngillat.
Nutaarsiassaq takujuk -
15. januar 2021
Angalanissat pisariaqarpa?
1. februaarimiit 28. februaarimut Imarpik qulaallugu angalanissaq kissaatigineqarpat, Kalaallit Nunaannut angalanissaq qinnutigineqartussaavoq – piffissap taassuma avataanut qinnuteqaatit suliarineqassanngillat.
Nutaarsiassaq takujuk -
14. januar 2021
Silarlunnera peqqutigalugu Qaqortumi akiuussutissamik kapuinissat sap. ak. 4-mut kinguartinneqarput
Akiuussutissat, pingasunngornermi Qaqortumut apuunneqartussaagaluit ajoraluartumik silarlunnera peqqutigalugu apuutinngitsoorput.
Nutaarsiassaq takujuk -
14. januar 2021
Uummannami Covid-19-imik tunillatsissimasoq
Inuk ataaseq Danmarkimiit Uummannamut tikissimasoq, tikinnerminiit ullut arfineq aappaanni misissortinnermini tunillatsissimasoq paasineqarpoq. Angalanermini Uummannamiinnerminilu qanillisimasaanik tamanik tunillatsittoqarsimasinnaaneranik misissuineq tamakkiisoq aallartinneqarpoq. Tunillatsissimasinnaasunik paasiniaaneq politiit nakorsaaneqarfik suleqatigalugu ingerlappaat.
Nutaarsiassaq takujuk