airplanebooksbriefcase business cogs cross election entertainment fish house law lockmedicalpeopleselfservices socialtax

Juullilernerani tikittussanik mattussineq taamaatitsinerlu

Angerlarsimaannarnissamut maleruagassat atuuttut atorlugit juullisiornissaq qulakkeerniarlugu, Danmarkimiit nunanillu allaniit tikittussanut mattussisoqarpoq.
2. december 2020


Kangerlussuaq
Tamatuma saniatigut Danmarkimut Danmarkimiillu aallartussat, taakkununngalu atatillugu nunatsinni ingerlaqqiffissat taamaatinneqarput.

Danmarkimi Covid-19-imik tunillatsissimasut amerliartornerat, aammalu juullip nalaani Danmarkip Kalaallillu Nunaata akornanni angalasussat inuppassuunerat peqqutigalugu taamatut suliniuteqartoqarpoq.

Uku atuutsinneqalissapput.
  • Decembarip ulluisa 21-anni aamma 22-anni Danmarkimut Danmarkimiillu aallartussat, taakkununngalu atatillugu nunatsinni ingerlaqqiffissat taamaatinneqarput. Taakkununnga taarsiullugu decembarip ulluisa 19-ianni Imarpik qulaallugu timmisartuliisoqarpoq, 18. aamma 20. decembarimi aallartussanut taarsiullugu ilaaffigineqarsinnaasumik.
  • Angerlarsimaannarnissamut maleruagassat atuuttut atorlugit juullisiornissaq qulakkeerniarlugu, maanna decembarip ulluisa 20-anni tikittussanut mattussisoqarpoq.
  • Tamanna ajornakusoortitsisinnaasoq ilisimavarput, taamaattumillu ullumikkumiit 17. januar 2021 tikillugu bilitsinik tamanik tamakkiisumik utertitsisinnaaneq ammaanneqarpoq.
  • Suliniutit taakku atorsinnaanngiinnassappata, siornatigut takusariikkatsitut amerlassutsinik killiliisariaqalersinnaavugut.

Nunarsuaq tamakkerlugu angalannginnissaq innersuussutigineqarpoq kaammattuutigineqarlunilu. Periarfissaq manna atorlugu bilitsisi allanngortinniarisigit imaluunniit utertinniarisigit, aammalu angalanissarsi kinguartinniarisiuk, tamatta sumi tamaanngaanniit naapeqatigiissinnaalernissatsinnut qilanaarpugut – kisiannili tamanna maanna piffissaanngilaq.