2020-mi ukiakkut nualluummut akiuussutissanik kapuinerni tulleriiaarinerit
Ukioq manna amerlanerungaatsiartut kaporneqartussaammata, kapuiffiusuni ataasiakkaani kikkut siulliullutik kapitinnissamut neqeroorfigineqassanersut tulleriiaarneqarput.
Salliutinneqartussanik tulleriiaarinerit takussutissiami allassimapput. Inuit immikkoortut ataasiakkaat qaqugu kapitissinnaanersut najukkani nalunaarutigineqartassapput.
|
Tulleriiaarineq |
Innuttaasuni siunnerfiusut tulleriiaarneqarneri |
|
1 |
65-inik ukiullit utoqqaanerusullu tamarmik |
|
2 |
Innuttaasut 65-it inorlugit ukiullit aaqqinneqarsinnaanngitsunik nappaatillit |
|
3 |
Pualarujussuartut (BMI > 40 aallaavigalugu) |
|
4 |
2. aamma 3. trimesterimi naartusut |
|
5 |
Peqqinnissaqarfimmi sulisut, inunnik immikkut ulorianartorsiortunik qanitallit |
|
6 |
Kommunini sulisut, inunnik immikkut ulorianartorsiortunik qanitallit (utoqqaat angersarsimaffii, angerlarsimaffinni ikiortit) |
|
7 |
Sullivinni toqqartorneqartuni sulisut (sulisitsisunit akilerneqartut) |
|
8 |
Inuinnaat (nammineerlutik akiliisut) |
- Aaqqinneqarsinnaanngitsunik pualluutillit
- Uummatimikkut taqqamikkullu nappaatillit (aap naqitsineranik qaffasittoortut ilaatinneqanngillat)
- Diabetes 1-imik imaluunniit 2-mik nappaatillit
- Inunnguutsiminnik imaluunniit pigilersimasaminnik timip akiuussinnaassusiatigut ajoqutillit
- Nukillaarneq peqqutigalugu anersaartorniarnermikkut ajoqutillit
- Aaqqinneqarsinnaanngitsunik tingulluutillit tartuluutillillu
- Nappaatit aaqqinneqarsinnaanngitsut allat, nuallunnermi napparsimarujussuarnermik nassataqarsinnaasut
Kikkulluunniit, ukioq manna nualluummut akiuussutissamik kapuinermi innuttaasuni siunnerfiusuni ataatsimi amerlanerusuniluunniit akuusut akiuussutissamik kapiteqqullugit annertuumik kaammattorneqarput. Suliniut manna suliniuterpassuit, Covid-19-ip nunarsuarmi tuniluunnerani Kalaallit Nunaata pitsaanerpaamik aniguinissaa anguniarlugu ingerlanneqartut ilagaat.
Naartusunut ilummoornermut akiuussutissat
Aamma 3. trimesterimi naartusunut ilummoornermut akiuussutissamik akeqanngitsumik kapitittoqarnissaa neqeroorutigineqarpoq. Ilummoornermut akiuussutissami naartuup inunngornermi kingorna qaammatini tulliuttuni, tassalu meeqqap nammineerluni kapitissinnaalernissaata tungaanut ilummoornermut illersorneqarnissaa siunertarineqarpoq. Tamanna meeqqanik napparsimmavinnut unitsitsinnginnissamut pinaveersaartitsisinnaavoq.
Annertunerusumik paasisaqarusunnermi nakorsaaneq Henrik L Hansen, tlf. 55 35 61-imut attaveqarfigineqarsinnaavoq.