airplanebooksbriefcase business cogs cross election entertainment fish house law lockmedicalpeopleselfservices socialtax

Nalunaarusiaq nutaaq 2. decembari 2020-mi atuutilertussamut – suut eqqumaffigissavigit

Naalakkersuisut Kalaallit Nunaannut nunatsinnilu angalanermi nalunaarut nutaaq akuereqqammerpaat. Siusinnerusukkut nalunaarut aammalu tuniluutinnginnissaq anguniarlugu sakkussat tunngavigineqarput.
2. december 2020


Fly2
Nalunaarummi allannguutit pingaarnerit, allannguutillu minnerit, pingasut ukuupput.

Nalunaarummi inuit ilanngunneqartut amerlanerupput
Nalunaarummi ilaasut allat, umiarsualivikkut tikittut, aamma ilanngunneqarput.

Tamanna isumaqarpoq, inuttat aamma nalunaarummi ilanngunneqartut, umiarsuaq ulluni kingullerni 14-ini nunani allani, Danmarkimi Savalimmiuniluunniit umiarsualivinni tulaqqasimappata, imaluunniit sumiiffinniit taakkunannga ilaasunik ikiffigineqarsimappata.

Qanermut imaluunniit kiinnamut assiaquteqarnissamut piumasaqaat
Nalunaarummi maannamut atuuttumi aqqaneq-marlunnik sinnerlugilluunniit ukioqartut mittarfinniittut, mittarfiup illorsuartaaniitttut assigisaannilu qanermut imaluunniit kiinnamut assiaquteqassapput.

Siunissami Covid-19-imik tunillatsissimanngitsutut nalunaarsortsissimagaanni imaluunniit nunatsinnut tikinnermiit ullut 14-it sinnerlugit covid-19-imik ersiuteqannginnissap tungaanut, tikittut piffinni assigiinngitsuni qanermut imaluunniit kiinnamut assiaquteqassapput.

Kalaallit Nunaannut angalasut aqqaneq-marlunnik sinnerlugillu ukiullit nunatsinnut tikinnerminnit qanermut kiinnamulluunniit assiaquteqartassapput:
  1. timmisartoqarfimmiit, umiarsualivimmiit assigisaannilu pingaarnertut najugarisaminnut angalanerminni,
  2. 2 meterit ataallugit inunnut allanut qanitsigalutik pingaarnertut najugarisaminnit COVID-19-imut misissuivimmukarnerminni, aammalu
  3. pingaarnertut najugarisami avataaniikkunik inunnullu allanut attaveqarfiusuni 2 meterit ataallugit qanitsigissagunik. Assersuutigalugu inunnut allanut qaninngitsumut qanimut assiaquteqarani pisuttuartoqarsinnaavoq.

Qanermut kiinnamulluunniit assiaquteqarnissamut piumasaqaat inuup Covid-19-imik tunillatsinneqarsimanngitsutut naatsorsuutigineqalernissaata tungaanut, nalunaarummut naapertuuttumik atuutissaaq.

Peqqissutsitsigut arlaatigut peqquteqarluni qanermut kiinnamulluunniit assiaquteqarnissamut sapigaqaraanni tamatumunnga piumasaqaataanngilaq.

Piffissami sivikitsumi, assersuutigalugu imernermi, nakorsaatitornermi imaluunniit qanermut assiaqut anersaartorniarnermut ajoqutaaguni peerneqarsinnaavoq.

Piumasaqaatit taakkua siuliatigut innersuussutaapput, nalunaarusiamili uani pisussaaffinngortinneqarlutik.

Kiinnamut assiaqutit isumaata allanngortinneqarnera
Maannamut kiinnamut assiaqutitut isumaa tassaavoq isinut, qanermut qinngamullu imaluunniit qinngamut qanermullu assiaqutit plastikimik sanaat kiinnamut attuumanngitsut.

Siunissami kiinnamut assiaqut qingamut qanermullu assiaqut atorsinnaanngorpoq, isinuunngitsorli.

Annertunerusumik paasisaqarusunnermi saaffigineqarsinnaavoq: Peqqissutsimut Naalakkersuisoqarfimmi immikkoortortami pisortaq Martin Pedersen, mail: mrpd@nanoq.gl oqa.: +299 34 66 18