airplanebooksbriefcase business cogs cross election entertainment fish house law lockmedicalpeopleselfservices socialtax

Juullimi angalanissat pinngitsoorniakkit

COVID-19 tikerartut aqqutigalugit Kalaallit Nunaannut pisussaavoq. Kalaallit Nunaanut tikittartut amerliartortillugit, Kalaallit Nunaanni tunillaassuisinnaaneq annertuneruleriartussaaq. Taamaattumik Namminersorlutik Oqartussanit suliffeqarfiit, oqartussaasut innuttaasullu Kalaallit Nunaannut aamma Kalaallit Nunaanniit pisariaqanngitsumik angalasoqassanngitsoq kaammattuutigineqarpoq. Tamanna pingaartumik aamma juullikkunni atuuttariaqarpoq.
11. november 2020


Kangerlussuaq
Maanna takuneqarsinnaasut malillugit juullikkunni angalasussat amerlavallaarput. Pingaartumik sapaatit akunneranni 51-imi, aammalu sapaatit akunneranni 2-mi inuit Kalaallit Nunaannut uterlutik angalasussaapput.(18. nov, Erseqqissaassut: Decembarip ulluisa 20-at sioqqullugu tikittut juulliarartinnagu Nuummi misissorteqqinnissartik angumerisinnaavaat.)

Sapaatit akunneranni 51-imi angalasussat juulliarartinnagu angerlarsimasussaatitaanermut aalajangersakkat malissinnaanngilaat, aatsaat decembarip ulluisa 26-anni misissorteqqittussaagamik.

Allammi misissorteqqereeraluarlutik peqqissusissaq eqqarsaatigalugu tikinnermiit ullut 14-it tikillugit qanillinaveersaarnissaq inassutigineqarpoq.

Taamaattumik juullikkunni tikittartut, aammalu ukiortaareerpat inuit uterarlutik angalasussat ikilisinniarlugit misissuisoqarpoq.

Angalanissat pisariaqanngitsut suuppat?
  • Sulinngiffeqarluni angalanerit
  • Sulinermut atatillugu angalanerit sulinermut pisariaqavinngitsut
  • Sulinermut atatillugu angalanerit, siunertaasumik oqarasuaatikkut imaluunniit videokkut angusaqarfiusinnaasut
  • Innuttaasut, suliffeqarfiit oqartussaasullu ataasiakkaat namminneerlutik angalassanerlutik aalajangiisussaapput