Nuup avataani sineriatsinni meeqqat atuarfiinik ilinniarfiillu sinnerisa ammaqqinneqarneri iluatsilluarsimapput. Taamaalilluni Nuummi ataasinngorpamiit ulluunerani paaqqinnittarfiit meeqqallu atuarfii ammariartuaarneqaqqilissapput.
Taakku saniatigut Nunatsinnut tamarmik assigiissaakkanik inassuteqaatinik sapaatip akunnerata tulliani tallimanngornermit apriilip 24-anit aallartittumik suliaqartoqalissaaq tassanilu suliarineqassapput nunap immikkoortuini angallannerit ammaakkiartuaaqqinneqassasut Nunatsinni timmisartuussinikkut umiarsuakkullu angallannerit maajip aallaqqaataanit nalinginnaasunngortikkiartuaarneqassallutik.
Pilersaarutaasumik tusagassiortunik tullianik ataasinngorpat apriilip 20-ni katersortitsisoqassaaq.