airplanebooksbriefcase business cogs cross election entertainment fish house law lockmedicalpeopleselfservices socialtax

Kalaallit Nunaannut angalaneq

Kalaallit Nunaannut angalasinnaaneq ammaanneqarpoq. Piumasaqaatit piffissaliussallu assigiinngitsut eqqumaffigissavatit.
Uani paasiniarsinnaavatit.

Nutarterneqarpoq: 29. september 2020

Pingasunngorneq 30. september 2020-miit Nunatta iluani nunattalu avataaniit nunatsinnut angalanermi piumasaqaatit pillugit nalunaarut nutaaq atuutilissaaq.

Nalunaarummi allannguutit pingaarnerit pingasuupput:
  1. tikittut tamarmik angerlarsimaannarnissaannut maleruagassanik atuutsitseqqilerneq
  2. tikittussat tamarmik – qanorluunniit ukioqaraluarunik – COVID19-imik tunillatsissimannginnermut uppernarsaateqassapput
  3. anersaartuutinut illersuutinik atuisoqassaaq

Kalaallit Nunaanniit Kalaallit Nunaannullu angalanissat pisariaqanngitsut tamarmik pinaveersaarneqassapput
COVID-19 nunatsinnut angalasut aqqutigalugit Kalaallit Nunaannut tikittussaavoq, aammalu piffissap angalanerpaaffiusup qaangiunnerani innuttaasut Kalaallit Nunaanni najugallit, sulinerminnut atatillugu sulinngiffeqarlutilluunniit angalasimasut tikittarput.

Taamaattumik maanna suliffeqarfiit, oqartussaasut innuttaasullu pisariaqanngitsumik angalassanngitsut Namminersorlutik Oqartussanit innassutigineqarpoq.Pisariaqanngitsumik angalanerit suuppat?
  • Sulinngiffeqarnermut atatillugu angalanerit
  • Sulinermut atatillugu angalanerit pisariaqarluinnanngitsut
  • Sulinermut atatillugu angalanerit, siunertaasumik oqarasuaatikkut imaluunniit videokkut ataatsimeeqateqarnikkut naammassineqarsinnaasut
Angalanissamik aalajangiinissaq innuttaasut, suliffeqarfiit oqartussaasullu ataasiakkaat aalajangigassaraat.



Kalaallit Nunaanniit angalanissat sioqqullugu

Kalaallit Nunaannut aamma Kalaallit Nunaanniit angalanissat pisariaqanngitsut tamarmik pinaveersaarneqassapput

COVID-19 nunatsinnut angalasut aqqutigalugit Kalaallit Nunaannut apuuttussaavoq, aammalu piffissap angalanerpaaffiusup qaangiunnerani innuttaasut Kalaallit Nunaanni najugallit, sulinerminnut atatillugu sulinngiffeqarlutilluunniit angalasimasut tikittussaapput.
Taamaattumik maanna suliffeqarfiit, oqartussaasut innuttaasullu pisariaqanngitsumik Kalaallit Nunaannut aamma Kalaallit Nunaanniit angalassanngitsut Namminersorlutik Oqartussanit kaammattuutigineqarpoq.

Pisariaqanngitsumik angalanerit suuppat?
- Sulinngiffeqarnermut atatillugu angalanerit
- Sulinermut atatillugu angalanerit pisariaqarluinnanngitsut
- Sulinermut atatillugu angalanerit, siunertaasumik oqarasuaatikkut imaluunniit videokkut ataatsimeeqateqarnikkut naammassineqarsinnaasut
Angalanissamik aalajangiinissaq innuttaasut, suliffeqarfiit oqartussaasullu ataasiakkaat namminneerlutik aalajangigassaraat.

Kalaallit Nunaanni najugaqaruit nunanullu allanut angalassallutit, eqqumaffigissavat tamanna illit nammineq akisussaaffigigakku. Kalaallit Nunaannut uterlutit tikinninni angerlarsimaannassaatit.

Kalaallit Nunaannut uterlutit angalaniarnermi aningaasartuuteqarsinnaavutit. Tamanna assersuutigalugu nunani allani angalaninni COVID-19-imik tunillatsissagaluaruit imaluunniit Kalaallit Nunaannut angalaniarlutit aallariartortarfimmi uppernarsaatinik takutitsisinnaanngikkuit pisinnaavoq (Covid-19-imik tunillatsissimannginnermut uppernarsaat kiisalu immersugassaq SUMUT).

Malugiuk nunatsinnut uteqqinnermut sanilliullugu Kalaallit Nunaat qimallugu angalanissaq ajornannginnerummat. Kalaallit Nunaat qimallugu utimullu angalanissannut piffissaalluarallartillugu, tassunga tunngasumut piumasaqaatit "Kalaallit Nunaannut angalanissaq sioqqullugu"-mi allaqqasut atuarluarnissaat innersuussutigissavarput.

Nunanut allanut tikiffinni maleruagassat atuuttut najoqqutassallu nammineq paasiniassavatit. Nunanut allanut ministereqarfiup angalanissamut ilitsersuutaata malinneqarnissaa aamma danskit allattorsimaffiannut ilanngunnissat innersuussutigineqarpoq, takuuk https://um.dk/

Kalaallit Nunaannut angalanissaq sioqqullugu

Kalaallit Nunaannut aamma Kalaallit Nunaanniit angalanissat pisariaqanngitsut tamarmik pinaveersaarneqassapput.

COVID-19 nunatsinnut angalasut aqqutigalugit Kalaallit Nunaannut apuuttussaavoq, aammalu piffissap angalanerpaaffiusup qaangiunnerani innuttaasut Kalaallit Nunaanni najugallit, sulinerminnut atatillugu sulinngiffeqarlutilluunniit angalasimasut tikittussaapput
Taamaattumik maanna suliffeqarfiit, oqartussaasut innuttaasullu pisariaqanngitsumik Kalaallit Nunaannut aamma Kalaallit Nunaanniit angalassanngitsut Namminersorlutik Oqartussanit kaammattuutigineqarpoq.


Pisariaqanngitsumik angalanerit suuppat?

- Sulinngiffeqarnermut atatillugu angalanerit
- Sulinermut atatillugu angalanerit pisariaqarluinnanngitsut
- Sulinermut atatillugu angalanerit, siunertaasumik oqarasuaatikkut imaluunniit videokkut ataatsimeeqateqarnikkut naammassineqarsinnaasut

Angalanissamik aalajangiinissaq innuttaasut, suliffeqarfiit oqartussaasullu ataasiakkaat namminneerlutik aalajangigassaraat.

Kalaallit Nunaanni angalanissaq sioqqullugu naammassisassat allattorsimaffiat:
Immersugassaq SUMUT immersorneqassaaq
COVID-19-imut misissortinnissamut inniminniisoqassaaq test
”Danmarkimi misissuinermi periutsit” ataani allassimasut atuakkit
Angalanermi qamermut assiaquteqarnissaq

Ersiutinik malunniuteqaruit angerlarsimaannarit – ersiutinik ersarissunik malunniuteqaruit ikilernermi unitsinneqassaatit.

Aallariartortarfimmi uppernarsaatissaqarsimanngikkuit

Aallariartortarfimmi immersugassaq Sumut immersorsimallugu mailimik uppernarsaateqanngikkuit aamma/imaluunniit tunillatsissimannginnermut uppernarsaateqanngikkuit timmisartumut ikisinnaassanngilatit.
Najugaqarnissannut immikkut aningaasartuutit nammineerlutit akilissavatit. Bilitsit ullormut allamut nuunneqarsinnaassaaq, tassanilu uppernarsaatissamik pisariaqartinneqartumik takutitsisinnaassaatit.

Aallartinnak COVID-19-imik tunillatsissimasutit uppernarsarneqarpat

Aallarnissat sioqqullugu Covid-19-imik tunillatsissimasutit uppernarsarneqarpat, timmisartumut ikisinnaassanngilatit
Aatsaat Covid-19-imik tunillatsinnaajunnaarsimasutit uppernarsarneqarpat Kalaallit Nunaannut angalasinnaavutit
Najugaqarnissannut immikkut aningaasartuutit nammineerlutit akilissavatit
Bilitsit ullormut allamut nuunneqarsinnaassaaq, tassanilu uppernarsaatissamik pisariaqartinneqartumik takutitsisinnaassaatit.
Kalaallit Nunaannut angalanermi uppernarsaatissat pisariaqartinneqartut


Danmarkimi misissuinermi periutsit

 

Danskisut innuttaassuseqaruit, Danmarkimi najugaqaruit NEM-ID-qarlutillu nammineerlutit nakorsarisat aqqutigalugu misissortinnissamut inniminniisinnaavutit aammalu nammineerlutit Coronapas naqissinnaallugu, imaluunniit sundhed.dk aqqutigalugu akissut mobiltelefonikkut takutissinnaallugu.

Kalaallit Nunaanni najugaqaruit, danskisut innuttaassuseqanngikkuit imaluunniit NEM-ID-qanngikkuit Rigshospitalet-ip mailianut allallutit gronland-corona.rigshospitalet@regionh.dk misissortinnissamut innersuussummik inniminniisinnaavutit.

Pisuni marluusuni tupersuit napparsimmavissuarnit nuna tamakkerlugu napparneqarsimasut misissortikkiartorfigisinnaavatit. Testcenter Danmark-ip tupiini misissortinnissat inassutigineqanngilaq, akissummik utaqqinissaq sivisuallaarsinnaammat.
Pisuni marluusuni aallarnissat ullunik tallimanik sisamanilluunniit sioqqullugu misissugassamik tigusivigitissaatit. Taamaanngippat misissuineq pisoqalissaaq, imaluunniit akissutisinissamut inortuissaatit. Tassani Righospitalet Københavnimiittoq, aallarnissat ullut marluk tikillugit sioqqullugit misissugassamik tigusiffigitissinnaasat kisimi pineqanngilaq.

Rigshospitalet aqqutigalugu misissortinnissamut innersuussummik inniminniiguit, mail-imi inniminniiffigisanni uku allassimassapput:

o Immersugassaq Sumut immersorsimallugu mail-ip tiguneqarneranut uppernarsaat pissarsiarisat ilannguguk
o Ateq
o CPR
o Oqarasuaatip normua Danmarkimi atorsinnaasoq
o Mailadresse atorneqartoq
o Ulloq Kalaallit Nunaannut aallarfissaq
o Nammineerlutit www.coronaprover.dk aqqutigalugu misissortinnissamut inniminniiniarnersutit (NemId pisariaqartinneqarpoq, matuma siuliani allassimasut takukkit), imaluunniit
o Piffissamik misissortiffissamillu Rigshospitalet-ip inniminniissutissappatit, ulloq aamma sumiiffik misissortiffissatut kissaatigisat allassavat


Inniminneereeruit Rigshospitalet-ip mail-imik, mailadressemut paasissutissiissutigisarnut misissortinnissamut piffissamik sumilu misissortinnissamik paasissutissartalimmik nassiussivigissavaatit.

Misissortinnermut akissut
Nammineerlutit nakorsarisat aqqutigalugu misissortissimaguit, misissortinnerpit inernera www.sundhed.dk aqqutigalugu takusinnaavat. Akissut Kastrup-imi takutissinnaavat, soorlu mobiltelefonikkut.
Rigshospitalet aqqutigalugu innersuussummik inniminniisimaguit NEM-ID-qarlutillu, aamma taassuma akissutitaa www.sundhed.dk aqqutigalugu takusinnaavat, taannalu Kastrup-imi takutissinnaavat.

NEM-ID-qanngikkuit imaluunniit misissortinnermut akissut takusinnaanngikkukku, Air Greenland allattukkanik pissarsisimasussaavoq, nassatanik tunniussiartorlutit takkukkuit misissortinnerpit akissutitaanik takunniffigisinnaasaminnik.

Akuersissut

Immersugaq Sumut Rigshospitalet-imut nassiukkukku, Rigshospitalet-ip misissortinnerpit inernerinik Air Greenlandimut ingerlatitseqqissinnaanera akuerissavat. Atit, misissortinnerpit inernera misissortinnermilu kinaassutsimut uppernarsaat (ID) Air Greenlandimut ingerlateqqinneqassapput. Allattukkat isumannaatsumik nassiunneqassapput aammalu allattukkat Air Greenlandip atoreerunigit piiassavai.

Pingaartumik nammineerlutit misissortinnissamut innersuunneqarnissat aaqqissuussimagukku
Inuit Rigshospitalet avaqqullugu, soorlu nammineerluni nakorsarisaq imaluunniit www.coronaprover.dk aqqutigalugit misissortinnissamik inniminniisut, namminneerlutik misissortinnermi tunillatsissimannginnermut uppernarsaatinik pissarsiniarnissaq, kiisalu misissortinnermi akissutip aallannginnermi tiguneqarsimanissaa akisussaaffigaat. Rigshospitalet avaqqullugu misissortinnerni kukkusoqarsimappat imaluunniit paatsoortoqarsimappat Air Greenland aamma Rigshospitalet IKIUUSSINNAANNGILLAT.

Rigshospitalet avaqqullugu misissortissimaguit, allakkatigut misissortinnermut akissutip paasissutissanik ukuninnga imaqarnissaa qulakkiissavat:
• "COVID-19-imut misissortippoq". Malugalugu. Timip akiuussutissaqarneranut misissortinnerussanngilaq.
• Ateq
• Ulloq inunngorfik
• Ulloq misissortiffik
• Misissortinnerup inernera


Malugalugu
Aallannginnermi tunillatsissimannginnermut misissortinnerup inerneranik takutitsisoqarsinnaanngippat, nammineerluni ikinngitsoornermut, tamatuma kingorna bilitsimik allanngortitsinermut kiisalu nerisaqarnermut ineqarnermullu aningaasartuutaanerusussat akisussaaffigineqartussaapput.


Misissugassamik tigusiffigineqarnerit napparsimaninnik inernilerneqarpat
  • Ingerlaannaq anitsaalineqassaatit.
  • Timmisartumut ikisinnaanngilatit.
  • Covid-19-imut tunillatsissimanngikkuit aatsaat Kalaallit Nunaannut angalasinnaalissaatit
  • Najugaqarnissannut immikkut aningaasartuutit nammineerlutit akilissavatit
  • Billetit ullormut allamut nuunneqarsinnaassaaq, tassani takutissinnaassavat

Danmarkimi COVID-19-imut misissuiffigineqarnermut akissut qaqugukkut tiguneqartarpa

Covid-19-imut misissortinneq Rigshospitalet aqqutigalugu aqqutiginaguluunniit inniminnerneqarsimanersoq, kiisalu sumi misissuisoqarsimanersoq piffissamut akissuteqarfiusumut apeqqutaasarput. Immikkoortoq “Danmarkimi misissuinermi periutsit” sukumiisumik paasisaqarfigisinnaavat

Malugiuk
Aallarnissaq sioqqullugu misissugassap sivisunerpaamik ullunik tallimanik nutaanngissuseqarnissaanut, misissorneqarnerup kingorna kingusinnerpaamik ullut tallimat qaangiunnerini aallarsinnaanissat peqqutaavoq.

Assersuut: Ataasinngornermi misissugassamik tigusiffigineqarsimaguit kingusinnerpaamik tallimanngornermi aallarsinnaavutit.


Takornarissat nunanit allaneersut aamma misissuiffigineqarneq

Misissortissimanermut uppernarsaateqarnissamik piumasaqaat

- Misissuineq nunani avannarlerni (Danmarkimi, Sverigemi, Norgemi, Finlandimi, Savalimmiuni aamma Islandimi) pisortat misissuisarfianni pisimasussaavoq
- Misissukkat PCR-RNA-mut, RT-PCR-imut imaluunniit SARS-CoV-2-mut tunngasuussapput
- Misissukkat ullunit tallimanit pisoqaanerussanngillat (sivisunerpaamik nal. ak. 120-t)



Takornariat Naalagaaffeqatigiit avataanneersut namminneerlutik nunat avannarliit ilaanni misissortittussaapput aammalu misissortinnermi tunillatsissimannginnermut uppernarsaammik pissarsisimasussaallutik, taannalu sivisunerpaamik ullunik tallimanik pisoqaassuseqassaaq. Misissortinnerup inernera kalaallisut, danskisut imaluunniit tuluttut allassimassaaq.

Misissortinnerup inerneri pisoqaassusissaannut piumasaqaatit takornariap nammineq nunagisamini misissortinnermik angumersisimanissaanut, sulilu ullut tallimat ingerlanerini Danmarkimiit Kalaallit Nunaannut ingerlaqqinnissamut angumersisinnaanissaanut naapertuutissapput. Tamanna anguneqarsinnaanngippat, Danmarkimi misissortinnissamut piffissaq atorneqartussaq angalanissamut pilersaarummut ilanngunneqassaaq.

Takornariat Danmarkimi tuperni pisortat Coronavirusimut misissuisarfiini (nuna tamakkerlugu misissuisarfiit, taakkununnga Kastrupip Mittarfiani misissuisarfik imaluunniit toqqit napparsimmavissuit misissuisarfii ilanngullugit) misissortissinnaanngillat, taakkunani angalasunut misissortinnerup inernerinut uppernarsaatinik naqitsisoqarneq ajormat. Air Greenlandimut nassatanik tunniussinermi uppernarsaat piumasarineqartarpoq.

Aleris-Hamlet (https://www.aleris-hamlet.dk/helbredsundersogelser/helbredsundersogelser2/coronatest/) Kalaallit Nunaannut takornarianik misissuinissamut akuerisaavoq. Taanna taamaallaat ulluinnarni ammasarpoq.

Københavnimi, Islandimi, nunat avannarliit ilaanni allami imaluunniit nammineerluni nunagisami misissortittoqarsinnaanngippat, pinartoqarluinnartillugu nunami allami misissortinnissamut immikkut ittumik akuerineqarnissamut qinnuteqaammik nassiussisoqarsinnaavoq. Qinnuteqaat corona@nanoq.gl aqqutigalugu nassiunneqassaaq, taassumalu imarissavai:

- Angalanissamut pilersaarut
- Misissortinnerup qanoq ittup suliarineqarnissaanut paasissutissat (PCR-RNA, RT-PCR imaluunniit SARS-CoV-2). Timip akiuussutissaanik (antibody test) misissuinerit akuerinngilagut
- Sooq misissuinerup nunat avannarliit ilaanni suliarineqarsinnaannginneranut tunngavilersuut – immikkorluinnaq ittumik peqquteqartussaavoq


Akuersissummik pissarsissaguit, tamatuma kingorna Covid-19-imut misissortinnerup inerneranik, tuluttut allassimasumik pissarsinissat isumagissavat.

Aallannginnermi tunillatsissimannginnermut misissortinnerup inerneranik takutitsisoqarsinnaanngippat, nammineerluni ikinngitsoornermut, tamatuma kingorna bilitsimik allanngortitsinermut kiisalu nerisaqarnermut ineqarnermullu aningaasartuutaanerusussat akisussaaffigineqartussaapput.

* Nunat avannarliit: Danmark, Sverige, Norge, Finland, Savalimmiut aamma Island.


Sumut-immersugassaq pillugu

Immersugassaq uani nassaarineqarsinnaavoq, aammalu mail immersuisimanermut uppernarsaat ikilernermi elektroniskinngorlugu imaluunniit naqitanngorlugu takutinneqassaaq.

Immersugassaq Sumut tassaavoq uppernarsaat nammineq immersuiffigisassat, taannalu ilaatigut paasissutissanik makkuninnga imaqassaaq:

• angalanissannut pilersaarut
• ornitassat
• kina tikeraassanerit imaluunniit najugaqatigissanerit

Immersugassaq pisariaqalissappat kingusinnerusukkut tunillatsissimasunik ujartuinissamut sakkussaavoq.Immersugassap Sumut immersorneranut mailikkut uppernarsaatitaa Kalaallit Nunaannut angalanermut atatillugu Rigshospitalet aqqutigalugu COVID-19-imut misissuiffigineqarnissamik inniminniinermi aamma mittarfimmi ikilernermi uppernarsaatitut atorneqassaaq

Apeqqutit / ikiorneqarnissaq
Immersuiffissap Sumut immersornissaanut apeqqutissaqarpit?
80 11 00 attavigiuk

Qarasaasiamik, internetimik, printerimik allanillu atuinissat pisariaqartikkukku imaaliorsinnaavutit:
Kalaallit Illuutaannut qaninnerpaamut saaffiginnigit - attaveqarsinnaanermut paasissutissat ukunaniipput: www.groenlandskehuse.dk imaluunniit
Kalaallit Nunaata Sinniisoqarfiata oqarasuaataanut 3283 3800-imut saaffiginnigit ullunillu ikinnerpaamik marlunnik sioqqutsillutit ataatsimeeqateqarnissamut isumaqatigiissuteqarlutit.

Danmarkimi pisortat suliffeqarfiutaanni sulisut massakkut angerlarsimaffimminniit suleqqusaapput, taakkulu pulaarfigeqqusaanngimmata ataatsimiinnissamut isumaqatigiissuteqareersimanissaq pingaaruteqarpoq.

Kalaallit Nunaannut tikinnermi – Kalaallit Nunaannut aamma Kalaallit Nunaanniit kiisalu Kalaallit Nunaanni timmisartuussinerni tamani qanermut assiaquteqassaatit

Peqqissutsimik suliaqartut innersuussutaat tamaasa malissavatit:
• Inunnut allanut qanillinaveersaarit - timimiit timimut attaveqarnaveersaarit
• Akulikitsumik errortarit imaluunniit assannut spriti atortaruk
• Qanit talinnik asserlugu quersortarit imaluunniit tangajortarit
• Qisernaveersaarit
• Sumiiffiit inuppassuarnit qanimut katersuuffiusartut orninnaveersaakkit
• Eqqiaanissaq silaannarissaanissarlu eqqumaffigikkit
• Napparsimanermut ersiuteqaruit angerlarsimaannarit

Kalaallit Nunaanni misissugassamik tigusinermi aamma angerlarsimaannarnermi periuserineqartussaq

Angalaninni apuuffissat apeqqutaassaaq

Angalannginninni COVID-19-imik tunillatsissimannginnermut uppernarsaateqaruit aamma immersugassaq SUMUT immersorsimagukku, illoqarfinnut taaneqartunut angalasinnaavutit, tamatumalu kingorna angerlarsimaannassaatit.

Illoqarfiit qulit nunaqarfiillu marluk tassaapput:

Kommuneqarfik Sermersooq
- Nuuk
- Paamiut

Qeqqata Kommunia
- Sisimiut
- Maniitsoq
- Kangerlussuaq

Kommune Kujalleq
- Qaqortoq
- Narsaq
- Narsarsuaq

Kommune Qeqertalik
- Aasiaat
- Qasigiannguit
- Qeqertarsuaq

Avannaata Kommunia
- Ilulissat

Apuuffissat matuma siuliani allattukkanni allassimanngippat 
Illoqarfimmi peqqissaaveqarfilimmi, apuuffissannut qaninnerpaami uninngassaatit.
Kalaallit Nunaanni apuuffissanni najugaqartutut nalunaarsorsimaguit, misissortinnermit akissutip tiguneqarnissaata tungaanut unnuiffissaqarnissat pillugu pisortanut attaveqarsinnaavutit.
Apuuffissanni najugaqartutut nalunaarsorsimanngikkuit, nammineerlutit unnuisarfimmut, bilitsip allanngortinneranut, nerisaqarnermut ineqarnermullu aningaasartuutit akilissavatit.


1. Sumiiffinni peqqissaaveqarfinnut COVID-19-imut misissortinnissannut inniminniigit, taannalu siusinnerpaamik tikinnermiit ullut tallimassaanni pisinnaavoq.
2. Misissortinninni tunillatsissimanngitsutit paasineqarpat angerlarsimaannarnerit unitsissinnaavat apuuffissannullu ingerlaqqillutit angalasinnaalissallutit
3. Misissortinninni tunillatsissimanerit paasineqarpat erngerlutit mattutissaatit. Peqqinnissaqarfiup Nakorsaaneqarfik attaveqarfigissavaa, tunillatsissimanerit pillugu ersarinnerusumik paasisaqarniarluni.


Kalaallit Nunaanni peqqissaavinnut attaviginninnissamut allattuiffik
COVID-19-imut misissortinniarlutit Peqqissaaviit matuma kinguliani allassimasut attavigisinnaavatit.
Sumi Tlf. nal. 08.00-16.00 Nal. 16.00-ip kingorna
Aasiaat 89 22 11 89 22 11
Ilulissat 94 32 11 94 32 11
Ittoqqortoormiit 99 10 11 59 93 21
Kangaatsiaq 89 43 00 89 22 11
Kangerlussuaq 86 88 12 86 42 11
Maniitsoq 81 32 11 81 32 11
Nanortalik 61 32 11 61 32 11
Narsaq 66 12 11 66 12 11
Narsarsuaq 66 12 11 66 12 11
Nuuk 34 44 00 34 44 00
Paamiut 68 12 11 68 12 11
Qaqortoq 64 22 11 64 22 11
Qasigiannguit 91 12 11 89 22 11
Qeqertarsuaq 92 12 11 89 22 11
Qaanaaq 97 10 11 94 32 11
Sisimiut 86 42 11 86 42 11
Tasiilaq 98 12 11 98 12 11
Upernavik 96 12 11 96 12 11
Uummannaq 95 12 11 95 12 11
Innuttaasunut aneqqusaajunnaarallartitaasunut sumiiffissanik pisariaqartitsisunut attaveqaatit
Innuttaasunut aneqqusaajunnaarallartunut inissinneqarnissamik pisariaqartitsisunut aamma illoqarfiit peqqissaavillit avataannut angalasunut, kiisalu Qaanaamut Tunumullu angalasunut matuma kinguliani taaneqartut atuupput.

Nunaqarfinnut angalasut
Illoqarfimmi peqqissaavilimmi tikitaminni kingullermi aneqqusaajunnaarallartassapput. Ullut tallimassaannik misissortinnermi tunillatsissimannginnermut uppernarsaatip tiguneqarnissaata tungaanut sumiiffinni matuma kinguliani taaneqartuni aneqqusaajunnaarallartitsisoqartassaaq. Tamatuma kingorna angalanermi apuuffissamut ingerlaqqittoqarsinnaavoq.

Qaanaamut, Uummannamut aamma Upernavimmut angalasut
Ilulissani aneqqusaajunnaarallartassapput.

Tunumut angalasut
Nuummi aneqqusaajunnaarallartassapput

Avannaata Kommuniani aneqqusaajunnaarallarneq
Innuttaasunut aneqqusaajunnaarallarnermi inissinneqarnissamik pisariaqartitsisunut attaveqarfissaq: Pigaartut oqarasuaataat 52 46 01

Kommune Qeqertalimmi aneqqusaajunnaarallarneq
Innuttaasunut aneqqusaajunnaarallarnermi inissinneqarnissamik pisariaqartitsisunut attaveqarfissaq: Arne Sandgreen Reimer
asre@qeqertalik.gl
Mobil: 56 04 81

Qeqqata Kommuniani aneqqusaajunnaarallarneq
Innuttaasunut aneqqusaajunnaarallarnermi inissinneqarnissamik pisariaqartitsisunut attaveqarfissaq: HR-imut pisortaq Johan Davidsen imaluunniit Qeqqata Kommunia 70 21 00-mut attaveqartoqassaaq, HR-imut immikkoortortaqarfimmut nuusseqqusilluni.
joda@qeqqata.gl
Mobil: 48 43 22

Kommuneqarfik Sermersuumi aneqqusaajunnaarallarneq
Innuttaasunut aneqqusaajunnaarallarnermi inissinneqarnissamik pisariaqartitsisunut attaveqarfissaq: Ajornartoornernut allattoqarfik
sitcen@sermersooq.gl
Mobil: 54 54 56 aamma 54 54 57

Kommune Kujallermi aneqqusaajunnaarallarneq
Innuttaasunut aneqqusaajunnaarallarnermi inissinneqarnissamik pisariaqartitsisunut attaveqarfissaq: Max Heilmann Larsen
mahl@kujalleq.gl
Oqarasuaat toqq.: +299 64 53 12
Mobil: +299 54 95 91
Qanermut assiaquteqarneq

Qanermut assiaqutit pissutsini ungasinniarnissamut ajornakusoorfiusuni tunillaassuinermik pinaveersaartitseqataasinnaapput. Qanermut assiaqutinik atuigaluaruilluunniit siunnersuutit nalinginnaasut maleruassavatit. Taamaattumik qanermut assiaquteqaraluarlutit eqqortumillu atoraluarlugu siunnersuutinik malinnittuarnissat pingaaruteqarpoq.

Qaqugukkut qanermut assiaqut kiinnamulluunniit assiaqut atorneqassava?
Imaattoqartillugu Kalaallit Nunaanni qanermut assiaquteqarnissaq piumasaqaataavoq:

1. Nunanut allanut Nunatsinnulluunniit timmisartornermi. MALUGIUK qanermut assiaquteqarnissaq innersuussutigineqarpoq mattusimaffimmut / apuuffimmut atorneqarnissaa*).
Tamanut, matumanili ikittuinnaat minillugit, aqqaneq-marlunniit qummut ukiulinnut kiisalu timmisartumi saqisunut, timmisartumiinnermi, timmisartoqarfimmiinnermi imaluunniit ikiartortarfimmiinnermi/aallariartortarfimmiinnermi tamanna atuuppoq.
Angalasunik ikiartortarfinni/aallariartortarfinni assigisaanniluunniit qanimut attaveqarlutik sullissisut qanermut kiinnamulluunniit assiaquteqassapput, sullissisut angalasullu akornanni plastikimik assiaquteqarsinnaanngippat. Matumani Kalaallit Nunaannut Kalaallit Nunaannilu angalanermut piumasaqaatit pillugit Namminersorlutik Oqartussat nalunaarutaanni nr. 37, 29. september 2020-meersumi § 6 aamma 7 aamma innersuussutigineqarput
2. Coronavirusimik nutaamik tunillatsissimaguit tunillatsissimasinnaaguilluunniit aammalu pisariaqavitsillugu soorlu assersuutigalugu misissortikkiartorniarlutit anissaguit.
Tassa imaappoq qanermut assiaqut atorneqassaaq timmisartoqarfimmiit apuuffissavit tungaanut. Tamanna aamma atuuppoq umiatsianut ilaasortaatinut ilaaguit, imaluunniit busserlutit taxarlutilluunniit ingerlaqqissaguit. Assersuutigalugu Kastrup-imiit Qaqortumut angalaguit, qanermut assiaqut mattusimagallarfissavit tungaanut atussavat.


Qanermut assiaqutit aamma eqqiluisaarnissamut innersuussutit nalinginnaasut
Qanillinaveersaarnikkut inuillu tunillatsissimasut tunillatsissimasinnaasulluunniit, soorlu qanimut attaveqarfigisartakkat imminnut mattusimanissaannik qulakkeerinninnikkut coronavirusimik nutaamik tunillaassuunneq pitsaanerpaamik pinaveersaartinneqarsinnaavoq.
Tamatigorluinnarli inuup tunillatsissimasup tunillatsissimanini ilisimaneq ajorpaa, tassami ersiuteqalernissamut ulloq ataaseq ullullu 14-it tikillugit ingerlasinnaapput ilarpassuilu ersiuteqartaratik. Taamaattumik inuup inuit allat akornanniinnermini tamatigorluinnaq tunillatsissimanini ilisimasinnaaneq ajorpaa.
Inunnut allanut 1-2 meterinik ungasissuseqarnissaq nalinginnaasumik innersuussutigineqarpoq. Ungasinniarnissaq ajornarpat inuppassuillu piffimmi ataatsimi katersuuteqqappata tunillaassuunnerup siuariarnissaa aarlerinarnerussaaq.
Piffinni qanillinaveersaarnerup ajornakusoorfiani qanermut assiaqutit tunillaassuunnerup siaruatsaaliorneranut iluaqutaasinnaapput. Qanermut assiaqutit kuserneeqqatigut allanut tunillaanissannut aamma allat ilinnut tunillaanissaannut pinaveersaartitseqataasinnaapput. Eqqunngitsumik atorneqarpat tunillaassuunnerup siaruarnissaa aarlerinarnerussaaq.

Taamaakkaluartoq siunnersuutinik nalinginnaasunik maleruaanissat eqqaamajuassavat:
• Napparsimaguit angerlarsimaannarit
• Errortorluartarit
• Inuit allat akornanniikkaangavit qanillinaveersaartakkit - qanermut assiaquteqaraluaruilluunniit.

Qanermut assiaqutit pinaveersaartitsissutinut taamaallaat ilaammata innersuussutit uku suli malinneqassapput.

Qanermut assiaqutit assigiinngitsut qanoq ittuuppat?
Qanermut assiaqutit CE-mik nalunaaqutsikkat
Inimi tamanit isersimaffigineqarsinnaasumi qanermut assiaqummik atuinissap pisariaqarfiani qanermut assiaqutinik CE-mik nalunaaqutserneqarsimasunik atuinissaq innersuussutigineqarpoq.
Tunisassiortup pitsaassutsimik uppernarsaasimanera CE-mik nalunaaqutsigaanerata takutippaa.

Qanermut assiaqutit CE-mik nalunaarutsikkat type 1-it atornissaat naammappoq. Allanit tunillatsinnissannut aamma allat ilinnit tunillatsinnissaannut illersuutaapput.

Ilungersunartumik napparsimalernissamut annertunerusumik aarlerinartorsioruit imaluunniit COVID-19-imik tunillatsissimasutut paasineqaruit qanermut assiaqummik CE-mik nalunaaqutsersimasumik tamatigut atuisassaatit.

Atueqqittarneq igitsisarnerlu:
Qanermut assiaqutit suliffissuaqarfinni tunisassiarineqartut ataasiartagaapput, atorneqareernermikkut aallaaviatigut iginneqartartussat. Qanermut assiaqutit masatserneqaraangamik, ipeqaleraangamik attuuaneqaraangamillu pitarneqarsinnaanerulersarmata illersuutaarussinnaasarmatalu taarserneqartassapput.

Qanermut assiaqutit ataasiartakkat atorneqaqqinnissaat siunertaralugu errorneqarnissaat innersuussutigineqanngilaq. Qanermut assiaqutit ataasiartakkat errorneqarnermikkut najuussassaanngitsunik tigooraasinnaassusaat anersaartorfiusinnaanerallu sunnerneqartarput taamaalillutillu illersuutertik annaasarlugu.

Qanermut assiaqut inimi tamanit isersimaffigineqarsinnaasumi atorsimasaq eqqagassatut nalinginnaasutut iginneqassaaq.

Qanermut assiaqummik igitsereernermi assaat asaffimmi assannulluunniit spritimik errortorneqassapput.

Qanermut assiaqutit annoraaminermik sanaat
Inuit ilaasa qanermut assiaqutit ataasiartakkat ilaatigut pissarsiariuminaanneri akisuallaarneriluunniit pissutigalugit annoraaminermik sanaat atortarpaat.

Qanermut assiaqutit annoraaminermik sanaat pisiaagaluarpata namminerluunniit sanaajugaluarpata CE-mik nalunaaqutsersimasutut pitsaassusiligaanngillat. Qanermut assiaqutinik malitassat suliffissuaqarfinnut tamanut atuuttut malillugit suli tunisassiortoqanngilaq, taamaattumik tunisassiat najuussassaanngitsunik tigooraasinnaassutsimikkut assigiinngiiaarsinnaapput.

Qanermut assiaqummik annoraaminermik sanaamik atuinerup pitsaaqutaasa annerpaartaat tassaavoq qanermut assiaqummik atuisup tunillaasinnaanissaanut illersuutitut atorneqarnera.

Qanermut assiaqutinik annoraaminermik sanaanik atuissaguit qanermut assiaqutip pitsaanerpaamik iluaqutaatinnissaanut qulakkiigassannik ilisimasassaqarputit. Assersuutigalugu pingasunik qaleriinnilerneqassapput. Elastikeqartinneqassapput kiinnamullu attuumasinnaassallutik, taamaalillutik qingaq qanerlu asseqqaneqassallutik. Annoraaminertaa ammalanani najuussassaanngitsunik tigooraasinnaassuseqassaaq aammali anersaartuutigineqarsinnaassaaq. Taamatuttaaq 60 gradimi errorneqarsinnaassapput.

Kiinnamut assiaqutit
Kiinnamut assiaqutit amerlanertigut plastikimik sanaajusarput, kiinnamut assiaqutaapput virusimullu assiaqutitut atorneqarsinnaallutik. Kiinnamut assiaqutit kiinnamut attuutivinnagit atugassiaapput illersuisinnaanermikkullu assigiinngitsunik pitsaassuseqarsinnaallutik.

Kiinnamut assiaqutit qanermut assiaqutinut sanilliullugit illersuisinnaanerat annikinnerugaluartoq pitsaaquteqarput, tassami atortillugit ajoquteqanngitsumik anersaartortoqarsinnaavoq kiinnamillu assiaqummik atuisup kiinaa tamaat takuneqarsinnaalluni.

Kiinnamut assiaqutit kiinnamut attuunnagit atugassiaaneri pissutigalugit illersuisinnaanerisa annikinnerunerat aammalu kiinnamut assiaqutit soorluttaaq qanermut assiaqutit malittarisassat suliffissuaqarfinni tamani atuuttut malillugit tunisassiaannginneri pissutigalugit assigiinngitsunik pitsaassuseqarneri eqqumaffigissallugit pingaaruteqarpoq.

Kiinnamut assiaqutit qanermut assiaqutinut sanilliullugit nalinginnaasumik ulloq naallugu atorneqarsinnaapput ilaallu allaat errorneqarsinnaasarlutik atoqqinneqarsinnaasarlutillu.

Kiinnamut assiaqut qanermut assiaqutitulli eqqortumik atorneqassaaq, tassa imaappoq atorneqartillugu attuuaneqassanngilaq. Tunillaasinnaaneq pinaveersaartinniarlugu assiaqutip piinnginnerani atineqannginneranilu assaat errortoqqaarneqassapput spritersimassallutilluunniit.

Qanermut assiaqummik atuinani kiinnamut assiaqummik qaqugukkut atuisarnissaq innersuussutigineqarpa?
Qanermut assiaqut naleqqutinngippat, tassa inuk qanermut assiaqummik atuisinnaanngippat imaluunniit pisumi immikkut ittumi kiinaq nuisasariaqarpat kiinnamut assiaqutip qanermut assiaqummut taarsiullugu atorneqarnissaa innersuussutigineqarpoq.

Inuit anniaatillit, assersuutigalugu kiinnamikkut amerluttut, sapigallit imaluunniit qanermut assiaqummik pissutilimmik kiinnamut attuullugu atuisinnaanngitsut qanermut assiaqummut taarsiullugu kiinnamut assiaqummik atuisinnaapput.

Kiinnamut assiaqutit avatangiisinut tunngatillugu iluaqutaasinnaapput inunnillu tutsarluttunik isigiarsuttunillu attaveqaqateqarnermi, qarngup aalaneranik atuaanissamik pisariaqartitsiffiusumi atorneqarsinnaapput, kiinnamut assiaqummik atuisup qarnga takuneqarsinnaasarmat qanermullu assiaqummut sanilliullugu nipikinnerulersitsisarnera annikinnerusarmat.

Taakkua saniatigut kiinnamut assiaqut pisuni allani, soorlu kiinnap nuisanissaanik pisariaqartitsiffiusuni, soorlu assersuutigalugu meeqqamik, puigortunngorsimasumik assigisaannilluunniit qanigisamik oqaluussaqarnermi atorneqarsinnaavoq.

Isarussatit iluppata qanoq iliussavit?

Isaruaqaruit qanermut assiaquteqarninni isarussatit ilusarsinnaapput. Isigisamut ippinnarsinnaavoq isarussavillu attoqattaarneratigut tunillatsinnissat aarlerinarnerulersinnaalluni.
Taamaattumik isarussavit qanoq ilinaveersaartissinnaanerannut siunnersuutitsialannik katersisimavugut:
• Qanermut assiaqummik, qinngannut attuulluinnarluni inissisimasinnaasumik, assersuutigalugu qanermut assiaqummik saviminertalimmik, qinngannut pussugunneqarsinnaasumik toqqaanissat eqqumaffigiuk.
• Isarussavit igalaartai ullaat unnuillu tamaasa imermik kissalaartumik erruinermullu qaqorsaammik annikitsunnguamik salittakkit.
• Tamatuma kingorna erruummik mikrofiberiusumik allartikkit. Qaqorsaatip isarussat issangernissaanik annikillisitsisarput.
• Qanermut assiaqut sapinngisamik isivit killinnguanut inissiguk isarussatillu qinngannut appaallatsillugit atukkit.

Meeqqat qanermut assiaquteqassappat?

Meeqqat qanermut assiaquteqassappata qanermut assiaqutip eqqortumik atornissaanut meeqqap paasinninnissaa pisariaqarpoq. Qanermut assiaqut meeqqap kiinaani qasungavallaannginnissaa meeqqallu qanermut assiaqutip atisinnaanissaa peersinnaanissaalu pingaaruteqarput. Meeqqat taakkua tassaanerussapput meeqqat atuarfianni atualereersimasut.
Meeraaqqat inoorlaallu qanermut assiaquteqassanngillat.
Meeraaqqat – qanermut assiaquteqarsinnaanngitsut – assaasa eqqiluitsuunissaannik ikiorsinnaavatit COVID-19-imillu ersiuteqarnerannik nakkutigalugit.