airplanebooksbriefcase business cogs cross election entertainment fish house law lockmedicalpeopleselfservices socialtax

Islandimiit Islandimullu angalanerit

Kalaallit Nunaannut angalanissaq ammaanneqarpoq, kisianni Islandimiit Islandimullu angalarusukkuit ilinnut piujmasaqaateqarluni.

Nutarterneqarpoq: 20. august 2020

Kalaallit Nunaat angalanernut ammaassigaluartoq, angalanernut killilersuinerit innersuussutillu sukkasuumik allanngorsinnaapput. Tamanna ilinnut, Kalaallit Nunaannut aamma Kalaallit Nunaanniit angalanissamik kissaateqartumut piumasaqaateqarfiuvoq. Taamaattumik innersuussutit ullumikkut atuuttut ullormi angalaffissarni atuutinngitsoorsinnaaneri eqqumaffigiuk.

Matuma kinguliani Kalaallit Nunaannut Islandimulluunniit aallannginnarni eqqumaffigisassatit, misissortinnermi periaatsit, immersugassaq Sumut, Pre-registration for Visiting Iceland aammalu Kalaallit Nunaannut Islandimulluunniit tikikkuit sillimaffigisassatit suunersut paasisinnaavatit.

Islandimut
Kalaallit Nunaanniit aallarnermi uppernarsaatissat pisariaqartinneqartut
- registration for Visiting Iceland, nittartakkami uaniittoq: https://visit.covid.is/ immersorneqassaaq. Islandimi oqartussaasut peqqussutaat innersuussutaallu uaniittut: https://www.covid.is/categories/tourists-travelling-to-iceland malinnaaffigissavatit.

Island killilersuinernik nutaanik, tikittussanut eqquisunik atuutsitsilerpoq – Islandimi tikittut tikinnerminni marloriarlutik COVID-19-imut misissortittussaapput imaluunniit ulluni 14-ini mattusimasussaallutik. Misissortinneq siulleq tikinnermi pissaaq, tamatumalu kingorna ulluni tallimani arfinilinniluunniit mattusimareernermi nutaamik misissortittoqassaaq.

Misissortinnerit marluk Islandimi pissapput, tassalu sumiiffimmi allami COVID-19-imik tunillatsissimannginnermut uppernarsaat atorsinnaassanngilaq.

Island aqqusaarlugu Kalaallit Nunaannut
Island aqqusaarlugu Kalaallit Nunaannut tikinnermi uppernarsaatit pisariaqartinneqartut
- Mail, immersugassamik Sumut-mik immersuisimanermut uppernarsaat takutinneqassaaq
- COVID-19-imik tunillatsissimanerluni misissortinnermi akissut, tunillatsissimannginnermik uppernarsaaffiusoq, sivisunerpaamik ullunik tallimanik pisoqaassusilik takutinneqassaaq

Kalaallit Nunaanniit Island aqqusaarlugu Danmarkimut aallarnermi uppernarsaatissat pisariaqartinneqartut
- Pre-registration for Visiting Iceland, nittartakkami uaniittoq: https://visit.covid.is/ immersorneqassaaq.

Islandimit tikinnermi mattusimanissaq
Kalaallit Nunaannut tikinnermi: Angalasut Islandimiiginnarsimasut tamarmik Kalaallit Nunaannut tikinnerminni angerlarsimaffimminni mattusimasariaqanngillat.
Islandimut tikinnermi: Kalaallit Nunaanniit angalasut tamarmik Islandimut tikinnerminni angerlarsimaffimminni mattusimassapput.

Danmarkimiit Island aqqusaarlugu (akunnilluni) Kalaallit Nunaannut tikinnermi:
Danmarkimiit Island aqqusaarlugu Kalaallit Nunaannut angalaniaruit, Islandimut tikinnermi Covid-19-imut nammineq akilikkannik misissorteqquneqarsinnaavutit. Islandimiit Kalaallit Nunaannukarniarlutit timmisartumut ikinissat sioqqullugu Covid-19-imik tunillatsissimannginnermut uppernarsaammik takutitsisinnaasussaavutit. Eqqumaffigissavat, Islandimiit Kalaallit Nunaannut timmisartorniaruit Covid-19-imik tunillatsissimannginnermut uppernarsaat ullut tallimat sinnerlugit pisoqaassuseqartussaanngimmat. Eqqaamallugu 19. august 2020 aallarnerfigalugu Islandimi Covid-19-imut misissortinnissaq ajornakusuulersinnaammat. *
Pisut ilaanni Islandimi Covid-19-imut misissortittoqarsinnaagaluartoq, Danmarkimit aallannginnermi misissortinnissaq inassutigaarput.

Pingaarutilik: Danmarkimiit Islandimut aallannginnermi immersugassaq una immersorneqartussaavoq

Angalanerpit ingerlateqqinnginnerani akunninnermut atatillugu Islandimi unnuissaguit, Kalaallit Nunaannut ingerlaqqinnissavit tungaanut akunnittarfimmi najukkani imaluunniit nammineerlutit inissiffigisanni mattusimanissat Islandimi oqartussaasunit piumasarineqarpoq.

Islandimi oqartussaasut ingerlaavartumik peqqussutaat innersuussutaallu, nittartakkami uani nassaarineqarsinnaasut malinnaaffigikkit.

Nunanit allaniit Island aqqusaarlugu Kalaallit Nunaannut angalasut

 Island aqqusaarlugu Kalaallit Nunaannut angalassaguit, Kalaallit Nunaannut allannginninni COVID-19-imut misissortissimanissat kalaallit tungaanniit piumasaqaatigineqarpoq. Islandip aamma Kalaallit Nunaanni timmisartuussinermi timmisartumut ikinnginninni misissortissimanermut uppernarsaat takutinneqassaaq. Eqqumaffigissavat, COVID-19-imik tunillatsissimannginnermut uppernarsaat ullut tallimat sinnerlugit pisoqaassuseqartussaanngimmat Eqqaamallugu 1. juli 2020 aallarnerfigalugu Islandimi taamaallaat akiliilluni COVID-19-imut misissortittoqarsinnaalermat, aammalu misissortinnissamut piffissamik inniminniiniartarneq ajornakusoorsinnaammat.

Maannarpiaq taamaallaat Islandimiit Nuummut angalasoqarsinnaavoq. Taamaattumik angalasut Tunumut ingerlaqqittusat Nuuk aqqusaartussaavaat, aammalu ingerlaqqinnginnerminni misissorteqqinnermi tunillatsissimannginnermut uppernarsaammik peqartussaallutik.

Pingaarutilik: Danmarkimiit Islandimut aallannginnermi immersugassaq una immersorneqartussaavoq


Angalanerpit ingerlateqqinnginnerani akunninnermut atatillugu Islandimi unnuissaguit, Kalaallit Nunaannut ingerlaqqinnissavit tungaanut akunnittarfimmi najukkani imaluunniit nammineerlutit inissiffigisanni mattusimanissat Islandimi oqartussaasunit piumasarineqarpoq. Islandimi oqartussaasut ingerlaavartumik peqqussutaat innersuussutaallu malinnaaffigikkit. Island aqqusaarlugu angalagaanni aammalu mittarfimmi allami timmisartumut allamut ikissanngikkaanni, piffissami Kalaallit Nunaannut ingerlaqqinnissamut utaqqiffiusumi mattusimanissaq toqqarneqarsinnaavoq. Tamanna aamma Kalaallit Nunaanniit Island aqqusaarlugu Danmarkimut angalanermut atuuppoq.

 

Island aqqusaarlugu Kalaallit Nunaannut tikinnermi uppernarsaatissat pisariaqartinneqartut
- Mail, immersugassamik Sumut-mik immersuisimanermut uppernarsaat takutinneqassaaq
- COVID-19-imik tunillatsissimanerluni misissortinnermi akissut, tunillatsissimannginnermik uppernarsaaffiusoq, sivisunerpaamik ullunik tallimanik pisoqaassusilik takutinneqassaaq
Kalaallit Nunaanniit Island aqqusaarlugu nunagisannut Danmarkimut uternermi uppernarsaatit pisariaqartinneqartut
- Pre-registration for Visiting Iceland, nittartakkami uaniittoq: https://visit.covid.is/ immersorneqassaaq