airplanebooksbriefcase business cogs cross election entertainment fish house law lockmedicalpeopleselfservices socialtax

Takornariartitsinermik ingerlataqartunut ikiorsiissuteqartarnermut malittarisassani allannguutit

Takornariartitsinermik ingerlataqartunut ikiorsiissuteqarnermik aaqqissuussinerni malittarisassani allannguuteqartitsisoqassasoq Naalakkersuisut aalajangerput. Inuussutissarsiortut qisuariaatigisartagaat tunngavigalugit suliffeqarnermilu illuatungeriinnik oqaloqateqareerluni tamanna pivoq.
17. juli 2020


Ilulissat
Ullormut misigisassarsiortitsinernut ataasiinnarmut tapiissuteqartarneq allannguutini atorunnaarsinneqarpoq. Ullormut angallassinermi ataatsimit amerlanerusut ikiorsiissuteqarfigineqarnissaat takornariartitsinernik ingerlatsisut taamaasillutik qinnutigisinnaavaat. COVID-19-ip kingunerisaanik akikillisaassummik aaqqissuussinerup tamatuma innuttaasut amerlanerusut neqeroorfigineqarsinnaalernissaat kingunerissavaa.

COVID-19-ip kingunerisaanik malittarisassani pineqartuni allannguutit ilagaatinnuttaasut Kalaallit Nunaanni najugaqarallartut suliffeqarnerminnut atatillugu akikillisaassinernik ujartuisinnaanngorneranik kinguneqassaaq.

Ulloq 17. juli 2020 aallarnerfigalugu ingerlatsinernut tapiissutinik aaqqissuussinerit iluarsiissuteqarfigineqartut atuutilissapput.

Ulloq 30. september 2020 ilanngullugu ingerlatsinernut ikiorsiissutit atuutissapput.

Malittarisassat atuuttut paasissutissallu annertunerusut quppersakkami uani nassaarikkit: www.big.gl

Annertunerusunik paasisaqarumasut uunga innersuunneqarput
Inuussutissarsiornermut, Suliffeqarnemullu Naalakkersuisoqarfik isiin@nanoq.gl