airplanebooksbriefcase business cogs cross election entertainment fish house law lockmedicalpeopleselfservices socialtax

Katerisimaartarnernut il.il. killilersuigallarnermi naleqqussaarinerit

Katerisimaartarnernut il.il. killilersuigallarneq pillugu nalunaarummut Naalakkersuisut naleqqussaarisimapput.
24. juni 2020


Samling
Maanna kommunit killiisa atuuttut iluanni pisortat aaqqissugaannik killilersugaasumik sammisaqartitsisoqaqqusaalerpoq. Kommuninit allanit peqataasoqannginnissaata qulakkeernissaa imaluunniit kommuninit allanit peqataanissamut kaammattuisoqannginnissaata qulakkeernissaa aaqqissuussisut akisussaaffigaat.

Pisortat inuillu aaqqissuussaat immikkut isiginiarneqarput. Inuit aaqqissuussaannut kommuninit allanit peqataasoqaqqusaavoq, assersuutigalugu kuisitsinermut, inuuissiortitsinermut, soraarummeernermi katittoqartilluguluunniit nalliuttorsiornernut, ilisiartoqataanermut assigisaanullu.

Peqataasut amerlassusaannut killilersuinerit suli atuupput. Illup iluani aaqqissuussani amerlanerpaamik inuit 100-t peqataaqqusaapput, tamatuma saniatigut inatsit inuit ininut isersinnaatitaasut amerlanerpaaffissaasa affaannaat isersimaqqusaanerannut tunngasoq malinneqassaaq. Silami aaqqissuussani amerlanerpaamik inuit 250-it peqataaqqusaapput.

Naleqqussaanermi siunertarineqartut tassaapput aaqqissuussanik ingerlataqarsinnaanermut kissaatip piviusunngortinnissaa peqatigalugulu nappaatip siaruaannissaannut aarlerinassutsip minnerpaaffianiitinnissaa.

Nalunaarut uani takuuk (innersuussissut)

Kommunit killeqarfii uani takuneqarsinnaapput