airplanebooksbriefcase business cogs cross election entertainment fish house law lockmedicalpeopleselfservices socialtax

Nunatsinnut angalasut annertuumik amerlinerat pissutigalugu misissuisarnerit amerlineqarput

Sapaatit akunnerni kingulliini nunatsinnut angalasut amerliartornerat pissutigalugu coronavirusimik nappaateqarnermut misissortittartut ikilisimapput. Tamanna pissutigalugu Kalaallit Nunaanni Covid-19-imik nappaalasoqalernissaanik pinaveersaartitsiniarluni nappaammut misissuisarnermut periuseq sakkortusineqassaaq, taamaaliornermut tunillatsissimasut erngiinnaq nassaarineqartarnissaat siunertaavoq.
3. maj 2020


SANA
Misissuisarnermut periutsip sakkortusinerata ataasinngornermit 4. maj-imit Kalaallit Nunaannut angalanissamik akuersissuteqarnissamut piumasaqaatit allanngortinneqarnerannik kinguneqassaaq. Angalasussat Danmarkiminngaanniit aallannginnerminni misissortinnissamut akuersisarnissaat suli atuuppoq, Kalaallit Nunaannut tikinnerup kingorna ullut tallimassaanni misissorteqqinnissamut akuersissuteqarnissaq ataasinngornermiit aamma piumasaqaataalissaaq. Angerlarsimaannarnissamut maleruagassat suli atuupput, tassa Kalaallit Nunaannut angalasut tikinnerminniit ulluni 14-ini angerlarsimaannartussaapput.

Tamatuma saniatigut nunatsinnut angalasut, taakkuninnga qanigisallit allatigulluunniit attaveqartartut coronamik nappaateqarnermut ersiuteqalissagaluarpata misissortittussanngorlutik erngertumik peqqinnissaqarfimmut attaveqarnissaat kaammattuutigineqarpoq.

Kalaallit Nunaata iluani angalanerit ammaqqinnerannut atatillugu nunatsinnut angalanissamut annertuumik pisariaqartitsisoqartoq takusinnaavarput, ingammik suliffeqarfiit ulappunnerulernerisa kingunerisaanik. Kalaallit Nunaannut angalasut amerlinerat peqatigalugu tunillatsittoqaqqinnissaanut aarlerinassuseq annertusissaaq, nappaalasoqalernissaanillu pinaveersaartitsinermi sakkussarput ataaseq tassaavoq Kalaallit Nunaannut angalasut annertunerusumik misissuiffigisarnissaat. Allanut tunillaassuinnginneranni nassaarerusuppavut. Taamaammat ulluni 14-ini angerlarsimaannaqqusaaneq suli atuukkaluarluni avataanniit angalasut tikinnermiit ullut tallimassaani misissorteqqittarnissaat periuuserilerparput. Nakorsaaneq Henrik L. Hansen oqarpoq.

Misissuisarnermut periuseq imaappoq:
  • Danmarkimiit Kalaallit Nunaannut angalasussat aallannginnerminni COVID-19-imik nappaateqarnermut misissortinneqassapput, tikiffissaminnullu apuukkunik ulluni 14-ini angerlarsimaannartussaallutik.
  • Illoqarfinnut angalasut tikinnerminniit ullut tallimassaani najukkami peqqissaaveqarfimmut imaluunniit napparsimmavimmut coronavirusimik nappaateqarnerlutik misissortikkiartussapput.
  • Angalasup tikiffissaa nunaqarfiuppat angerlarsimaannaqqusaanermut maleruagassat kisimi atuutissapput. Nunaqarfinni najugallit nunaqarfimminnut angerlannginnerminni ulluni tallimani illoqarfimmi qaninnermi angerlarsimaannarfissaqarunik, tassani misissortittoqarsinnaavoq. Kangerlussuaq minillugu nunaqarfinni misissortittoqarsinnaanngilaq.