airplanebooksbriefcase business cogs cross election entertainment fish house law lockmedicalpeopleselfservices socialtax

Soraarummeernerit aamma misilitsinnerit inuusuttuaqqanut ilinniartitaanerni aamma qaffasinnerusunik ilinniartitaanerni

Naalakkersuisut akuersissutigivaat nalunaarut ajornartoornermi atuartitsisarnernut, tamatumani aamma misilitsittarnernut, maanna COVID-19-ip nalaani ilinniarnertuunngorniarfinni, inuussutissarsiutinut ilinniartitaanerni aamma qaffasinnerusunik ilinniartitaanerni.
28. april 2020


Ane Lone Bagger
Soraarummeernerit aamma misilitsittarnerit ilinniarnertuunngorniarfimmi, inuussutissarsiutinut ilinniartitaanerni aamma qaffasinnerusunik ilinniartitaanerni aallaavittut sapinngisamik pisarnertut nalinginnaasumik ingerlanneqassapput, taamaattoq isiginiarneqassallutik killilersuinerit inassuteqaataasut COVID-19-ip kingunerisaanik.

Misilitsinnerit aamma soraarummeersitsinerit assersuutigalugu qarasaasiakkut – virtuelt – allatulluunniit pisariaqarnera tunngavigalu ingerlanneqarsinnaapput. Taamaattumik ilinniartitaanernik ingerlatsiviit ataasiakkaat soraarummeersitsisarnernik misilitsittarnernillu aaqqissuussisassapput sapinngisamik pitsaanerpaamik ilinniarfimmut pineqartumut, ilisimatitsisassallutillu ilinniagaqartunut allannguutit pisuni ataasiakkaani atuuttut pillugit.

Naalakkersuisut qujassutigiumavaat atuartut aamma ilinniagaqartut, angajoqqaat aamma sulisut suliaat annertuut ilinniarfinni ataatsimoorlutik maanna COVID-19 atuunnerata nalaani. Tamatumani aamma oqaloqatigiinnerit ingerlanneqartut ilinniartitaanernik ingerlatsivinnut soraarummeertarnissat aamma misilitsittarnissat aggersut pillugit. Ersersinneqarpoq pissutsit immikkut ittut atuuffigisaanni ataatsimoorsinnaasugut. Tamanna pillugu qujanaq. Taama oqaaseqarpoq Naalakkersuisoq, Ane Lone Bagger.

Annertunerusunik paasisaqarusukkaanni attavigineqarsinnaavoq suliniutinik ingerlatsinermi pisortaq Poul Klitgård, e-mail: pokl@nanoq.gl