airplanebooksbriefcase business cogs cross election entertainment fish house law lockmedicalpeopleselfservices socialtax

Kalaallit Nunaat alloriarnernut marlunnut avillugu ammaqqippoq

Ullumikkut Naalakkersuisoq Karl Frederik Danielsen nalunaaruteqarpoq, Kalaallit Nunaat ulloq 25. april nal. 8.00 aallarnerfigalugu nuna tamakkerlugu ataatsimoorussamik innersuussutinik atuiffiulissasoq.
22. april 2020


Paarnat
Kalaallit Nunaanni ulluni 18-ini tunillatsittoqarsimanngilaq, tamatumalu kingunerisaanit Nuuk aamma nunatta sinnera massakkut tunillatsissinnaanermut assigiimmik ulorianartorsiorfiulerpoq. Sapaatip akunneri marluk kingulliit innersuussutinik aamma matusinernik sakkukillisaaviusimapput, aamma massakkut nuna tamakkerlugu ataatsimoorussamik innersuussutinik atuinissamut piffissanngorpoq.

Kalaallit Nunaat alloriarnernut marlunnut avillugu ammaniarpoq:
1. Kalaallit Nunaata iluani ammaaqqinneq
2. Kalaallit Nunaanut tikinnissamik ammaaqqinneq

Alloriarneq siulleq aallartissaaq arfininngorneq 25. april.

Arfinngorneq 25. april nal. 8.00-imiit tullinnguuttut Kalaallit Nunaanni tamarmiusumi atuutissapput
  • Peqqinnissap tungaatigut innersuussutit tamarmik aalajangiusimaneqassapput
    • Akulikitsumik errortortarneq imaluunniit assanut spritimik atuineq
    • Qanit talinnik asserlugu quersortarit tangajortarlutillu
    • Qisernaveersaarit. Allanut tunillaassutaasinnaammat
    • Inummiit inummut attaveqarnaveersaarneq
    • Eqqiaaneq silaannarissarnerlu eqqumaffigikkit
    • Sumiiffiit inuppassuarnit qanimut katersuuffiusartut orninnaveersaakkit
    • Allanut qanillinaveersaarit
  • Suliffeqarfiit ataasinngorneq 27. april ammaqqissapput
  • Nunap iluani aningaasarsiutigalugu nalinginnaasumik timmisartuussinerit ulloq 25. april aallarnerfigalugu ammarneqassapput
  • Inuussutissarsiummik ingerlataqartunut, pisortat suliffeqarfiutaannut aamma assartuutinut killilersuigallarnerit pillugit nalunaarummut missingiut uani nassaarineqarsinnaavoq
  • Inuit annerpaamik 100-t katersuussinnaanerat pillugu innersuut
  • Nunanut allanut timmisartuussinerit suli 1. junip tungaanut matoqqapput. Ammaanissamut apeqqutaapput:
    • DK-mi tuniluunnermut kisitsisit inissisimanerat
    • Napparsimasunik ajoruluttunik Danmarkimut assartuussinissamut periarfissat
    • Sulisunik pisariaqartitanik tikisitsinissamut periarfissat

Tunillaassortoqannginnissaanut periuserineqartoq Kalaallit Nunaannit suli atorneqassaaq. Tamatuma kingunerisaanit, suli misissugassanik tigusisoqartassaaq aamma tunillatsissimasinnaasut ujartorneqassapput, aamma inuit Danmarkimiit tikissimasut tikinnerminniit ulluni 14-ini angerlarsimaffimminniiginnassapput.