airplanebooksbriefcase business cogs cross election entertainment fish house law lockmedicalpeopleselfservices socialtax

Nuummiit angalanissamut inerteqquteqarneq ullumikkut nal. 23.59 atorunnaassaaq

Tunillaassortunik nappaalanersuaqarneranut Ataatsimiititaliarsuup Nuummiit angalanissamut inerteqquteqarneq ullumikkut nal. 23.59 atorunnaarsippaa. Tamatuma kingunerisaanik innuttaasut unioqqutitsinatik Nuummiit angalaqqissinnaalerput.
21. april 2020


Tikikkiartorneq
Innersuussutigineqarporli suli innersuussutit atuuttut naapertorlugit sumiiffinni killeqarfiit qaangerneqassanngitsut.

Tunillaassortunik Nappaalanersuaqarneranut Ataatsimiititaliarsuaq sinnerlugu ilisimatitsissutigineqassaaq, Nuup Kommuniata qanga killerinikuusaata iluani Nuummiit aallarnissamut inerteqquteqarneq ullumikkut ulloq 21. april nal. 23.59 atorunnaalersoq. Tassa imaappoq, innuttaasut Nuup, Kapisillit aamma Qeqertarsuatsiaat akornanni angalaqqissinnaalerput.

Naalakkersuisunit suli innersuussutigineqarpoq, Kalaallit Nunaata iluani angallannerit tamarmik maannamut killilersimaarneqarallassasut.

Aammattaaq aqagu nal. 14.00 tusagassiortunik katersortitsinissamut aggersaasoqassaaq, tassani piffissamut aggersumut najoqqutassiat nalunaarutigineqarumaarput.

Ullumikkut kisitsisit
Misissukkanut akissutit 27-t ullumikkut tiguneqarput, taakkunanngalu tunillatsittoqarsimanngilaq. Misissukkanut akissutit 49 utaqqineqarput.

Kisitsisit tamarmik nutarternikuupput uanilu takuneqarsinnaallutik

Paasissutissat piviusut
Tunillaassortunik nappaalanersuaqarneranut ataatsimiititaliarsuaq ulloq 18. marts 2020-mi Nuummiit angalanissamut inerteqquteqalersitsivoq. Inerteqquteqarneq aallaqqaammut 21. marts 2020-ip tungaanut atuuppoq, kisianni 7. aprilimi 30. april 2020-p tungaanut sivitsorneqarpoq.

Paasissutissat amerlanerit pissarsiariniarsinnaavatit uani: Katrine Hjelholt Nathanielsen, kat@nanoq.gl, +299 56 23 79