airplanebooksbriefcase business cogs cross election entertainment fish house law lockmedicalpeopleselfservices socialtax

Misiligutit 29-t akissutaat - tunillatsittoqarsimanngilaq

Ullumi misiligutit 29-t akissutaat tiguneqarsimapput, taakkunanngalu tunillatsittoqarsimanngilaq.
15. april 2020


SANA
Misiligutit Statens Serum Institutimi aamma Peqqissutsimut Aqutsisoqarfiup laboratoriani misissorneqarput, inernerillu assigiillutik. Taamaammat laboratoria sapaatip akunnerani matumani tamakkiisumik ingerlalernissaa ilimagineqarpoq.

Ataasinngormat nalunaarutigineqarpoq ilinniartoqarfiit tamarmik immikkut ilitsersuusiortoqarneratigut ammarneqarsinnaasut, tassungalu atatillugu piumasarineqarpoq:
  • sapinngisamik atuartut/ilinniartut inissaqarluarnissaat; ilaatigut atuarfeqarfiup eqqaa tamarmi atorluarneqassasoq, ullup atuarfiusup assigisaasalu tamakkiisumik atorluarnissaat
  • eqqiluisaarnissamut siunnersuinerit tamarmik sapinngisamik eqqortinneqassasut: inoqammut qanillinaveersaarneq, assat eqqiluitsuutinnissaat, assanut spriti
  • atualeqqinneq naafferartumik ingerlanneqassasoq
  • kantiinat niuertarfinnut eqqiluisaarnissaanut piumasaqaatinik malinnissasut

Ilinniartoqarfiit suliassaq pimoorussimavaat, ilinniartoqarfiillu ammaqqikkiartortinnissaat pilersaarutit malillugit ingerlavoq.

Ataasinngornermi aamma nalunaarutigineqarpoq ilorraap tungaanut ingerlaannassagutta, tassa tunillatsissimasunik nassaartoqanngippat, Nuummi meeqqat atuarfii ulluuneranilu paaqqinniffiit sapaatip akunnerata tulliani ammaqqikkiartortinnissaat periarfissaasoq. Tassunga atatillugu Kommuneqarfik Sermersuup pilersaarusiorneq aallartereernerarpaa.

Sapaatip akunnerata aappaata affaa tikillugu aallartissutigineqassaaq, matumani ingammik meeqqerivinni meeqqat minnerit nalinginnaasumik ulluinnaqaleqqinnissamut toqqissisimanartumik ikaarsaarnissaat eqqarsaatigineqarluni.

Kommuneqarfik Sermersuup erseqqissaatigaa inissaqarluartitsinissamut piumasaqaatit malittarisassallu allat pissutigalugit pisariaqavissumik paarsisoqarnermut tulleriiaarineq suli atortariaqassasoq.