airplanebooksbriefcase business cogs cross election entertainment fish house law lockmedicalpeopleselfservices socialtax

Imigassanik aalakoornartortalinnik nioqquteqartarneq imigassartortitsinermullu inerteqquteqarneq sivitsorneqarnavianngilaq

Naalakkersuisut Siulittaasuat Kim Kielsenip imigassanik aalakoornartortalinnik nioqquteqartarneq imigassartortitsinermullu inerteqqut 15. april nal. 10.00 atuukkunnaartussaq sivitsornianngilaa.
14. april 2020


Imigassat
Imigassamut inerteqquteqartitsineq atuutilermat Nuummi COVID-19-imik tunillaassuisoqarpoq illoqarfillu matuneqarsimalluni. Pissutsit taamaatillugit sapinngisamik nappaatip tuniluunnerata minnerpaaffianiitinnissaa aammalu meeqqat toqqissisimanartunik avatangiiseqarnissaat pingaaruteqarsimapput.

Pissutsit maanna allaapput, nunatsinni tunillatsissimasunik napparsimasoqanngilaq tamannalu peqatigalugu innuttaasut inassutinut inerteqqutinullu malinnipput. Taakkartorneqartut pissutigalugit imigassanik aalakoornartortalinnik nioqquteqartarneq imigassartortitsinermullu inerteqquteqarneq sivitsorneqarnavianngilaq.

Piffissami nukingernartumi nuna tamakkerlugu inuiaqatigiinni misiginneqatiginninnermik angisuumik takutitsisoqarpoq. Inassutit peqqussutillu innuttaasunit tigulluarneqarput - naak ilaat misigissuserpassuarnik pilersitsigaluartut. Innuttaasut pissusilersorluarsimanerannut qujassuteqarniarpunga annertuumik.” Naalakkersuisut Siulittaasuat Kim Kielsen oqarpoq.

Annertunerusumik paasisaqarusukkuit naalakkersuisup allattaa Steve Sandgren attaveqarfigiuk: +299 34 54 58, stev@nanoq.gl.