airplanebooksbriefcase business cogs cross election entertainment fish house law lockmedicalpeopleselfservices socialtax

Inuiaqatigiinnut innuttaasunullu maleruaqqusat nutarsakkat

30. april ilanngullugu angalasarnissanut atuuttut
13. april 2020


AirGreenland
30. april ilanngullugu angalasarnissanut atuuttut
  1. Kalaallit Nunaata iluani angalanerit aamma Kalaallit Nunaanniit angalanerit tamarmik 30. april ilanngullugu suli matoqqatinneqassapput, matumani angalanissat innersuussisartut aqqutigalugit Politiinit Nunattalu Nakorsaaneqarfianit akuerineqartut minillugit.
  2. Sumiiffiit akornanni angalanerit pissanngitsut sakkortunerpaamik inassutigineqarpoq. Sumiiffiit killeqarfiinik taasat tassaapput kommunitoqqat killeqarfii.
  3. Sumiiffiup ataatsip iluani angalanissat pisariaqanngitsut ingerlannissaat pissanngitsut sakkortunerpaamik inassutigineqarpoq. Angalanissat pisariaqartut pineqartillugit angalanissat inuussutissarsiutit inuiaqatigiinnilu ingerlatat allat ingerlatiinnarnissaannut pisariaqartinneqartut pineqarput.

Nuna tamakkerlugu atuuttussat; apriilip 14-ianiit nal. 00:01-imiit apriilip 30-anut nal. 23.59 -imut imaluunniit allatut nalunaaruteqartoqarnissaa tikillugu
  1. Nakorsaaneqarfimmiit peqqinnissap tungaatigut siunnersuinerit tamarmik aalajangiusimaneqarput.
  2. Inuit qulit sinnerlugit katersuuteqqusaannginneri Nuummut suli atuuppoq.
  3. Kalaallit Nunaanni annerpaamik inuit 100-t katersuussinnaanerinut inassuteqaat suli atuuppoq, Nuummili atuutinngilaq.
  4. Ulloq 14. april aallartiffigalugu Nuup avataani meeqqat atuarfii aamma nunatsinni ilinniartoqarfiit tamarmik immikkut ilitsersuusiortoqarneratigut ammariartortinneqalissapput, matumanilu piumasarineqarpoq:
    • Atuartut atuariartornerminni sumiiffinnut killeqarfiit qaangissanngikkaat
    • Nakorsaaneqarfiup navianartoqarsinnaaneranut naliliinerit allanngorsimassanngitsut

    Ilitsersuinermi makku eqqarsaatigeqquneqarput:
    • sapinngisamik atuartut/ilinniartut inissaqarluarnissaat; ilaatigut atuarfeqarfiup eqqaa tamarmi atorluarneqassasoq, ullup atuarfiusup assigisaasalu tamakkiisumik atorluarnissaat.
    • eqqiluisaarnissamut siunnersuinerit tamarmik sapinngisamik eqqortinneqassasut: inoqammut qanillinaveersaarneq, assat eqqiluitsuutinnissaat, assanut spriti.
    • atualeqqinneq naafferartumik ingerlanneqassasoq
    • kantiina niuertarfinnut eqqiluisaarnissaanut piumasaqaatinik malinnissasut

  5. Suliffeqarfiit tamarmiusut, pisortanit namminersortunillu pigineqartut, sulisui sapinngisamik amerlanerpaat ulloq 1. maj tikillugu angerlarsimaffinniit sulissasut innersuussutaavoq.

Nuummut tunngatillugu inuussutissarsiorfiit inunnut attuiffiusut pillugit nalunaarummi massakkut atorneqartumiittut aalajangiusimaneqarput.
  • Niuertarfiit ammaffissaannut maleruaqqusat atuukkallassapput, pisiniarfissuarmilu niuertarfiit namminneq isertarfeqanngitsut ammasarnissaannut ilitsersuusiortoqassaaq.
  • Nuummi meeqqat atuarfii aamma meeqqeriviit suli matoqqagallassapput. Maannakkut pissutsit allanngussanngippata, sapaatip akunnerata tullianiit meeqqat atuarfii meeqqeriviillu ammaqqikkiartortinnissai piareersarfigineqassapput.

Ungasissumiit ilinniartitsinerit taamatut ingerlaannassapput, atuartullu soraarummeertussat soraarummeernissaminnut soraarummeernerillu ingerlannissaannut piareersarnissaat sianigineqassapput.