airplanebooksbriefcase business cogs cross election entertainment fish house law lockmedicalpeopleselfservices socialtax

Københavnimi Kalaallit peqqissartut Najugaqarfianni ataaseq tunillatsissimavoq

Københavnimi Kalaallit peqqissartut Najugaqarfianni napparsimasoq ataaseq qanigisaasorlu ataaseq covid-19-imik tunillatsissimapput.
10. april 2020


Kvinde
Napparsimasoq maannakkut Rigshospitalimi mattunneqartunut immikkoortortaqarfimmut nuutsinneqarsimavoq, peqqissartut najugaqarfiat napparsimasumut tunillaassortumik nappaatilimmut naleqqutinngimmat.

Napparsimasup angerlamut aallariartorneranut atatillugu Kalaallit Nunaannut angalasut allat assigalugit ileqquusumik misissorneqarpoq. Napparsimasoq Danmarkimut katsorsartikkiartorsimasoq, Københavnimi Kalaallit peqqissartut Najugaqarfianni sapaatit akunnerit marluk missaani najugaqarsimavoq.

Kalaallit peqqissartut najugaqarfianni ileqqorisassatut maleruagassat ukkanneqarneri
Københavnimi Kalaallit peqqissartut Najugaqarfianni tunillatsittoqarsimasunik nassaarnerup kingorna, eqqiluisaarnermut nerisarfimmi issiaviit akornanni ungasissusaat, pinaveersaartitsinerillu allat pillugit immikkut ileqqorisassatut maleruagassat ukkanneqarsimapput.

Kikkullu tamarmik misissorneqarnissamut neqeroorneqarput
Kalaallit peqqissartut Najugaqarfianni napparsimasut sulisullu tamarmik Rigshospitalimi covid-19 virusimut misiligummik tigusiffigineqarnikkut misissorneqarnissamut maanna periarfissaqalerput. Aamma allat qanigisaasut ilanngullugit tunillatsissimasinnaasut misissorneqarnissaminnut neqeroorfigineqarput.

Taamatut pisoqarnissaa naatsorsuutigineqareersimavoq. Danskit inuiaqatigiit akornanni Covid-19-p taama annertutigisumik siammaanneqarsimanera eqqarsaatigissagaanni tunillatsinnissaq pinngitsoorneqarsinnaasimanngilaq. Kalaallit peqqissartut Najugaqarfiat piareersimasimavoq, taamatullu pisoqarnissaanut qanoq iliuuseqarnissamut pilersaarusioreersimalluni. Kalaallit peqqissartut Najugaqarfiat napparsimasunut mattunneqartariaqartunut najugaqartitsinissaminut atortorissaarutaateqanngilaq.

Paasissutissat amerlanerit uunga pissarsiariniarsinnaavatit: Katrine Hjelholt Nathanielsen oqarasuaat 56 23 79.