airplanebooksbriefcase business cogs cross election entertainment fish house law lockmedicalpeopleselfservices socialtax

Nutaarsiassatsialak: Tunillatsittunik nutaanik soqanngilaq

Ullumikkut sisamanngornermi ulloq 9. april 2020-mi misiligutit 35-t akissutaat tiguneqarsimapput, taakkunanngalu tunillatsittoqarsimanngilaq.
9. april 2020


SANA
Misiligutit kingulliit tunillatsissimasunik nassaarineqarmatali sivitsormat nunatsinni tunillatsissimasut amerlavallaannginnerat qularutigivallaarunnaarparput. Taamaattorli qulakkiivissinnaanngilarput, kisianni misiligutinik akissuteqaatini tunillatsittoqarsimannginnera nutaarsiassatsialaavoq”, nunatsinni nakorsaaneq Henrik L. Hansen oqarpoq.

Ulloq 8. april 2020 ilanngullugu inuit misiligutissanik tigusiffigineqarsimasut katillugit 844-upput, taakkunannga inuit 782-it tunillatsissimanatik, inuillu 11-t tunillatsissimasut. Misiligutit 51-inut akissutissat utaqqimaarneqarput. Nunatsinni inuit Covid-19-imik tunillatsissimasut tamarmik maannakkut peqqissisutut nalunaarutigineqarput.

Aqagu misiligutinut akissutinik takkuttoqarnissaa qularnarpoq, Statens Serum Institutip nalunaarutigisimammagu, sisamanngornermi Kalaallit Nunaanniit misiligutinik misissueqqissaarissanatik. Sisamanngornermut tallimanngornermullu inerniliussat taamaalillutik aatsaat arfininngorpat ulloq 11. april nal. 13.00 tusagassiortunik katersortitsinermi saqqummiunneqartussaapput.

Uani nittartakkami misiligutissat agguataarnerat paasisaqarfiginerusinnaavat, tunillatsinnissallu pinngitsoortinniarlugu nammineerlutit qanoq iliorsinnaaninnut tunngatillugu coronavirus pillugu ilisimasaqarnerulernissat kiisalu siunnersorneqarnissat ilitsersorneqarnissallu pillugit paasisaqarnerussallutit.

Allanik apeqqutissaqaruit Katrine Hjelholt Nathanielsen, Naalakkersuisut Siulittaasuata Naalakkersuisoqarfianiittoq oqarasuaatikkut 56 23 79-ikkut attavigisinnaavat.