airplanebooksbriefcase business cogs cross election entertainment fish house law lockmedicalpeopleselfservices socialtax

Nutaanik tunillatsittoqarsimanngilaq

Ullumikkut sapaammi 5. april misiligutit 37-t tiguneqarsimapput, tamarmillu tunillatsissimasoqanngillat.
5. april 2020


Kvinde
4. marts 2020 tikillugu inuit 662-it misiligutissanik tigusiffigitissimapput, taakkunanilu aqqanillit tunillatsissimapput maannakkullu misiligutit 25-t inerneri utaqqivagut. Tunillatsissimasunit sisamat peqqissisutut nalunaarutigineqarput, sinnerilu peqqissingajalerlutik.

Covis-19-imik napparsimalersussanut katsorsarneqartariaqartunullu isumaginnilluarniarluni maanna peqqinnissaqarfik piareersaleruttorpoq. Piareersarnerit nukinnik atuiffiupput, taamaattoq peqqinnissaqarfik amerlanertigut nalinginnaasumik ingerlavoq. Perulullutik napparsimasut piaartumillu suliarisariaqakkat nalinginnaasumik misissorneqarlutillu katsorsarneqarsinnaapput.

Katsorsaanerilli misissuinissallu ilaat utaqqissunneqarsinnaasut kinguartittariaqarsimapput. Innuttaasut pilersaarutaasutut pilattartittussat, misissortittussat passunneqartussalluunniit Coronamik nappaalasoqarnerani kinguartitsivigalugit allatulluunniit allannguivigalugit peqqinnissaqarfiup ingerlaavartumik attaveqarfigisarpai.

Naak maannakkut ulapiffiugaluartoq inuit kikkulluunniit arlaannik perulunnartumik nappaateqarsorisut peqqinnissaqarfimmut misissortinnissaq katsorsartinnissarlu siunertaralugit saaffiginneqquneqarput. Ulluni makkunani pisut nappaatip allap pisariaqarfiatigut suliarineqarnissaanik kinguneqassanngillat. Maannakkut Covid-19 sammineqartupilussuuvoq, nappaatilli allat tamatuma unitsinnavianngilai taakkulu tamanna pillugu puigorneqassanngillat.

Uani nittartakkami kommunit misiliguteqarfiusut agguataarnerat paasisaqarfiginerusinnaavat, tunillatsinnissallu pinngitsoortinniarlugu nammineerlutit qanoq iliorsinnaaninnut tunngatillugu coronavirus pillugu ilisimasaqarnerulernissat kiisalu siunnersorneqarnissat ilitsersorneqarnissallu pillugit paasisaqarnerussallutit.