airplanebooksbriefcase business cogs cross election entertainment fish house law lockmedicalpeopleselfservices socialtax

Tunillatsittunik nutaanik soqanngilaq

Ullumikkut sisamanngornermi 2. april 2020 misiligutit 89-it tiguneqarsimapput, taakkunanngalu tunillatsittoqarsimanngilaq.
2. april 2020


SANA
"Allanik suli tunillatsittoqarsimannginnera ajunngilluinnartuuvoq. Tassuuna takuneqarsinnaavoq tunillaassortoqannginnissaanut periuserineqartoq siunertamisut ingerlanneqartoq. Nunatsinni nappaatip tuniluulluni siaruaanneranut takussutissaqanngilaq, tamannali qularnaarlugu oqaatigisinnaanngilarput. Tamannali ulluinnaat ingerlaannaq takkuteqqinnissaannik isumaqanngilaq. Tamattaalluta eqqiluisaarnissamut tunngatillugu siunnersuutinik peqqusinernillu atorneqalersunik malinninnissarput suli pingaartorujussuuvoq", oqarpoq nunatsinni nakorsaaneq Henrik L. Hansen.

Katillugit inuit 541-t misiligutissanik tigusiffigineqarsimapput, taakkunanngalu 485-it tunillatsissimanngillat qulillu tunillatsissimallutik. Tunillatsissimasunit pingasut peqqissisutut nalunaarutigineqarput, sinnerilu peqqissingajalerlutik. Misiligutissat 46-t Københavnimi laboratoriamut ingerlaartut akissuteqarfiginissaat suli utaqqivarput.

Ullumi misiligutinik kingusissukkut tikittoqarnera pissutigalugu innuttaasut misiliguteqarfiusimasut suli oqarasuaatikkut sianerfigineqaqattaarput.

www.nun.gl-imi misiligutissat agguataarnerat paasisaqarfiginerusinnaavat, tunillatsinnissallu pinngitsoortinniarlugu nammineerlutit qanoq iliorsinnaaninnut tunngatillugu coronavirus pillugu ilisimasaqarnerulernissat kiisalu siunnersorneqarnissat ilitsersorneqarnissallu pillugit paasisaqarnerussallutit.

Allanik apeqqutissaqaruit Katrine Hjelholt Nathanielsen, Naalakkersuisut Siulittaasuata Naalakkersuisoqarfianiittoq oqarasuaatikkut 34 50 00-ikkut attavigisinnaavat.