airplanebooksbriefcase business cogs cross election entertainment fish house law lockmedicalpeopleselfservices socialtax

Meeqqat corona-mik ernumassutillit Tusaanngap oqarasuaataa aqqutigalugu ikiorneqarsinnaapput

Ullumimiit marlunngorneq 17. marts, meeqqat Coronavirus pillugu oqarasuaatikkut immikkut ittumik siunnersuisarfimmut normumut, Tusaannga-siunnersuisarfik pioreersoq aqqutigalugu sianersinnaalernissaat Naalakkersuisut qulakkeerpaat.
17. marts 2020


Ulluni makkunani meerarpassuit coronavirus pillugu apeqqutissaqarput ernumassuteqarlutillu. Ullumimiit, marlunngorneq 17. marsi, meeqqat Coronavirus pillugu oqarasuaatikkut immikkut ittumik siunnersuisarfimmut normumut, Tusaannga-siunnersuisarfik pioreersoq aqqutigalugu sianersinnaalernissaat Naalakkersuisut qulakkeerpaat.

Meeqqat Tusaanngamut sianeraangamik assersuutigalugu apeqqutit ukua pillugit akissutissarsisinnaapput:
Suli atuariartortassaanga? Angajoqqaakka napparsimalissappat? Napparsimasunik nalunngisaqaruma qanoq iliussaanga? Apersortinnissara taamaatiinnarneqassava? Assakka qanoq asattassavakka? Apeqqutit arlaliusinnaapput saaffiginnissutillu sulisunit akineqartassapput.

Meeqqat ernumasut alapernaatsulluunniit SMS-imik 1899-imut nassiussisinnaapput imaluunniit Tusaanngamut 80 11 80-imut sianersinnaapput.

Tusaannga ullut tamaasa nal. 08:00-imiit 22:00-imut ammasassaaq.

Inersimasut coronavirusimut tunngatillugu apeqqutissallit suli Corona Hotline oqa. nr. 80 11 00 imaluunniit e-mail corona@nanoq.gl aqqutigalugit attaveqartassapput.

Sukumiinerusumik paasissutissat uku aqqutigalugit pissarsiarineqarsinnaapput: immikkoortortami pisortaq Arnajaraq Poulsen, e-mail: apou@nanoq.gl imaluunniit oqa. +299 34 60 14
Tusaannga