airplanebooksbriefcase business cogs cross election entertainment fish house law lockmedicalpeopleselfservices socialtax

Angerlarsimaffigisap avataani ingerlariaqqinngitsoorsimassagaanni

COVID-19-imut tunngatilugu angallannermi killersuinerit malitsigisaannik innuttaasut Kalaallit Nunaanni, Danmarkimi nunanilu allani ingerlariaqqissinnaajunnaaqqapput. Matuma ataani pisuni assigiinngitsuni sumut kikkullu attaveqarfigineqarnissaat pillugit ilitsersuuteqarpoq:
27. marts 2020


Kangerlussuaq

Kalaallit Nunaanni innuttaasuulluni Danmarkip avataani ingerlariaqqissinnaajunnaaraanni
Kalaallit Nunaanni innuttaasutut / najugaqartutut nunami allami ingerlariaqqissinnaajunnaaraanni taava "danskit allattorsimaffiannut" nalunaartoqassaaq, una takuuk www.um.dk/da/rejse-og-ophold/rejse-til-udlandet/danskerliste/ aamma Nunanut allanut ministeriaqarfimmi innuttaasunik sullissivik bbb@um.dk attaveqarfigineqassaaq imaluunniit oqarasuaammut uunga: + 45 33 92 11 12


Kalaallit Nunaanni innuttaasut Danmarkimi ingerlariaqqissinnaajunnaarsimasut
Kalaallit Nunaanni innuttaasutut / najugaqartutut Danmarkimi ingerlariaqqissinnaajunnaaraanni taava e-mailimut uunga attaveqartoqassaaq: corona@nanoq.gl, imaluunniit oqarasuaammut uunga: +299 80 11 00.


Kalaallit Nunaanni innuttaasutut angerlarsimaffigisap avataani ingerlariaqqissinnaajunnaarsimasut
Kalaallit Nunaanni innuttaasutut / najugaqartutut angerlasimaffigisap avataani ingerlariaqqissinnaajunnaaraanni, taava inissinneqarallarnissamik pisariaqartitsinermi angerlarsimaffigisami kommunerisaq attaveqarfigineqassaaq.


Danskisut Savalimmiutulluunniit innuttaasut Kalaallit Nunaanni ingerlariaqqissinnaajunnaarsimasut
Danskit imaluunniit Savalimmiortutu innuttaassuseqartutut Danmarkimi Savalimmiuniluunniit ingerlariaqqissinnaajunnaaraanni taava Corona pillugu allatseqarfimmut attaveqartoqassaaq, tassani aallarnissamut periarfissanik nalilersuisoqassaaq, e-mail: corona@nanoq.gl, imaluunniit oqarasuaammut uunga: +299 80 11 00.


Nunami allamiuulluni Kalaallit Nunaanni ingerlariaqqissinnaajunnaaraanni
Nunami allamiuulluni Kalaallit Nunaanni ingerlariaqqissinnaajunnaaraanni taava Corona pillugu allatseqarfimmut attaveqartoqassaaq, tassani aallarnissamut periarfissanik nalilersuisoqassaaq, e-mail: corona@nanoq.gl, imaluunniit oqarasuaammut uunga: 80 11 00, aamma namminerisamik nunagisami sinniisoqarfinni / aallartitaqarfinni sulisut allatut ikioqqullutik attaveqarfigisinnaavaat.