airplanebooksbriefcase business cogs cross election entertainment fish house law lockmedicalpeopleselfservices socialtax

Nuummi Napparsimmavissuarmut pulaaqqusiunnaarneq: Paasissutissaq pingaarutilik!

Peqqinnissaqarfiup Napparsimmavissuarmi immikkoortortanut napparsimasunullu akunnittarfinnut Nuummiittunut pulaarneq unitsippaa.
20. marts 2020


DIH
Unititsineq tamanna inini ataatsimoorfiusartuni napparsimasullu uninngaviini/inaanni atuuppoq.
Coronavirusip tuniluunnissaa annikillisinniarlugu sanngiitsortattalu nappaammut inuunerumut navianaatilimmut illersornissaat siunertaralugu taamaaliortoqarpoq.

Peruluttut piartortulluunniit
Napparsimasumut peruluttumut piartortumulluunniit qaniginerpaasaaguit napparsimmavimmut pulaarsinnaassaatit, tamannali tuniluuttoqaqqunagu illersorneqarsinnaasumik ingerlanneqassaaq.

Naartusut
Naartusut ernisussat ataatsimik najorteqarsinnaapput/pulaarteqarsinnaapput.

Meeqqat
Meeqqanut uninngasunut mikisunut angajoqqaat matumani pineqanngillat.

Nalunaarut una pillugu saaffiginnissutit uunga innersuunneqarput: Sundhedsledelsen@peqqik.gl