airplanebooksbriefcase business cogs cross election entertainment fish house law lockmedicalpeopleselfservices socialtax

Suliniutinik Nuummi ulloq 18. marts nal. 16.00-imiit atuuttunik erseqqissaaneq

20. marts 2020


Nuuk Center

Suliniutinik Nuummi ulloq 18. marts nal. 16.00-imiit atuuttunik erseqqissaaneq 

Pisiniarfiit pisiniarfissuillu suli ammasinnaappat?
Aap, matumani pineqarput pisiniarfiit, pisiniarfissuit niuertarfiillu allat, piumasaqaatinik ataani allaqqasunik eqquutsitsisimagunik:
  • Eqqiluisaarluarnissamut ileqqorissaarnissamullu tunillaassortunik nappaalanersuaqarneranut ataatsimiititaliarsuup inassutaanik sulisut tamarmik eqquutsitsinissaannik qulakkeerinnippata.
  • Inuit COVID-19-imik ersiuteqartut angerlarsimaffimminnut mattunnissaat pillugu peqqinnissaqarfimmullu attaveqarnissaat pillugit paasissutiissisutinik nivinngartuisimappata.
  • Eqqiluisaarluarnissamut ileqqorissaarnissamullu paasissutissanik nivinngartuisimappata.
  • Sapinngisamik annertunerpaamik sullissat pulaartullu atorsinnaasaannik imermik qaqorsaammillu aamma/imaluunniit assannut spritsimik atuinissamut periarfissaqartitsippata.
  • Nerisassat poortorneqarsimanngitsut tuniniarneqarpata sulisut aaqqatinik atuissapput.
  • Init ima aaqqissugaassapput, pisiniartup ataatsip natermi minnerpaamik 4m2-iterisut angitigisumik inissaqarnissaa piumasaqaataavoq.


Ammatitsinissamut kikkut ilaatinneqanngillat?
Pisiniarfiit Nuuk Centerimiittut, illorsuup iluatigut taamaallaat iserfigineqarsinnaasut pisiniarfiillu qulaani taaneqartunik ininik aaqqissugaanissaannik eqqiluisaarnissamullu tunngasunik piumasaqaatinik naammassinnissimanngitsut.


Pisiniarfiit sorliit Nuuk Centerimiittut ammasinnaatitaappat?
Ulluinnarni pisariaqartinneqartunik pisiniarfiit Pisiffik aamma immikkut ittunik nioqquteqartoq Matas.

Pisiniarfiit illorsuup iluanit matunissaanut periarfissalinnut taamaalillutillu illorsuup silatanit pisinianik isertitsisinnaasut.


Pisiniarfiit passussisarfiillu sorliit matoqqatinneqassappat, pisinianut qanippallaamik attaveqartarnertik pissutigalugu?
Passussiviit aamma kiffartuussinermik pisiniarfiit makkuninnga immikkut suliaqartartut pineqartut tassaapput: kakiuisartut, iverusersuisartut, timikkut isumassuineq, pinnersaasarfiit aamma tagiartuisarfiit, palersarfiit nujalerisullu.

Inerteqquteqarnermi ilaatinneqanngillat namminersortut passussisarfiit, assersuutigalugu tagiartuisarfiit kigutilerisullu, peqqissutsimut tunngasunik inunnik sullissinissamut akuerisat imaluunniit tassani sulisut.


Imerniartarfiit allatullu sassaallertarfiit matoqqatinneqassappat?
Aap. Tassapput diskotekkit, cafét aamma inerniartarfiit il.il.


Neriniartarfiit matoqqatinneqassappat?
Neriniartarfinni caféni il.il. isertunut sassallernissamut inerteqquteqarallarneq atuutilersinneqarpoq.

Neriniartarfiit caféllu nerisassanik imigassanillu suli pajuttuisinnaanermut periarfissaqartitaapput (take away).

Neriniartarfiit, cafét allallu tamarmik, nerisassanik imigassanillu aggiussillutk tuniniaasartut makkuninnga eqquutsitsissapput:
  • Eqqiluisaarluarnissamut ileqqorissaarnissamullu tunillaassortunik nappaalanersuaqarneranut ataatsimiititaliarsuup inassutaanik sulisut tamarmik eqquutsitsinissaannik qulakkeerinnippata.
  • Inuit COVID-19-imik ersiuteqartut angerlarsimaffimminnut mattunnissaat pillugu peqqinnissaqarfimmullu attaveqarnissaat pillugit paasissutiissisutinik nivinngartuisimappata.
  • Eqqiluisaarluarnissamut ileqqorissaarnissamullu paasissutissanik nivinngaassuissapput.
  • Sapinngisamik annertunerpaamik sullissat pulaartullu atorsinnaasaannik imermik qaqorsaammillu aamma/imaluunniit assannut spritsimik atuinissamut periarfissaqartitsippata.
  • Nerisassat poortorneqarsimanngitsut tuniniarneqarpata sulisut aaqqatinik atuissapput.
  • Init sullissat imminnut ungasiartumik inissisimasinnaanngorlugit ilusilersornissaat qulakkiissavaat - aamma pisiat akilerniarneranni.


Saaffissaq
Sukumiinerusumik paasisaqarusuttut Naalakkersuisut Siulittaasuata Naalakkersuisoqarfiani pisortaq attavigineqarsinnaavoq:

Hans-Peder Barlach Christensen
Tlf. +299 53 57 06
E-mail: hape@nanoq.gl