airplanebooksbriefcase business cogs cross election entertainment fish house law lockmedicalpeopleselfservices socialtax

Coronavirus-ip tunillaasuutipiloornissaa pinngitsoorsimatinniarlugu inassutit nutaat

Naalakkersuisut siulittaasuat Kim Kielsen aamma Nappaatit tuniluuttut pilugit ataatsimiititaliap siulittaasua, politimester Bjørn Tegner Bay martsip 12-anni tusagassiortunik katersortitsipput.
12. marts 2020


Kvinde

Tassanilu coronavirus-ip tunillaasuutipiloornissaa pinngitsoorsimatinniarlugu inassutit nutaat saqqummiuppaat.

Inassutit kingulliit tusagassiortunik katersortitsinermi saqqummiunneqartut tassaapput:

  • Nunatsinniit nunatsinnullu angalanerit pisariaqavissuunngitsut tamarmik pinaveersaartinneqarallarnissaat sakkortuumik inassutigineqassasoq.
  • Nunatta iluani angalanerit pisariaqavissuunngitsut tamarmik pinaveersaartinneqarallarnissaat sakkortuumik inassutigineqassasoq.
  • Inuit 100-t sinnerlugit amerlassusillit peqataaffigisaannik katersuunnerit piaveersaartinneqartariaqartut. Ilanngullugu sakkortuumik inassutigineqarpoq inuit kikkulluunniit katersuuffigisartagaanni inuit amerlanerpaaffigisinnaasaattut killiliussap affai kisimik isersimasassasut. (paasinarsarlugu assersuut: Ini inunnit 100-nit isersimaffigineqarsinnaasutut qatserisartunit akuerisaappat taava taakku affaat kisimik isersimasinnaatitaalissasut)
  • Illoqarfinni busseqarfiusuni bussini ilaasunut issiaviusinnaasut amerlaqataannik amerlanerpaaffeqartinneqarnissaat sakkortuumik inassutigineqarpoq. (Issiaviusinnaasut 30-iuppata ilaasut amerlanerpaamik 30-iussasut, saniatigut nikorfasunik ilaasoqaratik)

Inassutit taakku tallimanngornermi 2020-mi martsip 13-ianniit atuutsilissapput.