airplanebooksbriefcase business cogs cross election entertainment fish house law lockmedicalpeopleselfservices socialtax

Nuup matuneqarnera Nuummi Peqqinnissaqarfimmut sunniuteqarpoq

18. marts 2020


DIH
Dronning Ingridip Peqqissaavia (nakorsiartarfik)
Coronavirusip tunuluunnissaa pitsaaliniarlugu piffissatut inniminnikkat tamarmik ataasinngornermi marsip ulluisa 23-anniit atorunnaarsinneqarput.

Nakorsamit takuneqarnissamik suli pisariaqartitsisutut imminut naliliivigigaanni Dronning Ingridip Peqqissaavia oqarasuaatikkut: 80 11 11 attavigeqquneqarpoq. Coronavirus pissutigalugu saaffiginnittut amerlinerisa oqarasuaatikkut attaveqarniarnermi sivisunerusumik utaqqinissamik kinguneqarnissaa piareersimaffigineqassaaq. Pisarissersuinerput ajuusaarutigaarput taamaaliornissarli pisarialittut isigalugu.

Ullut tamaasa oqarasuaatip normuanut uunga sianernissaq: 80 11 11 suli periarfissaavoq.

Nuummi kigutileritinnissamut neqeroorut
kigutileritinnissat pinasuagassaanngitsut tamarmik - meeqqanik inuusuttunillu kigutigissaaneq inersimasunut neqeroorutit ilanngullugit - pingasunngornermi marsip ulluisa 18-anni nal. 16.00 -imiit matuneqassapput. Nuummi pinasuartarialimmik kigutileritittussat oqarasuaatikkut: 80 11 10 nal. 7.30-ip 7.45-illu akornanni attaveqarsinnaapput.

Dronning Ingridip Napparsimmavissua
Dronning Ingridip Napparsimmavissuani pinasuartariaanngitsut tamarmik annikillineqassapput. Tamaalillutik piffissaliussaasimasut tamarmik, kinguartinneqarsinnaanissaasa naliliiviginissaa siunertaralugu, misissorneqassapput.

Suliat pinasuartariallit ajornaquteqanngippat tamarmik ingerlanneqaannassapput. Tamanna nakorsaanerit nappaatinullu navianaatilinnut nakorsaanerit tamarmik pisarnertut ingerlanneqarnissaannik isumaqarpoq.

Peqqinnissaqarfimmut isumaqatigiissutit siarngutigeqinagit
Peqqinnissaqarfik nammineq isumaqatigiissutaasumik kinguartitsivigineqartunut toqqaannartumik attaveqassaaq. Ulluni tulliuttuni tamanna pissaaq. Taamaammat sianernani Peqqinnissaqarfimmit saaffigineqarnissap utaqqimaarneqarnissaa kajumissaarutaavoq.

Nalunaarummut matumunnga tunngatillugu paasissutissat annertunerusut Sundhedsledelsen@peqqik.gl-imut attaveqarnikkut pissarsiarineqarsinnaapput.