airplanebooksbriefcase business cogs cross election entertainment fish house law lockmedicalpeopleselfservices socialtax

Coronavirusimik nutaamik tunillitsissimasoq siulleq Nunatsinni paasineqarpoq

Nunatta Nakorsaanerata nalunaarutigaa coronavirusimik nutaamik tunillatsissimasoq siulleq maannakkut nunatsinni paasineqartoq.
16. marts 2020


Tunillatsissimasoq Nuummi najugaqarpoq angerlarsimaffimminilu mattusimaqqusaalluni.

Susassaqartut tamarmik nalunaarfigineqareerput.

Angerlarsimatitaanermik angerlarsimaffimmi ineqatinut angerlarsimafiullu avataani nappaammik tuniluutsitsinaveersaarnissaq siunertaavoq.

Innuttaasut COVID-19-imik tunillatsissimanerat uppernarsarneqarsimagaluartoq napparsimarujussuannginnerat pissutigalugu angerlarsimaannarsinnaappata angerlarsimaffimmilu katsorsarneqarsinnaappata angerlarsimatitaasarput.

Tunillatsissimasup najugaqatai angerlarsimafimmi mattusimaqquneqarput.

Paasissutissat annertunerusut Naalakkersuisut tusagassiutinut katersortitsinerani nal 10.30 akineqarumaarput.