airplanebooksbriefcase business cogs cross election entertainment fish house law lockmedicalpeopleselfservices socialtax

Nuummi imigassat aalakoornartortallit matunerannut tunngatillugu innuttaasunut Allorfimmit neqeroorutit

Ulloq 28. marts unnukkut Naalakkersuisut Covid-19-ip innuttaasunut siaruaateqqinnginnissaanut ilanngullugu Nuummi, Kapisilinni Qeqertarsuatsiaanilu imigassanik tuniniaasarnerit matuneqassasut aalajangerput.
30. marts 2020


Naasut
Taamaattumik innuttaasut ilaat akuttunngitsumik annertuumillu imigassamik atuisuusut pisumi taamatut ittumi immikkut ikiorneqarnissamik pisariaqartitsilersinnaapput. Taamaattumik Naalakkersuisut matuma ataani tassanngaannaq pisuni, assersuutigalugu imigassamik kingunerlutitsinerni imaluunniit katsorsarneqartariaqarnerni, saaffiginninnissanut periarfissat eqqumaffigeqquniarpaat.

Imigassamut attuumassuteqartillugu nukinginnartumik saaffiginnittarnerit
Nalilersuisoqarnissaa katsorsaasoqarnissaalu siunertaralugit Peqqinnissaqarfik ugguuna saaffigineqarsinnaavoq:

Ulluinnarni nal. 8.15-ip aamma nal. 10-p akornanni oqarasuaat 80 11 11.

Ulloq unnuarlu oqarasuaatikkut ugguuna: 34 44 00

Saaffiginnittussat tamarmik oqarasuaatikkut saaffiginnissapput, tamakkunanilu aggernissaq pisariaqartinneqassanersoq nalilersorneqartassaaq.

Aanngajaarniutinik ajornartorsiuteqartunik katsorsaanerit ingerlaannassapput
Nuummi Allorfik ulluinnarni nal. 9-ip aamma nal. 15-ip akornanni saaffiginnittussanut suli ammasarpoq.

Allorfik Sermersooq ugguuna attaveqarfigineqarsinnaavoq:

Oqarasuaat: +299 53 12 42 aamma mail: allorfik.sermersooq@allorfik.gl

Pissutsit coronamut tunngasut pissutigalugit oqarasuaatikkut mailikkulluunniit saaffiginnittoqartarnissaa innersuussutigineqarpoq. Allorfiup katsorsaanerit tamarmik, ataatsimoortunik katsorsaanerit eqqaassanngikkaanni, pilersaarutigineqartutut suliarineqassapput, kisianni Skypekkut imaluunniit oqarasuaatikkut. Allorfiup qanigisanut neqeroorutaanut aamma tamanna atuuppoq.

Nuummi Katsorsaavimmi katsorsaanerit innuttaasunut katsorsarneqareersunut ingerlaannassapput, kisianni innuttaasunik allanik katsorsarneqartussanik tigusisoqartassanngilaq.

Allorfiup nunap sinnerani normuutai attaveqarfigineqarsinnaasut
Nunap sinnerani Allorfiit saaffigineqarnissanut aamma ammapput aamma innuttaasut katsorsarneqarnissamik pisariaqartitsisut tamarmik saaffiginnissinnaapput, sumi najugaqarneq apeqqutaatinnagu. Allorfiit allat matuma ataani oqarasuaatit normuisigut mailiisigullu attaveqarfigineqarsinnaapput:

Allorfik Avannaa, Ilulissat Oqa.: +299 22 25 50, mail: aloik.avannaa@allorfik.gl

Allorfik Kujalleq, Qaqortoq Oqa.: +299 34 66 93, mail: allorfik.kujalleq@allorfik.gl

Allorfik Qeqertalik, Aasiaat Oqa.: +299 53 98 38, mail: allorfik.qeqertalik@allorfik.gl

Allorfik Qeqqata, Sisimiut Oqa.: +299 58 43 43, mail: allorfik.qeqqata@allorfik.gl

Paasissutissanik amerlanerusunik pisariaqartitsisoqartillugu attavigineqarsinnaavoq
Birgit V. Niclasen, e-mail bivn@nanoq.gl