airplanebooksbriefcase business cogs cross election entertainment fish house law lockmedicalpeopleselfservices socialtax

Qimarnguinnut immikkut aningaasaliisoqarpoq

Corona pillugu killiffik aammalu Nuup immikkut matuneqarnera, ilaqutariinnut inuuniarnermikkut ajornartorsiuteqareersunut pitsaanngitsumik sunniuteqarput.
28. marts 2020


Fra tårnet
Corona pillugu killiffik aammalu Nuup immikkut matuneqarnera, ilaqutariinnut inuuniarnermikkut ajornartorsiuteqareersunut pitsaanngitsumik sunniuteqarput. Piffissami matumani Nuummi qimarnguik meeqqanit arnaniillu nakuuserfigineqarsimasunit imaluunniit sioorasaarneqarsimasunit qimarnguimmi inissinneqarusuttunit saaffiginnissutit amerleriarnerannik nalaataqarpoq. Taamatuttaaq assinganik nunap sinnerani nalaatsisoqaratarsinnaanera ilimagineqarpoq. Taamaammat maannakkut pisup kingunerisaanik qimarnguiit immikkut ittumik sulisunut akissarsiaqartitsinermi aningaasartuutissanut tapiissutissanik qinnuteqarsinnaanngortillugit Pitsaaliuinermut Isumaginninnermullu Aqutsisoqarfik immikkut aningaasaliissuteqarpoq.

”Nalunngilarput ilaqutariinni atugarliuuteqareertuni aaqqiagiinngissutit annertuseqqasut. Arnat pineqartut meeraallu pisariaqartitsinerminni ikiorneqarnissaat, taamaalillunilu toqqissisimaffigisinnaasaminnut ornitassaqarsinnaanissaat Naalakkersuisut kissaatigaat” taama oqarpoq Peqqissutsimut, Isumaginninnermut Inatsisinillu atuutsitsinermut Naalakkersuisoq, Martha Abelsen, nangillunilu:
”Taamaammat Pitsaaliuinermut Isumaginninnermullu Aqutsisoqarfiup immikkut ittumik aningaasaliissuteqarsinnaanera nuannaarutigivara, taamaalilluni nuna tamakkerlugu qimarnguiit tamarmik immikkut ittumik sulisunut akissarsiaqartitsinerulernissaata kingunerisaanik aningaasaliissutissanik qinnuteqarsinnaanngorput”.

Piffissami matumani ilaqutariit virusip COVID-19-ip siaruaannerulernissaanut pinaveersaartitsinissamut iliuusissatut malittarisassanit pisariaqarluinnartunit peqquteqartumik ilungersunartorsiorfimmiinnerini, Nuummi qimarnguik arnanit meerartalinnit nakuuserfigineqarsimasunit toqqissisimaffigisinnaasaminniikkusuttunit saaffigineqartarpoq. Namminersorlutik Oqartussat aammalu Kommuneqarfik Sermersooq suleqatigiinnermikkut arnanut nakuuserfigineqarsimasunut meerartaannullu Nuummi qimarnguimmi inissat saniatigut inissaqartitsiniarnissaq qulakkeerneqarpoq.

Paasissutissat

Tapiiffigineqarnissamut periarfissat
Qimarnguiit ingerlatsinikkut aningaasartuutaannut missingersuutaasut 50 %-ii angullugit, aningaasanut inatsimmi konto pingaarneq 30.10.45-imi “Isumaginninnermi suliniutit” iluanni tapiissuteqartoqarsinnaavoq. Kontomit tassannga siunertamut immikkut ittumik aningaasaliisoqarpoq.

Qimarnguiit
Tassani allassimavoq qimarnguik tassaasoq arnanut angutinulluunniit annersarneqarsimasunut, annersarneqarnissamik sioorasaarneqarsimasunut imaluunniit taamaaqataannik ilaqutariinnermut inooqatigiinnermulluunniit tunngatillugu ajornartorsiuteqartunut utaqqiisaasumik inissiisarfik. Massakkut qimarnguiit arfineq-pingasuupput, nunalu tamakkerlugu nakuuserfigineqarsimasunut katsorsartinnissamik neqeroorut ataasiulluni.

Qimarnguik Naneruaq
E. Kristiansen Aqq. 9A/488
3952 Ilulissat
Oqarasuaat: 94 39 13 / 54 63 60

Illernit (Nuna tamakkerlugu katsorsartinnissamik neqeroorut)
Qeqertarsuaq
Oqarasuaat: 92 19 19

Saaffiginnittarfik Qarajaq
Killerpaat 35
3950 Aasiaat
Oqarasuaat: Oqarasuaat: 89 10 06 / 53 57 60 / 53 57 60 (Ulloq unnuarlu saaffigineqarsinnaasut)

Qimarnguik Ukkaq
c/o Isumaginninnermut ingerlatsivik Kangaatsiaq
B-78
Postboks 80
3955 Kangaatsiaq
Oqarasuaat: Oqarasuaat: 87 21 32 / 87 21 35 / 58 68 97 (nalunaaqutaq 16 kingorna – Isumaginnittoqarfimmi pigaartoq)

Qimarnguik Nuuk
Sipisaq Kujalleq 7
3900 Nuuk
Oqarasuaat: 36 61 00 / 36 61 13 / 55 46 47
(Ulloq unnuarlu saaffigineqarsinnaasut)

Paamiuni Qimarnguik
Ortorsuup Aqq. B-681
3940 Paamiut
Oqarasuaat: 36 76 28 (ulluinnarni nalunaaqutaq 8-16) / 23 34 90 (Ulloq unnuarlu saaffigineqarsinnaasoq)

Saaffiginnittarfik ”Sikkersoq”
Kamikoorfik Blok G nr. 9
3920 Qaqortoq
Oqarasuaat: 49 38 35

Qimarnguik Ornitaq
Blok D 25
3921 Narsaq
Oqarasuaat: 53 11 82

Naaqqavi
Attertup Nuua B-1168
3913 Tasiilaq
Oqarasuaat: Oqarasuaat: 36 77 86 / 56 01 54 (Pigaartup oqarasuaataa)

Alliaq katsorsarneqarnissamik neqeroorutaavoq, tassani tarnip pissusaanik ilisimasallit inuit annersaasartut arlaatigut oqaasinngortitsinissaannik ikiortarpaat. Neqeroorut kinaassutsimik isertuiffiuvoq akeqaranilu. Alliaq oqarasuaat 34 50 40 aqqutigalugu ataasinngornermi sisamanngornermilu nalunaaqutaq 20.00 aamma 22.00-p akornanni attavigineqarsinnaavoq. Imaluunniit alliaq.gl iserfigalugu attaveqarnissamut immersugassaq immersorlugu.

Attaveqarfissaq
Paasisaqarnerorusukkuit naalakkersuisup allattaa Inger Heilmann Larsen e-mail: ihla@nanoq.gl imaluunniit oqa. +299 55 41 60 aqqutigalugit attavigiuk.