airplanebooksbriefcase business cogs cross election entertainment fish house law lockmedicalpeopleselfservices socialtax

Nassiussat allakkallu

Kiffartuussinissamik isumaqatigiissutit atuuttut naapertorlugit Air Greenlandip A/S, Disko Line A/S-ip kiisalu Norlandairip sinerissami illoqarfinnut nunaqarfinnullu allakkanik poortukkanillu assartuinissamik pilersaarut atatiinnarpaat.
23. marts 2020
AirGreenland
Keflavik aqqusaarlugu Nuup Københavnillu akornanni Dash 8-mik silaannakkut assartuinerup saniatigut Kangerlussuup Københavnillu akornanni timmisartoq assartuut anginerusoq atulerneqassaaq.

Tamatuma saniatigut Royal Arctic Line A/S-ip manna tikillugu angalasarnini ingerlatiinnassavaa.

Kalaallit Nunaannut, Kalaallit Nunaanniillu timmisartukkut nassiussat amerliartuinnannginnissaat suliniutip taassuma qulakkiissavaa. Taamaalilluni assersuutigalugu Nukissiorfiit, TELE-POST A/S, Air Greenland A/S aamma Mittarfeqarfiit atortulersuutinut pisariaqavissumik kingoraartissanik pissarsisinnaanissaat kiisalu atuisunut nioqqutissanik nalinginnaasumik pilersuineq suli qulakkeerneqarsinnaassaaq.

Teknikkimik patsiseqartumik timmisartut akunnittartut
Timmisartut inuinnarnit pigineqartut Europamut Amerikkamulluunniit ingerlaartillutik, teknikkimik patsiseqartumik ilaatigooriarlutik Kalaallit Nunaanni mittarfinnut akunnittarput.

Teknikki patsisaalluni taamaallaat akunnittoqarsinnaassaaq.

Teknikki patsisaalluni akunnittuni timmisartut aquttui, Mittarfeqarfiit sulisuinik timikkut attuinngikkaluarlutik pilersuutinik pissarsillutillu orsersinnaassapput.

Annertunerusumik paasisaqarusukkuit Naalakkersuisumut allatsi attavigiuk
Anders Samuelsen
E-mail: ansa@nanoq.gl