airplanebooksbriefcase business cogs cross election entertainment fish house law lockmedicalpeopleselfservices socialtax

Toqqorsivik

Kalaallit Nunaanni Tarnimikkut Nappaatilinnik pinngitsaaliissummik iliuuseqarfiginninneq pillugu nalunaarusiaq 6.10.2016 

Meeqqanik akiuussutissiisarnermi allannguutaagallartunik atorunnaarsitsineq 15.12.2014 

Nunatsinni Nakorsaaneqarfiup allagaqaataa januaarip qulaaluaani 2014 ullulerneqartoq naapertorlugu, Statens Serum Institut-imi (SSI) akiuussutissiornermi ajornartorsiuteqarneq pissutigalugu, tallimanik ukioqalernermi akiuussutissiisarnerup allannguuteqartinnissaa pisariaqalersimammat DiTeKiPol Booster- imut taarsiullugu DiTeKi Boosterip saniatigut immikkut nukillaarnermut poliomut akiuussutissiisoqartalerpoq. Tamakkiisumik atuaruk

Kalaallit Nunaanni Tarnimikkut Nappaatillit Maalaarutaannik Aalajangiisartut ukiumoortumik nalunaarsusiartik siulleq saqqummiuppaat. 09.10.2014 

Tarnimikkut Nappaatillit Maalaarutaannik Aalajangiisartut, juulip aallaqqaataani 2013 Tarnimikkut nappaatilinnik nammineersinnaajunnaarsitsineq allatigullu pinngitsaaliissummik iliuuseqarneq pillugu Inatsisartut inatsisaata (Tarnikkut nappaatillit pillugit inatsisip) nr. 24, 3. december 2012-imeersup atuutilersinneqarneranut atatillugu pilersinneqarput. Tarnimikkut Nappaatillit Maalaarutaannik Aalajangiisartut tarnikkut nappaatillit pillugit inatsimmi § 41 naapertorlugu pilersinneqarput.

Eqqartuussissuserisup siulittaasuusup saniatigut, Nunatsinni Nakorsaaneq, napparsimasut ilaqutaasullu peqatigiiffiannit aallartitaq tarnimikkut nappaatilinnut sinniisuusoq Tarnimikkut Nappaatillit Maalaarutaannik Aalajangiisartuupput. Tarnimikkut Nappaatillit Maalaarutaannik Aalajangiisartut allaffissornikkut Nunatsinni Nakorsaaneqarfimmit isumagineqarput.

Pinngitsaaliissummik napparsimmavimmut unitsitsineq, pinngitaaliissummik tigummigallagassanngortitsineq, takkutinngitsoortunik/qimaasunik pinngitsaaliissummik utertitsineq, pinngitsaaliissummik nakorsaatitortitsineq, angerlartitsitsereernermi pinngitsaaliissummik malittarinninneq, pinngitsaaliissummik aalaakkiineq, nukersorfiginninneq, napparsimasumik illersuiniarluni aalaakkiineq, ingerlaannartumik nal. ak. 24-it sinnerlugit immikkut nakkutilliineq immikkoortortamilu matunik parnaarsineq pillugit maalaarutit, Aalajangiisartut suliassaraat.

Aalajangiisartut ukiut tamaasaa suliatik pillugit tamanut saqqummiussassamik nalunaarusiortartussaapput. 2013-imi suliat pillugit ukiumoortumik nalunaarusiaq Nunatsinni Nakorsaaneqarfiup nittartagaani www.nun.gl ”Saqqummiussani” takuneqarsinnaavoq.
Apeqqutissaqartut saaffissaat: Eqqartuussissuserisoq Anita Strauss Sørensen Oqarasuaat: 321370 Mail: as@nuna-law.gl