Toqusunut uppernarsaat immersorneqarsinnaasoq immersulersinnagu assinganik nammineq qarasaasiamut toqqorsisoqaqqaassaaq. Tamanna ataani attavissap toorneragut pissaaq. Toqusunut uppernarsaat tamatuma kingorna browserimi ammarneqassaaq. Qulaani saamiup tungaani toqqagassaq "Filer" toqqaruk tamatumalu kingorna "Gem som" toorlugu filimut inissiivissaq toqqaruk.
Ullut nalaagut toorsinerit tamaasa talerpiup tungaani qarsuarannguamik takkuttoqartarnera maluginiaruk. Taassuma toorneragut ullorsiut takkutissaaq ullorlu eqqortoq toqqarneqarsinnaanngussaaq. Ateq inuullu normua isumaminnik qup. aappaannut assilineqassapput.
Immersuineq naammassippat toqusunut uppernarsaatip qup. siulleq aappaallu naqitanngorlugit anillatsinneqassapput atsiorfissallu eqqortut atsiorneqarlutik. Assinga digitaliusoq atsiorneqanngitsoq allattugaatinut toqqorneqarsinnaavoq.
Naqitanngorlugu anillatsitassatut naatsorsuussaq skrivemaskinamik assaannarmilluunniit immersorneqassaaq.
Toqusunut uppernarsaatip atsiukkap assilisaanngitsup quppernera siulleq aapaallu ingerlaannaq Nunatsinni Nakorsaaneqarfimmut nassiunneqassapput quppernerullu siullup assilinera, pisarnertut pisortaqarfimmut ilisinermik isumaginnittussamut tunniunneqassalluni. Taamaalillutik periusaasimasut allannguuteqassanngillat.
Toqusunut uppernarsaatinik assigisaannillu immersuineq pillugu paasissutissat sukumiinerusut allakiami uani "Sinerissami Peqqinnissaqarfiup qitiusumik immikkoortuini nakorsat inatsisinut tunngatillugu suliassaat politiinillu suleqateqarnerat" pissarsiassaapput".
1. Toqusunut uppernarsaat immersorneqarsinnaasoq qup. siulleq aapaallu (pdf-fil)
2. Toqusunut uppernarsaat qup. siulleq aappaallu naqitanngorlugit anillatsitassat (pdf-fil)
Toqusunut uppernarsaatit nutaat atornissaannut tunngatillugu apeqqutissaqarnermi Nunatsinni Nakorsaaneqarfik oqarasuaatikkut: 345192 imal. pigaartuusup oqarasuaataagut: 553561 attavigineqarsinnaavoq.