airplanebooksbriefcase business cogs cross election entertainment fish house law lockmedicalpeopleselfservices socialtax

Ornittakkani/kialaarfinni/angerlarsimaffeqanngitsunut unnuisarfinni sulisunut namminerlu kajumissutsimik sulisunut paasissutissat

Sulisunut innuttaasunik angerlarsimaffeqanngitsunik sullissisunut siunnersuutitsialaat

Innuttaasunut angerlarsimaffeqanngitsunut ulluinnaat coronamik tunillaassuuffiusut immikkut unammillernarsinnaapput. Illit sulisutut qanoq ikiuussinnaanerit pillugu tullinnguuttumi atuarsinnaavutit.

Eqqummaarinnerugit ujartuinerugillu
Innuttaasut immikkut ittumik aarlerinartorsiortut namminneq peqqissutsiminni allannguutinik malussarnissamut allanullu oqaluttuarinissaannut ajornakusoortitsisinnaapput. Taamaattumik ileqqorisassatut maleruagassat innersuussutigineqartut malinngikkaluarlugit COVID-19-imik ersiuteqarsinnaapput.

Taamaattumik innuttaasunut angerlarsimaffeqanngitsunut unnuisarfinni najugalinnut imaluunniit ornittakkaniittartunut tunngatillugu, sulisut ersiutinik nakkutiginnilluarnissaat ajornanngippallu innuttaasup peqqinnissaqarfimmut sianernissaanik ikiornissaa kiisalu tuniluunnerup siaruannginnissaa pinaveersaartinniarlugu innuttaasup sapinngisamik mattusimatinnissaa pingaaruteqarpoq.


Nappaammut ersiutit
Ersiutit nalinginnaanerpaat tassaapput:
  • Quersorneq
  • Kissarneqarneq
  • Qasoqqaneq
  • Toqqusaarlunneq
  • Nukitsigut anniarneq
  • Kakkilertaneq
  • Anersaartornermi ajornartorsiorneq
  • Timminneq

Innuttaasunut angerlarsimaffeqanngitsunut pingaaruteqarpoq sulisunit ataavartumik attaveqarfigineqartarnissaat. Attaveqarnermik suliniutitigut innuttaasoq tunillatseratarsinnaanerani pisarialimmik ikiorneqarnissaa qulakkeerneqassaaq.


Siunnersuutitsialaat uku atorlugit ikiuisinnaavutit

1. Inniminnigit - eqqiluisaarnermut eqqummaarigit
Innuttaasut angerlarsimaffeqanngitsut oqartussat innersuussutaannik malinninnissamut ajornakusoortitsisinnaapput. Taamaattumik ukununnga tunngatillugu tapersersuigit:
  • Akulikitsumik errortortarneq imaluunniit assanut bakteriaajaammik (håndsprit) atuisarneq
  • Qaneq talimik asserlugu quersortarneq tangajortarnerlu
  • Qitserarnaveersaarneq, allanut tunillaassutaasinnaavoq
  • Inoqatinut qanillattornaveersaarneq
  • Eqqiaaneq silaannarissarnerlu eqqumaffigikkit
  • Sumiiffiit inuppassuarnit qanimut katersuuffiusartut orninnaveersaakkit


2. Toqqissisimatitsigit
Innuttaasut angerlarsimaffeqanngitsut namminneq sumiiffissaqanngillat aamma inuttut allatulli tunuartersinnaanngillat oqartussallu angerlarsimanissamut innersuussutaannik malinnissinnaanatik.

Taamaattumik tunillatsissimasutut pasitsaassinermi innuttaasumut toqqissisimanartumik iliuuseqarfiginissaa anguniarlugu sulisunut ujartuisunut tatiginartumut attaveqaammik pilersitsinissaq pingaaruteqarpoq.

Qanimut sulisunut attaveqarsinnaanissaat namminnerlu inigisaminniinnissaat anguniarlugu ornittakkani angerlarsimaffeqanngitsunullu unnuisarfinni avatangiisimik toqqissisimanartumik pingaarutilimmillu innuttaasut akornanni qanillattuuffiunngitsumik pilersitsinissaq pingaaruteqarpoq.

Sulisutut ataatsimut isigalugu eqqissisimanikkut innuttaasullu eqqarsaataannik ernummassutaannillu tusarnaarnissamut piffissaqarnikkut ikiuisinnaavutit. Innuttaasoq pisoq nutaaq pillugu paasitiguk paasissutissanillu, assersuutigalugu nutaarsiassaqartitsivinneersunik aammalu oqartussaneersunik, soorlu inoqatinut attaveqaatini oqalliffinneersuni il.il. paasissutissanik uppernarsarneqarsimanermikkut pitsaassutsimikkullu allanngorarsinnaasunik nutserutikkit.


3. Isumatusaarit - qanillattornaveersaartitsigit
Ornittakkani angerlarsimaffeqanngitsunullu unnuisarfinni innuttaasut assersuutigalugu nerilernerminni amerlavallaannginnissaat imaluunniit ataatsimoortarfinni amerlasuujunnginnissaat qulakkeerneqassaaq. Innuttaasut paarlattuanik allatut ataatsimoorfeqarnissaat, assersuutigalugu inoqatinut attaveqaatitigut attaveqaqatigiissinnaanissaat tapersersukkit.

Innuttaasut angerlarsimaffeqanngitsut amerlanerullutik ikinnerullutilluunniit katersuuttarput. Imminnut attaveqaqatigiittarput aqqusinerniikkaangamillu kisimiinnginnermikkut toqqissisimanermik isumannaassusermillu misigisimasarlutik. Eqimattani ikinnerusarnissaasa innuttaasullu ataasiakkaat imminnut qanippallaannginnissaasa tapersersornissaat pingaaruteqarpoq.


4. Piviusorsiorit - nutserigit
Nutaarsiassat imaaginnavipput, taamaattumik paasissutissat ataasiakkaanut qanoq kinguneqarumaarnersut pillugit oqaluttuarit.

Paasissutissarpassuarnik erseqqissaanissat, nutserinissat immikkoortiterinissallu pingaaruteqarsinnaavoq, tassami pisoq innuttaasunut, ernumassutsiminnik allanut ingerlatitseqqiffissaqanngitsunut sakkortusinnaavoq ernumasitsisinnaallunilu.

(Danmarkimi isumaginninnermut aqutsisoqarfimmit isumassarsiat malillugit allanneqarpoq)