airplanebooksbriefcase business cogs cross election entertainment fish house law lockmedicalpeopleselfservices socialtax

Kalaallit Nunaannut angalaneq

Kalaallit Nunaannut angalasinnaaneq ammaanneqarpoq. Piumasaqaatit piffissaliussallu assigiinngitsut eqqumaffigissavatit. Uani paasiniarsinnaavatit.
Nutarterneqarpoq: 30. december 2020

Kalaallit Nunaannut aamma Kalaallit Nunaanniit angalanerit 

Danmarkimut aallassaguit smittestop app aaqqullugu inassutigaarput, taannalu Danmarkimiinninni aammalu Kalaallit Nunaannut tikereerninni sivikinnerpaamik ulluni 14-ini ikumatiinnassavat - https://smittestop.dk.

Tamatuma saniatigut innersuussutit, piumasaqaatit killissarititaasullu uku eqqumaffigissavatit.

Innersuussutit aamma sakkortusisamik kaammattuutit: 

  • Kalaallit Nunaannut aamma Kalaallit Nunaanniit angalanaveersaarit.
  • COVID-19 angalasut aqqutigalugit Kalaallit Nunaannut apuuttussaavoq.
  • Taamaattumik Namminersorlutik Oqartussaniit innersuussutigineqarpoq, suliffeqarfiit, oqartussaasut innuttaasullu Kalaallit Nunaannut aamma Kalaallit Nunaanniit angalatitsissanngitsut.

Oqartussaasut tamaginnut innersuussuteqaraluartut kaammattuigaluartullu angalassaguit/angalassagussi – angalanissarsi namminneerlusi akisussaaffigissavarsi. Taamaattumik angalanermi corona tunngavigalugu killilersuisoqarnera peqqutigalugu ajornartoortoqalissagaluarpat, tamatuma kingunerisaanik saniatigut aningaasartuutissat nammineq akilerneqartussaapput.

Kalaallit Nunaata avataani angalanermi ajornartoorfiusinnaasut: 

  • Nunat killeqarfiinik matusineq
  • Kommunit killeqarfiinik matusineq
  • Covid-19-imut ersiuteqarnermi nassatanik tunniussinermi/ikiartorfissami itigartitaaneq
  • Covid-19-imik tunillatsinnissamut ulorianartorsiorneq napparsimanerlu
  • Misissugassamik tigusiffigitinnissamut piffissamik inniminniineq
  • Aallannginnermi misissortinnerup inerneranik akissuteqartoqarnera
  • Il.il.

Eqqumaffigineqassaaq, Kalaallit Nunaanniit aallarnissaq uternermiit ajornannginnerummat. Kalaallit Nunaanni annertuumik tuniluuttoqalissagaluarpat, tamanna angerlarnissamut ajornakusoortitsisinnaavoq – Sulinermi akissarsiassanik, ullunik sulinngiffissanik, najugaqarnermi il.il. annaaneqartut nammineerluni akilerneqassapput.

Kalaallit Nunaanniit angalanissat sioqqullugu

Kalaallit Nunaannut aamma Kalaallit Nunaanniit angalanissat pisariaqanngitsut tamarmik pinaveersaarneqassapput

COVID-19 nunatsinnut angalasut aqqutigalugit Kalaallit Nunaannut apuuttussaavoq, aammalu piffissap angalanerpaaffiusup qaangiunnerani innuttaasut Kalaallit Nunaanni najugallit, sulinerminnut atatillugu sulinngiffeqarlutilluunniit angalasimasut tikittussaapput.

Taamaattumik maanna suliffeqarfiit, oqartussaasut innuttaasullu pisariaqanngitsumik Kalaallit Nunaannut aamma Kalaallit Nunaanniit angalassanngitsut Namminersorlutik Oqartussanit kaammattuutigineqarpoq.

Pisariaqanngitsumik angalanerit suuppat?
- Sulinngiffeqarnermut atatillugu angalanerit
- Sulinermut atatillugu angalanerit pisariaqarluinnanngitsut
- Sulinermut atatillugu angalanerit, siunertaasumik oqarasuaatikkut imaluunniit videokkut ataatsimeeqateqarnikkut naammassineqarsinnaasut

Angalanissamik aalajangiinissaq innuttaasut, suliffeqarfiit oqartussaasullu ataasiakkaat namminneerlutik aalajangigassaraat.

Kalaallit Nunaanni najugaqaruit nunanullu allanut angalassallutit, eqqumaffigissavat tamanna illit nammineq akisussaaffigigakku. Kalaallit Nunaannut uterlutit tikinninni angerlarsimaannassaatit.

Kalaallit Nunaannut uterlutit angalaniarnermi aningaasartuuteqarsinnaavutit. Tamanna assersuutigalugu nunani allani angalaninni COVID-19-imik tunillatsissagaluaruit imaluunniit Kalaallit Nunaannut angalaniarlutit aallariartortarfimmi uppernarsaatinik takutitsisinnaanngikkuit pisinnaavoq (Covid-19-imik tunillatsissimannginnermut uppernarsaat kiisalu immersugassaq SUMUT).

Malugiuk nunatsinnut uteqqinnermut sanilliullugu Kalaallit Nunaat qimallugu angalanissaq ajornannginnerummat. Kalaallit Nunaat qimallugu utimullu angalanissannut piffissaalluarallartillugu, tassunga tunngasumut piumasaqaatit "Kalaallit Nunaannut angalanissaq sioqqullugu"-mi allaqqasut atuarluarnissaat innersuussutigissavarput.

Nunanut allanut tikiffinni maleruagassat atuuttut najoqqutassallu nammineq paasiniassavatit. Nunanut allanut ministereqarfiup angalanissamut ilitsersuutaata malinneqarnissaa aamma danskit allattorsimaffiannut ilanngunnissat innersuussutigineqarpoq, takuuk https://um.dk/

Kalaallit Nunaannut angalaneq

Kalaallit Nunaannut aallannginnermi nakkutigisassat allattorsimaffiat:

Immersugassamik SUMUT-mik immersuineq

COVID-19-imut misissortinnissamut piffissamik inniminniineq - malugissavat piffissaq utaqqiffiusoq sivisusinnaammat

'Danmarkimi misissueriaatsit' pillugit ataani sukumiinerusumik atuagaqarit

Angalanermi kiinnamut assiaquteqarneq - apuuffimmi aamma piffissami angerlarsimaffiusumi atuinnarneqassaaq

Ersiuteqaruit angerlarsimaannassaatit - ersarissunik ersiuteqaruit ikiartorfimmi itigartinneqarsinnaavutit 

Nassatanik tunniussinermi uppernarsaammik amigaateqaruit

Mail-imik, immersugassamik SUMUT-mik immersuisimanermut uppernarsaammik aamma/imaluunniit tunillatsissimannginnermut uppernarsaammik nassataqarnak nassatanik tunniussiartoruit timmisartumut ikinissamut itigartitaasinnaavutit.

Najugaqarnermut saniatigut aningaasartuutissatit nammineerlutit akilissavatit. Bilitsit ullormut allamut, uppernarsaatinik pisariaqartinneqartunik tunniussisinnaalerfinnut nuutsissinnaavat.


Angalanissavit tungaanut misissortinninni COVID-19-imik tunillatsissimallutit uppernarsarneqarpat

Angalanissavit tungaanut misissortinninni COVID-19-imik tunillatsissimasutit uppernarsarneqarpat, timmisartumut ikeqqusaanngilatit.

Aatsaat misissorteqqinnermi Covid-19-imik nappaateqanngitsutit uppernarsarneqarsinnaalerpat, Kalaallit Nunaannut angalasinnaavutit.

Najugaqarnermut saniatigut aningaasartuutissatit nammineerlutit akilissavatit.

Bilitsit ullormut allamut, uppernarsaatinik pisariaqartinneqartunik tunniussisinnaalerfinnut nuutsissinnaavat.

Kalaallit Nunaannut angalanissamut uppernarsaatissat pisariaqartut.


Danmarkimi misissueriaatsit

Aallannginnermi misissortinneq annerpaamik ullunik tallimanik (nal. ak. 120-nik) pisoqaassuseqassaaq.

MALUGALUGU: Maannarpiaq misissortinnissamut piffissamik pissarsinissaq ajornakusoorsinnaavoq.

Assersuut: Ataasinngornermi misissortissimaguit, kingusinnerpaamik tallimanngornermi aallassaatit.

Kalaallit Nunaannut angalassaguit Rigshospitalimi gronland-corona.rigshospitalet@regionh.dk aqqutigalugu misissortinnissamut innersuussummik inniminniisinnaavutit.

Pisuni marlunni napparsimmavissuit tupiini, nuna tamakkerlugu nassaassaasuni misissortissinnaavutit. Testcenter Danmark-ip tupiini misissortinnissat innersuussutigineqanngilaq, akineqarnissamut piffissaq sivisusinnaammat.

Misissortiffissatut akuerisaasut

Pisortat misissuisarfiisa saniatigut misissuisarfiit uku Kalaallit Nunaanni angalasussanut PCR-inik taasanik misissuisarnissamut akuersissuteqartoqarnissaanik qinnuteqaateqarput. Malugalugu, sumiiffinnut taakkununnga nammineerluni akiliisoqartussaammat:

www.airportdoctor.dk – Københavnip imittarfiani Terminal 2-mi nassaarineqarsinnaavoq

Aleris-Hamlet (https://www.aleris-hamlet.dk/helbredsundersogelser/helbredsundersogelser2/coronatest/) Aleris-Hamlet akiliisitsisarpoq aammalu taamaallaat ulluinnarni ammasarluni.

Falck, Københavnip imittarfiani, https://www.cph.dk/praktisk/falck-corona-testcenter

Amplexa Covid-19 Testcenter Odense:
Sverigesgade 11, 5000 Odense C
https://amplexa.dk/odense/
Mail: corona@amplexa.com; Tlf. 66116628

Blæksprutten, Nørresundby/Aalborg
Amalienborgvej 57, 9400 Nørresundby
https://amplexa.dk/blaeksprutten/
Mail: mail@blaeksprutten.dk; Tlf. 29221249

Get-Tested, Horsens:
Vejlevej 10, 8700 Horsens
https://www.get-tested.dk/
Mail: info@get-tested.dk; Tlf. 20 84 01 11

PrivatTest Aabenraa:
Gasværksvej 20, 6200 Aabenraa
https://privattest.dk/
Mail: aabenraa@privattest.dk; Tlf. 51337875

PrivatTest Forum, København:
Julius Thomsens Pl. 1, 1925 Frederiksberg
https://privattest.dk/
Mail: cph@privattest.dk; Tlf. 60388568

PrivatTest Nordhavn:
Hamborg Plads 4-8, 2150 Nordhavn
https://privattest.dk/
Mail: nordhavn@privattest.dk, Tlf. 60388568

Danmarkimi pisortat sullissivii aqqutigalugit misissortinnissamut inniminniineq:

Misissortinnissaq email-adresse gronland-corona.rigshospitalet@regionh.dk aqqutigalugu inniminnerneqassaaq.

Rigshospitalimut inniminniinermut mail-imi uku allassimassapput:

o Immersugassamik SUMUT-mik immersuisimaninnut mail uppernarsaat ilannguguk

o Ateq

o CPR

o Oqarasuaatip normua Danmarkimi atorsinnaasoq

o Mailadresse atorneqartoq

o Ulloq Kalaallit Nunaannut allarfissaq

o Illit nammineerlutit www.coronaprover.dk aqqutigalugu misissortinnissamut inniminniiniarnersutit (NemId pisariaqarpoq), imaluunniit

o Rigshospitalip piffissamik misissortiffissamillu inniminniissutissappatit, ulloq misissortiffissaq misissuiffissarlu kissaatigisat allassavat.

Inniminniisoqareerpat, Rigshospitalip mail misissortinnissamut piffissamut misissortiffissamullu paasissutissanik imalik mailadresse-mut paasissutissiissutigisannut nassiutissavaa.

Misissortinnerit inerneri piffissallu akissuteqarnissamut atorneqartut

Misissortinnerpit inernera www.sundhed.dk aqqutigalugu takusinnaavat – piffissanut akissuteqarnissamut atorneqartunut misissortinnerit Rigshospitali aqqutigalugu aqqutiginaguluunniit inniminnerneqarneri, kiisalu Danmarkimi sumi misissortissimaneq apeqqutaassapput.

NEM-ID-mik peqanngikkuit imaluunniit misissortinnerpit inernera www.sundhed.dk aqqutigalugu takusinnaanngikkukku Air Greenland allattukkanik nassinneqassaaq, tassanilu nassatanik tunniussiartorninni misissortinnerpit inernera takuneqarsinnaassaaq.

Akuersissut

Immersugassamik SUMUT-mik Rigshospitalimut nassiussininni Rigshospitalip misissortinnerpit inernerinik Air Greenlandimut nassiussisinnaanera akuerissavat. Atit, misissortinnerup inernera misissortinnermullu ilisarnaat Air Greenlandimut ilisimatitsissutigineqassapput. Allattuiffik isumannaatsumik nassiunneqartarpoq, aammalu Air Greenlandimit atorneqareernermini peerneqartarpoq.

Rigshospitali avaqqullugu misissortippit?

Inuit Rigshospitali avaqqullugu, soorlu nammineq nakorsarisaq, www.coronaprover.dk imaluunniit misissuisarfiit namminersortut aqqutigalugit misissortinnissamik inniminniisimasut, namminneerlutik tunillatsissimannginnermut uppernarsaatinik pissarsiniarnissaq, kiisalu akissutip aallannginnermi tiguneqarnissaa akisussaaffigissavaat. Rigshospitali avaqqullugu misissortinnermi kukkusoqarsimappat paatsoortoqarsimappalluunniit Air Greenland aamma Rigshospitali IKIUUSSINNAANNGILLAT.

Misissortinnerup inerneri paasissutissanik ukuninnga imaqassapput:

• "COVID-19-imut misissortippoq". Malugalugu. Timip akiuussutissaqalersimaneranut misissuinerussanngilaq.

• Ateq

• Ulloq inunngorfik

• Ulloq misissortiffik

• Misissortinnerup inernera

Malugiuk
Aallannginnermi tunillatsissimannginnermut uppernarsaammik takutitsisoqarsinnaanngippat, aningaasartuutaanerusussat tamarmik nammineerluni akisussaaffigineqassapput.

Misissortinninni tunillatsissimanerit paasineqarpat

Erngerlutit toqqaannartumik mattutissaatit.

Timmisartumut ikissanngilatit.

Aatsaat Covid-19-imik nappaateqanngitsutit uppernarsarneqarsinnaalerpat Kalaallit Nunaannut aallarsinnaavutit.

Nammineerlutit saniatigut aningaasartuutissat akilissavatit.

Bilitsit ullormut allamut, covid-19-imik nappaateqarnak uppernarsaammik tunniussisinnaalerfinnut nuutsissinnaavat.


Danmarkimi COVID-19-imut misissuiffigineqarnermut akissut qaqugukkut tiguneqartarpa

Covid-19-imut misissortinneq Rigshospitalet aqqutigalugu aqqutiginaguluunniit inniminnerneqarsimanersoq, kiisalu sumi misissuisoqarsimanersoq piffissamut akissuteqarfiusumut apeqqutaasarput. Immikkoortoq “Danmarkimi misissueriaatsit” sukumiisumik paasisaqarfigisinnaavat

Malugiuk
Aallarnissaq sioqqullugu misissugassap sivisunerpaamik ullunik tallimanik nutaanngissuseqarnissaanut, misissorneqarnerup kingorna kingusinnerpaamik ullut tallimat qaangiunnerini aallarsinnaanissat peqqutaavoq.

Assersuut: Ataasinngornermi misissugassamik tigusiffigineqarsimaguit kingusinnerpaamik tallimanngornermi aallarsinnaavutit.


Nunanut allanut angalanerit misissortittarnerillu 

Kalaallit Nunaannut aamma Kalaallit Nunaanniit angalanissat tamarmik Kalaallit Nunaanni oqartussaasunit innersuussutigineqanngilaq.

Eqqumaffigeqqussavarput, Danmarkimut tikinnermut aamma Kalaallit Nunaannut tikinnermut maleruagassat assigiinngimmata. Kalaallit Nunaanni tikinnermi misissortissimanermut uppernarsaatinut piumasaqaatit uku atuutsinneqarput:

- Misissortinneq nunami avannarlermi (Danmarkimi, Sverigemi, Norgemi, Finlandimi, Savalimmiuni aamma Islandimi) pisortat misissuisarfianni pisimassaaq.

- Misissortinneq tassaassaaq PCR-RNA, RT-PCR imaluunniit SARS-CoV-2-test

- Misissortinneq ullunit tallimanit (annerpaamik nalunaaquttap akunnerinik 120-nik) pisoqaanerussanngilaq. Nunamut angerlarsimaannarnissamik piumasaqaateqarfiusumut tikikkaanni, aamma Danmarkimiit aallannginnermi misissortinnerup sivisunerpaamik ullunik pingasunik pisoqaassuseqarnissaa piumasaqaataavoq. Takuuk coronasmitte.dk.

Nunanit Naalagaaffeqatigiit avataannit angalasut namminneerlutik nunami avannarlermi misissortissapput, aammalu PCR-imut misissortinnermi tunillatsissimannginnermut uppernarsaammik, annerpaamik ullunik tallimanik pisoqaassusilimmik pissarsiarissallugu. Misissortinnerit inerneri kalaallisut, danskisut tuluttulluunniit allassimassapput.

Misissortinnerup inernissaannut piuffissamut piumasaqaatit malillugit angalasut namminneerlutik nunaminni misissortinnissartik angumerisinnaassavaat, aammalu ullut tallimat iluanni Danmarkimiit Kalaallit Nunaannut ingerlaqqinnissartik angumerisinnaassallugu. Tamanna pisinnaanngippat Danmarkimi misissortinnissamut piffissaliussaq angalanissamut pilersaarummut ilanngunneqassaaq.

Nunanit allanit angalasut Danmarkimi tupit pisortat misissuisarfii (nunami namminermi misissuisarfiit, taakkununngalu Katrupip mittarfiani misissuisarfik toqqillu napparsimmavissuit misissuisarfii ilanngullugit) atorsinnaanngilaat, taakkunani angalasunut misissuinerit inernerinut uppernarsaatinik tunisisoqarneq ajormat. Air Greenlandimut pisattanik tunniussinermi uppernarsaateqarnissaq piumasarineqarpoq.

Misissuisarfiit akuerisat

Pisortat misissuisarfiisa saniatigut misissuisarfiit uku Kalaallit Nunaanni angalasussanut PCR-inik taasanik misissuisarnissamut akuersissuteqartoqarnissaanik qinnuteqaateqarput. Malugalugu, sumiiffinnut taakkununnga nammineerluni akiliisoqartussaammat:

www.airportdoctor.dk – Københavnip imittarfiani Terminal 2-mi nassaarineqarsinnaavoq

Aleris-Hamlet (https://www.aleris-hamlet.dk/helbredsundersogelser/helbredsundersogelser2/coronatest/) Aleris-Hamlet akiliisitsisarpoq aammalu taamaallaat ulluinnarni ammasarluni.

Københavnimi, Islandimi, nunami avannarlermiittumi allami imaluunniit nammineerluni nunagisami misissortittoqarsinnaanngippat, ajornartuuinnermi nunami allami misissortinnissamut immikkut ittumik akuerineqarnissamut qinnuteqaammik nassiussisoqarsinnaavoq.

Qinnuteqaat corona@nanoq.gl aqqutigalugu nassiunneqassaaq aammalu ukuninnga ilaqassalluni:

- Angalanissamut pilersaarut

- Misissugassaq suna (PCR-RNA, RT-PCR imaluunniit SARS-CoV-2. Timip akiuussinnaaneranut (antibody) misissuinerit tigusinnaanngilagut) tiguneqarniarnersoq pillugu paasissutissat.

- Sooq misissuineq nunami avannarlermi pisinnaannginneranut tunngavilersuut – peqqutaasoq immikkorluinnaq ittuussaaq.

Akuersissummik pissarsissaguit Covid-19-imut misissortinnerup inernerata tuluttut allassimanissaa isumagissavat.

Aallannginnermi tunillatsissimannginnermut uppernarsaammik takutitsisoqarsinnaanngippat, nammineerluni aningaasartuutaanerusussat akilernissaat akisussaaffigineqarpoq.

*Nunat avannarliit: Danmark, Sverige, Norge, Finland, Savalimmiut aamma Island.


Immersugassaq SUMUT

Immersugassaq uani nassaarineqarsinnaavoq, aammalu mail immersuisimanermut uppernarsaatitut nassiunneqartoq pisattanik tunniussinermi elektroniskinngorlugu imaluunniit naqitanngorlugu takutinneqassaaq.

Immersugassaq SUMUT uppernarsaataavoq, illit nammineerlutit immersorsimasat, taannalu ilaatigut uku pillugit paasissutissanik imaqassaaq:

• angalanissamut pilersaarutit

• ornitassat

• kikkut tikeraarniarneritit imaluunniit najugaqatiginiarneritit

Immersugaq kingusinnerusukkut tunillatsissimasunik ujaasisoqarnissaa pisariaqalissappat sakkussatut atorneqassaaq.

Immersukkap Sumut-p immersorneqarsimaneranut uppernarsaatitut mail Kalaallit Nunaannut angalanissamut, Rigshospitali aqqutigalugu COVID-19-imut misissortinnissamut inniminniinermut aammalu mittarfimmi pisattanik tunniussinermi uppernarsaatitut atorneqassaaq.

Apeqqutilliinerit / ikiortissarsiornerit

Immersugassap Sumut-p immersornissaanut atatillugu apeqqutissaqarpit?

80 11 00 attaveqarfigiuk

Immersugassaq
SUMUT immersorniarlugu pc-mik, internetimik, printerimik il.il. atorfissaqartitsiguit:

Kalaallit Illuat qaninneq saaffigisinnaavat – www.groenlandskehuse.dk aqqutigalugu attaveqarfissanut paasissutissat nassaarisinnaavatit, imaluunniit

Kalaallit Nunaata Aallartitaqarfia tlf. 3283 3800-imut saaffigisinnaavat, minnerpaamik ullut marluk marluk isioqqullugit ornigunnissannut piffissamik isumaqatigiissuteqarfiginiarlugu.

Danmarkimi pisortat suliffeqarfii angerlarsimaffimmiit sulinissamut peqquneqarsimasinnaapput, taamaattumillu orniguttunut matoqqasinnaallutik, taamaattumillu siumoortumik piffissamik orniguffissamik isumaqatigiissuteqarnissaq pingaaruteqarpoq.

Kalaallit Nunaannut tikikkuit:

Angerlarsimaannassaatit – unioqqutitsineq unioqqutitsinerit ataasiakkaarlugit akiliisussanngortitsinermik kinguneqarsinnaavoq

Peqqissutsimik suliallit innersuussutaat tamaasa malissavatit:

Qanillinaveersaarit – inunnik allanik atuinissat killilersukkat

Errortukulagit aammalu assannut spriti atoruk

Tallinnut quersorit tangajorilluunniit

Tamaangaannaq qitserarnaveersaarit

Sumiiffiit inunnik amerlasuunik attaveqarfiusinnaasut tikinnaveersaakkit

Eqqiaalluarnissaq silaannarissaasarnissarlu eqqumaffigiuk

Napparsimanermut ersiuteqaruit angerlarsimaannarit

Kalaallit Nunaanni misissortittarnermi angerlarsimaannartarnermilu periaatsit

Angalaninni apuuffissat apeqqutaassaaq

Aallannginninni COVID-19-imik tunillatsissimannginnerit uppernarsarneqarpat aammalu immersugassaq SUMUT immersorsimagukku illoqarfinnut ukununnga angalassaatit, tamatumalu kingorna angerlarsimaannartussanngussallutit.

Illoqarfiit qulit nunaqarfiillu marluk tassaapput:

Kommuneqarfik Sermersooq
- Nuuk
- Paamiut

Qeqqata Kommunia
- Sisimiut
- Maniitsoq
- Kangerlussuaq

Kommune Kujalleq
- Qaqortoq
- Narsaq
- Narsarsuaq

Kommune Qeqertalik
- Aasiaat
- Qasigiannguit
- Qeqertarsuaq

Avannaata Kommunia
- Ilulissat

Apuuffissat matuma siuliani allattukkanut ilaanngippat:

Illoqarfimmi peqqissaavilimmi, apuuffissannut qaninnerpaamiittumi uninngassaatit.

Kalaallit Nunaanni apuuffissanni angerlarsimaffeqartutut nalunaarsorsimaguit, misissortinninni akineqarnissavit tungaanut unnuisarfimmut inissinneqarnissaq pillugu oqartussaasut attaveqarfigisinnaavatit. Tamanna aamma inunnut, Kalaallit Nunaannut immikkut ittumik attuumassuteqartunut, soorlu Danmarkimi ilinniartunut atuuppoq.

Apuuffissani najugaqartutut nalunaarsorsimanngikkuit, uninnganermi bilitsinik allannguinermut, nerisaqarnermut ineqarnermullu aningaasartuutit nammineerlutit akilissavatit.

1. Najukkami peqqissaavimmut attaveqarit aammalu COVID-19-imut misissortinnissamut, siusinnerpaamik tikinnermiit ullut tallimat qaangiunnerini pisussamut inniminniigit.

2. Tunillatsissimannginnermut uppernarsaammik pissarsiguit angerlarsimaannaqqusaanerit unissaaq aammalu apuuffissannut ingerlaqqillutit angalasinnaalissaatit.

3. Misissortinninni tunillatsissimasutit paasineqarpat toqqaannartumik ilinnut mattutissaatit. Qanoq iliuuseqarfigineqarnissat pillugu paasiniarlugu Peqqissaavimmiit Nakorsaaneqarfik attaveqarfigineqassaaq.



Kalaallit Nunaanni Peqqissaavinni attaveqarfissat allattorsimaffiat
COVID-19-imut misissortinniarlutit Peqqissaaviit matuma kinguliani allassimasut attavigisinnaavatit.
Sumi Tlf. nal. 08.00-16.00 Nal. 16.00-ip kingorna
Aasiaat 89 22 11 89 22 11
Ilulissat 94 32 11 94 32 11
Ittoqqortoormiit 99 10 11 59 93 21
Kangaatsiaq 89 43 00 89 22 11
Kangerlussuaq 86 88 12 86 42 11
Maniitsoq 81 32 11 81 32 11
Nanortalik 61 32 11 61 32 11
Narsaq 66 12 11 66 12 11
Narsarsuaq 66 12 11 66 12 11
Nuuk 34 44 00 34 44 00
Paamiut 68 12 11 68 12 11
Qaqortoq 64 22 11 64 22 11
Qasigiannguit 91 12 11 89 22 11
Qeqertarsuaq 92 12 11 89 22 11
Qaanaaq 97 10 11 94 32 11
Sisimiut 86 42 11 86 42 11
Tasiilaq 98 12 11 98 12 11
Upernavik 96 12 11 96 12 11
Uummannaq 95 12 11 95 12 11
Innuttaasunut angerlarsimaannarfissaminnik pisariaqartitsisunut attaveqarfissat pillugit paasissutissat
Innuttaasunut angerlarsimaannarfissaminnik pisariaqartitsisunut aamma angalasunut, illoqarfiit peqqissaavillit avataannut angalasunut, kiisalu Qaanaamut Tunumullu angalasunut uku atuupput.

Nunaqarfinnut angalasunut

Angalanerminni illoqarfimmi peqqissaavilimmi kingullermi mattusimassapput. Ullut tallimassaanni misissortinnerup kingorna tunillatsissimannginnermut uppernarsaammik tigusisoqarnissaata tungaanut sumiiffinni matuma kinguliani taaneqartuni angerlarsimaannartoqassaaq. Tamatuma kingorna apuuffissamut ingerlaqqittoqarsinnaavoq.

Qaanaamut angalasut
Ilulissani mattusimassapput.

Tunumut angalasut
Inuit Kalaallit Nunaata kitaa aqqusaarlugu angalasut Nuummi imaluunniit Kangerlussuarmi mattusimassapput.
Inuit Island aqqusaarlugu angalasut Tunumut ingerlaqqinnginnerminni Nuummi mattusimassapput.

Avannaata Kommunianut angalasut
Innuttaasut angerlarsimaannarfissaminnik pisariaqartitsisut attaveqarfissaat: Pigaartut oqarasuaataat 52 46 01

Kommune Qeqertalik
Innuttaasut angerlarsimaannarfissaminnik pisariaqartitsisut attaveqarfissaat: Arne Sandgreen Reimer
asre@qeqertalik.gl
Mobil: 56 04 81

Qeqqata Kommunianut angalasut
Innuttaasut angerlarsimaannarfissaminnik pisariaqartitsisut attaveqarfissaat: HR-imi pisortaq Johan Davidsen imaluunniit Qeqqata kommunia 70 21 00-mut HR-ip immikkoortortaqarfianut nooqqullugu attaveqarfigineqassapput.
joda@qeqqata.gl
Mobil: 48 43 22

Kommuneqarfik Sermersuumut angalasut
Innuttaasut angerlarsimaannarfissaminnik pisariaqartitsisut attaveqarfissaat: Ajornartoornermi sullissiviup allattoqarfia
sitcen@sermersooq.gl
Mobil: 54 54 56 aamma 54 54 57

Kommune Kujalleq
Innuttaasut angerlarsimaannarfissaminnik pisariaqartitsisut attaveqarfissaat: Max Heilmann Larsen
mahl@kujalleq.gl
Telefon toqq.: +299 64 53 12
Mobil: +299 54 95 91
Qanermut assiaqutinik atuineq

Pisuni qanillinaveersaarnissamut ajornakusoortitsiviusuni tuniluuttoqarnissaanik pinaveersaartitsinermi qanermut assiaqutit tapertaasinnaapput. Qanermut assiaqutit tamanut tunngasunik innersuussuteqarnerit malinneqarnissaannut taarsiunneqarsinnaanngillat. Taamaattumik qanermut assiaqummik atuigaluaruilluunniit innersuussutinik malinninnissat aammalu qanermut assiaqummik eqqortumik atuinissat pingaaruteqarpoq.

Qanoq ilinerani qanermut assiaqummik imaluunniit kiinnamut assiaqummik atuisoqassava?

Kalaallit Nunaanni pisuni ukunani qanermut assiaqummik atuinissaq piumasaqaatigineqarpoq:

1. Nunanut allanut aamma nunami namminermi timmisartuussinerni (MALUGALUGU. Mattusimaffissamut/apuuffissamut* atuunnissap tungaanut qanermut assiaqutit atorneqaannarnissaat innersuussutigineqarpoq).

Timmisartumiinnermi, mittarfimmiinnermi imaluunniit terminaleqarfimmiinnermi tamanna 12-inik ukioqalereersimasunut tamanut atuuppoq. Aamma piffissami angerlarsimaannarfissami.

Terminaleqarfimmi assigisaaniluunniit atorfillit, ilaasunut attaveqartartut, sulisup angalasullu akornanni plastikkimik assiaqusiisoqarsimanngippat qanermut assiaqummik imaluunniit kiimmanik assiaqummik atuissapput. Aammattaaq Kalaallit Nunaannut aamma Kalaallit Nunaanni angalasunut piumasaqaatit pillugit Namminersorlutik Oqartussat nalunaarutaanni nr. 37-mi, 29. september 2020-meersumi § 6 aamma § 7 innersuunneqarput.

2. Coronavirusimik tunillatsissimaguit tunillatsinnissamulluunniit ulorianartorsioruit, aammalu assersuutigalugu misissortikkiartorlutit anisariaqaruit.

Tassalu mittarfeqarfimmut iserninniit apuuffissannut tikinnissavit tungaanut qanermut assiaqutaqassaatit. Tamanna aamma angallammut ilaasunik assartuummut ilaassaguit, imaluunniit busserlutit taxarlutilluunniit ingerlaqqissaguit atuutissaaq. Assersuutigalugu Kastrupimiit Qaqortumut angalaguit, najukkamut mattusimaffissarnut apuunnissavit tungaanut qanermut assiaqutaq atuinnassavat.

Qanermut assiaqutit aamma eqqiluisaarnissamut innersuussutit tamakkiisut

Coronavirusimut tunillatsinnissamut pinaveersaartitsissutaasussat pitsaanerpaat tassaapput qanillinaveersaarneq, aammalu inuit tunillatsissimasut, inuillu tunillatsinnissamik ulorianartorsiortut, soorlu qanigisat angerlarsimaannarnissaat.

Kisiannili tamatigut tunillatsissimanerluni ilisimaneqarneq ajorpoq, nalinginnaasumik ersiuteqalernissamut ullormit ataatsimiit ullut 14-it tikillugit ingerlasinnaasarmata, aammalu inuit amerlasuut ersiuteqanngiivittarmata. Taamaattumik inuit akornanni angalanermi tunillatsissimaneq tamatigut ilisimaneqarsinnaasanngilaq.

Ataatsimut isigalugu inunnut allanut 1-2 meterimik ungasinnissaq innersuussutigineqarpoq. Qanillinaveersaarneq ajornarpat, aammalu inuppassuit sumiiffimmi ataatsimi katersuussimappata, tuniluuttoqarnissaanut ulorianartorsiorneq annertunerussaaq.

Pisuni qanillinaveersaarnissap ajornakusoorfiini qanermut assiaqut tuniluunnissamik pinaveersaartitsinissamut tapertaasinnaavoq. Qanermut assiaqut serparneeqqatigut, ilinnit allanut aamma allaniit ilinnut tussinnaasutigut tuniluuttoqarnissaanik pinaveersaartitseqataasinnaavoq. Kukkusumik atuinermi tuniluuttoqarnissaata ulorianartorsiorfigineqarnera annertunerussaaq.

Innersuussutit tamanut tunngasut tamatigut malittarnissaat eqqaamallugu:

• Napparsimaguit angerlarsimaannarit

• Assatit errortorluartakkit

• Inuit akornanniikkuit qanillinaveersaarit – aammattaaq qanermut assiaqutaqaraluaruilluunniit.

Tassami qanermut assiaquttap innersuussutit taarsersinnaanngilai, tapertaannaasussaallunili.

Qanermut assiaqutit qanoq ittut pissarsiarineqarsinnaappat?

Qanermut assiaqutit CE-mik ilisarnaasikkat

Inuit tamat ornittagaani qanermut assiaquttamik atorfissaqartitsisoqarpat, qanermut assiaqutit CE-mik ilisarnaasikkat atorneqarnissaat innersuussutigineqarpoq.

CE-mik ilisarnaasiisarneq tunisassiortup pitsaassutsimut uppernarsaasinnaaneranik isumaqarpoq.

Qanermut assiaqutaq type 1 CE-mik nalunaaqutsigaq naammappoq. Allanut tunillaanissannut – aamma allat ilinnut tunillaanissaannut illersuutaasinnaavoq.

Inunnut napparsimarujussualernissamut ulorianartorsiortunut ilaaguit, imaluunniit COVID-19-imik tunillatsissimasutit uppernarsarneqarpat tamatigut qanermut assiaquttamik CE-mik nalunaaqutsikkamik atuisassaatit.

Atueqqittarneq igitsisarnerlu:

Qanermut assiaqutit ataasiaannarlutik atugassatut suliffeqarfissuarnit sanaajusut tunngaviusumik atorneqareernerminni iginneqartartussaapput. Qanermut assiaqutit masalerpata, iperterpata attorneqarpataluunniit taarserneqassapput, ussiinnerulertussaagamik illersuutaasinnaanertillu annaasinnaammassuk.

Qanermut assiaqutit ataasiaakkaarluni atoqqinneqarnissaat siunertaralugu errorneqannginnissaat inassutigineqarpoq. Qanermut assiaqutit errorneqarnerat illersuisinnaanerinut anersaartorfiusinnaanerinullu sunniuteqartarpoq.

Qanermut assiaqutit inuit tamat najugaanni atorneqartut igitassatut nalinginnaasutut iginneqassapput.

Qanermut aqqummik igitsinermi assaat errortornikkut assannulluunniit spritimik salinneqassapput.

Qanermut assiaqutit annoraamernit

Inuit ilaat qanermut assiaqutinik annoraaminernik atuiniarlutik aalajangertarput – assersuutigalugu qanermut assiaqutit, ataasiaannarluni atugassat pissarsiariniarneri ajornakusoorsinnaammat akisuallaarsinnaallutilluunniit.

Qanermut assiaqutit naammasseriikkat pisarigaluaraanni – imaluunniit nammineq mersoraluaraanni pitsaassutsimut piumasaqaatit qanermut assiaqutinut CE-mik nalunaaqutsikkanut piumasaqaatit assiginngilaat. Maannarpiaq qanermut assiaqutit annoraamernit sanaartorneqarnerini piumasaqaatinik assigiinnik suliffissuarnut piumasaqaateqartoqanngilaq, taamaattumillu tunisassiat illersuisinnaaneri assigiinngissinnaapput.

Qanermut assiaqutinik annoraaminernik atuinerup iluaqutissartaa anneq tassaassasoq ilimagineqarpoq, qanermut assiaqutillip tunillaasinnaasup atuinerani allanut tunillaanaveersaarneq.

Qanermut assiaqummik annoraaminermik atuiniarlutit aalajangeruit, qanermut assiaqutip illersuutaanera qanoq ililluni pitsaanerpaassanersoq qulakkeerniarlugu ilisimasassaqarputit. Qanermut assiaqut tasisuaartoqartussaavoq aammalu qingaq qanerlu asserlugit kiinnamut attuumasussaalluni. Annoraamineq illersuutaasinnaaniarluni akulikitsunik ikaartitigaassaaq, kisiannili aamma illit atorlugu anersaartorsinnaassaatit. Aamma 60 gradini errorneqarsinnaassaaq.

Kiinaq tamakkerlugu assiaqut

Kiinnamut assiaqut nalinginnaasumik plastikkimik kiinaq asserlugu atugassatut sanaajusarpoq, taamaalillunilu pujoralannik virusimik akulinnik illersuutaasinnaalluni. Kiinnamut assiaqutip kiinnamik ussiitsunngortitsisanngilaq, aammalu illersuisinnaaneranut sunniuteqartumik pitsaassuseq allanngorarsinnaavoq.

Kiinnamut assiaqutip illersuisinnaanera qanermut assiaqummit annikinnerugaluarluni anersaartorniapiloornannginnami iluarneruvoq, aammalu inuup atuisup kiinaa tamarmi isigineqarsinnaavoq.

Kiinnamut assiaqummik atuinermi assiaqutip kiinnammik ussissunngortitsisannginnera, aammalu kiinnamut assiaqutit qanermut assiaqutitulli annoraaminertut suliffissuarni sanaartorneqarnerini piumasaqaatit assigiinnginneri peqqutigalugit, pitsaassusii allanngorarsinnaammata illersorneqarsinnaanerup annikinnerunerata eqqumaffigineqarnissaa pingaaruteqarpoq.

Kisiannili kiinnamut assiaqut qanermut assiaqummut ataasiaannarluni atugassamut naleqqiulluni ulloq naallugu atorneqarsinnaavoq, aammalu kiinnamut assiaqutit ilaat asanneqarsinnaapput atoqqinneqarsinnaallutillu.

Kiinnamut assiaqut qanermut assiaqutitulli eqqortumik atorneqartussaavoq, tassalu atorneqarnermini attuuaneqartussaanngilaq. Tunillaasoqarsinnaanera pinngitsoortinniarlugu assaat errortornerinut spriternerinullu atatillugu peerneqartassaaq atineqartassallunilu.

Qanoq ilinerani kiinnamut assiaqut qanermut assiaqummut taarsiullugu atoqquneqarpa?

Kiinnamut assiaqut pisuni immikkut ittuni qanermut assiaqut atorneqarsinnaatinnagu, tassalu inuit qanermut assiaqutinik atuisinnaatinnagit, imaluunniit kiinnap takutinnissaa pingaaruteqartillugu qanermut assiaqutinut taartigineqarsinnaavoq.

Inuit ajoqutillit, soorlu kiinnamikkut eksemertut, sapigallit imaluunniit qanermik assiaqut kiinnamut tunngalluarsinnaatinnagu, qanermut assiaqummut taarsiullugu kiinnamut assiaqummik atuisinnaapput.

Aamma avatangiiserisat eqqarsaatigalugit kiinnamut assiaqut iluaqutaasinnaavoq, aammalu inunnik tusilartunik isigiarsuttunillu oqaloqateqarnerni, qarnup aalanerata isigineqarnissaanik pisariaqartitsiviusuni atorneqarsinnaalluni, kiinnamut assiaquteqarnermi qanoq ersittarmat aammalu qanermik assiaquteqarluni oqalunnermiit nipi akornusersimaneqannginnerusarmat.

Tamatuma saniatigut kiinnap ersinissaanik pingaartitsiviusuni, soorlu meeqqamik oqaloqateqarnermi, inummik puigortunngorsimasumik qanigisaqarnermi il.il. kiinnamik assiaqummik atuisoqarsinnaavoq.

Isarussatit issangerpata qanoq iliorsinnaavit?

Isaruaqaruit qanermut assiaqummik atuininni isarussatit issangertassapput. Isiginiarnermut iluaalliortitsisinnaavoq, aammalu isarussatit attoqattaartarukkit tunillatsinnissamut ulorianartorsiorneq annertusissaaq.

Taamaattumik isarussavit issangernissaat pinngitsoortinniarlugu marlussunnik siunnersuutissaqarpugut:

• Qanermut assiaqummik, qinngannut tutsivinneqarsinnaasumik, soorlu qanermik assiaqummik saviminertalimmik, qinngannut naqillugu ilusilersinnaasannik atuigit.

• Imeq nillinngitsoq aamma erruinermut qaqorsaat kuseriarnerit marluk atorlugit isarussavit isitai ullaakkut unnukkullu errortortakkit.

• Tamatuma kingorna erruummik mikrofiberimik allartikkit. Qaqorsaat isarussat isitaasa issangernissaannik annikillititsisarpoq.

• Qanermut assiaqut sapinngisamik isinnut qanillitillugu atiuk aammalu isarussatit qinganniit silammut ajaamilaakkit.

Meeqqat qanermut assiaqutinik atuissappat?

Meeqqat qanermut assiaqutinik atuissappata, meeqqap qanermut assiaqummik eqqortumik atuinissaq paasisimasariaqarpaa. Qanermut assiaqutip meeqqap kiinaanut qasungasumik atitinneqannginnissaa, aammalu meeqqap atillugulu peeqqattaannginnissaa pingaaruteqarpoq. Nalinginnaasumik meeraq ukiuni marlussunni meeqqat atuarfianni atuareersimassaaq.

Meeraaqqat naalungiarsuillu qanermut assiaqutaqartinnissaat inassutigineqanngilaq.

Meeraaqqat – qanermut assiaqutinik atuisinnaanngitsut – assamminnik eqqiluisaartitsinissaannut ikiorsinnaavatit, aammalu COVID-19-imut ersiuteqannginnersut nakkutigissavatit.