airplanebooksbriefcase business cogs cross election entertainment fish house law lockmedicalpeopleselfservices socialtax

Islandimiit Islandimullu angalanerit

Kalaallit Nunaannut angalanissaq ammaanneqarpoq, kisianni Islandimiit Islandimullu angalarusukkuit ilinnut piujmasaqaateqarluni.

Nutarterneqarpoq: 13. juli 2020

Ataani paasiniarsinnaavat Kalaallit Nunaanniit Islandimut imaluunniit Islandimiit Kalaallit Nunaannut angalanissat sioqqullugu suut eqqumaffigissanerlugit, misissugassamik tigusiffigineqartarneq, Sumut-immersuiffissaq, Pre-registration for Visiting Iceland, aamma Kalaallit Nunaannut tikinninni qanoq iliussanerlutit.

Kalaallit Nunaat Islandillu akornanni:
Nuuk Keflavikkillu akornanni angalassaguit, allamullu ingerlaqqinnak taava piumasaqaataanngilaq angerlarsimaffimmi mattusimanissaq, COVID-19-mullu misissortinnissaq piumasaqaataanani, tassa imaappoq aallannginnermi ullut 14-it Kalaallit Nunaanni imaluunnit Islandimiiginnarsimaqqaarnissaq pineqarpoq.

Piumasaqaatit malittarisassallu malinneqarpata angalaneq Kalaallit Nunaat Islandillu akornanni killeqanngitsumik angalasoqarsinnaavoq, assersuutigalugu feeriaannarnermi imaluunnit sivikittumik angalaniaraanni atuulluni.
Angalasut Immersugassaq Sumut-mik immersuisimasut kisimik timmisartumut Islandimiit Kalaallit Nunaannut mittussammut ilaaqqusaapput, taamaammat immersoreersimanissaa uppernarsaammillu pinissaq eqqaamassavat.

Kalaallit Nunaannut aallalernermi uppernarsaatit pisariaqartinneqartut
- Immersugassaq Sumut-mik immersuisimanermut uppernarsaat takutinneqassaaq
- Kalaallit Nunaanniit imaluunniit Savalimmiuninngaanniit Islandimut angalasimanermut imaluunniit minnerpaamik ullut 14-it Islandimiissimanermut billetsimik imal. Upperarsaataasinnaasumik takutitsisoqassaaq.

Kalaallit Nunaanniit aallalernermi uppernarsaatit pisariaqartinneqartut
- Pre-registration for visiting Iceland https://visit.covid.is/ -imi immersorneqareersimassaaq.
Islandip oqartussaqarfiani malittarisassat paasissutissallu uani malinnaaffigikkit.

Islandimiit Islandimullu tikinnermi angerlarsimaannaqqusaaneq
Kalaallit Nunaannut tikinnermi: Angalasut tamarmik taamaallaat Islandimi Savalimmiunilu angalanikut Kalaallit Nunaannut tikinnermi angerlarsimaannartariaqanngillat.
Islandimut tikinnermi: Angalasut tamarmik Kalaallit Nunaanneersut Islandimut tikinnermi angerlarsimaannartariaqanngillat.
Danmarkimiit Island aqqutigalugu Kalaallit Nunaanukartut (Aqqusaarneq)
Kalaallit Nunaannut Danmarkimiit angalaniaruit Island aqqutigalugu piumasaqaataanngilaq Danmarkimiit Keflavikkimut tikikkuit Covid-19-mut misissortissimanissaq. Islandimulli aqqusaarlutit Kalaallit Nunaannut ingerlaqqittussaaguit suli kalaallit oqartussaqarfianiit piumasaqaataavoq Covid-19-mut misissortissimanissaq.
Misissortissimanermullu allagartaq Air Greenlandip timmisartuanut ikiartulernermi takutinneqassaaq Keflavikkimit Nuummut ingerlaalernermi. Maluginiaruk Covid-19-mut misissortissimanermut takussutissaq ulluni tallimanik nutaanngitsigisimassanngimmat Kalaallit Nunaannut Island-imiit angalaleruit. Malugiullu juulip aallaqqaataannit Islandimi Covid-19-mut misissortinneq akiliuteqarluni pineqarsinnaassammat.

Pingaaruteqarpoq: Islandimut Danmarkimiit angalannginninni una immersugassaq immersoreersimassagakku.

Islandimut aqqusaarnerni unnuiniaruit Islandimi oqartussat siunnersuutigivaat unnuiffigisami isersimaannarnissaq Kalaallit Nunaannut ingerlaqqinnissavit tungaanut.
Islandip oqartussaqarfiani malittarisassat paasissutissallu uani malinnaaffigikkit.

Island aqqusaarlugu Kalaallit Nunaannut aallalernermi uppernarsaatit pisariaqartinneqartut

- Immersugassaq Sumut-mik immersuisimanermut uppernarsaat takutinneqassaaq
- Covid-19-mut misissortissimanermut akissut negativiuneranut uppernarsaat annerpaamik ullut tallimat nutaanngitsigisoq.
Danmarkimiit Island aqqusaarlugu Kalaallit Nunaanniit aallalernermi uppernarsaatit pisariaqartinneqartut
- Pre-registration for visiting Iceland https://visit.covid.is/ -imi immersorneqareersimassaaq.

Nunanit allaniit Island aqqutigalugu Kalaallit Nunaannut angalasunut

Nunanit allaniit Kalaallit Nunaannut Island aqqutigalugu angalaniaruit kalaallit oqartussaqarfianiit piumasaqaataavoq COVID-19-imut misissortissimanissaq.

Misissortissimanermullu allagartaq Air Greenlandip timmisartuanut ikiartulernermi takutinneqassaaq Keflavikkimit Nuummut ingerlaalernermi. Maluginiaruk COVID-19-mut misissortissimanermut takussutissaq ulluni tallimanik nutaanngitsigisimassanngimmat Kalaallit Nunaannut Island-imiit angalaleruit. Malugiullu juulip aallaqqaataannit Islandimi COVID-19-mut misissortinneq akiliuteqarluni pineqarsinnaassammat.

Pingaaruteqarpoq: Islandimut Danmarkimiit angalannginninni una immersugassaq immersoreersimassagakku.

Islandimut aqqusaarnerni unnuiniaruit Islandimi oqartussat siunnersuutigivaat unnuiffigisami isersimaannarnissaq Kalaallit Nunaannut ingerlaqqinnissavit tungaanut. Islandip oqartussaqarfiani malittarisassat paasissutissallu uani malinnaaffigikkit.

Island aqqusaarlugu Kalaallit Nunaannut aallalernermi uppernarsaatit pisariaqartinneqartut

- Immersugassaq Sumut-mik immersuisimanermut uppernarsaat takutinneqassaaq
- COVID-19-mut misissortissimanermut akissut negativiuneranut uppernarsaat annerpaamik ullut tallimat nutaanngitsigisoq.

Kalaallit Nunaanniit nunagisamut uterluni aallalernermi uppernarsaatit pisariaqartinneqartut

- Pre-registration for visiting Iceland https://visit.covid.is/ -imi immersorneqareersimassaaq.