airplanebooksbriefcase business cogs cross election entertainment fish house law lockmedicalpeopleselfservices socialtax

Kikkut nappaammut COVID-19-imut misissortittarpat?

Pissutsit allanngorneri naapertorlugit kikkut nappaammut COVID-19-imut misissortinnissamut innersuussutigineqartartut arlaleriaq allanngortarsimavoq.

Nutarterneqarpoq: 20. maj 2020

Malittarisassat
4. maj-miit ukua atuupput:
  • Danmarkimiit Kalaallit Nunaannut angalasussat aallannginnerminni COVID-19-imik nappaateqarnermut misissortinneqassapput, tikiffissaminnullu apuukkunik ulluni 14-ini angerlarsimaannartussaallutik.
  • Illoqarfinnut angalasut tikinnerminniit ullut tallimassaani najukkami peqqissaaveqarfimmut imaluunniit napparsimmavimmut coronavirusimik nappaateqarnerlutik misissortikkiartussapput.
  • Malugeqquneqarpoq: Misissugassamik tigusiffigiteqqinnissamut nammineq peqqinnissaqarfimmut attaveqassaatit.
    Angalasup tikiffissaa nunaqarfiuppat angerlarsimaannaqqusaanermut maleruagassat kisimi atuutissapput. Nunaqarfinni najugallit nunaqarfimminnut angerlannginnerminni ulluni tallimani illoqarfimmi qaninnermi angerlarsimaannarfissaqarunik, tassani misissortittoqarsinnaavoq. Kangerlussuaq minillugu nunaqarfinni misissortittoqarsinnaanngilaq.
  • Nunatsinnut angalasut kiisalu innuttaasut ersiuteqartut, aamma nunatsinnut angalasunik attaveqarsimasut imaluunniit attaveqartut misissortissinnaapput.
  • Napparsimasut aalajangersimasut, tunillatsinnermi ulorianartorsiunngitsut, kisianni COVID-19-mik tunillatsissimanermut ersiuteqartut killilimmik misissortinnissamut neqeroorfigineqassapput. Taamaaliortoqassaaq Kalaallit Nunaanni Covid-19 nakkutiginiarlugu.

Nappaammik COVID-19-imik napparsimanermi ersiutit nalinginnaasut
Napparsimanerup aallartinnerani sakkukinneranilu ersiutit influenzamik nualluummik ersiutit allatigullu anersaartuutitigut silarliunerusutigut tunillatsinnerit, soorlu:
  • toqqusaarlunnerit
  • napparsimasutut misiginerit
  • ujallerinerit
  • panertumik quersornerit
  • kiaqarnerillu nalinginnaasut assigai

Ilaat niaqorlussinnaapput, merianngusinnaapput, timmissinnaapput allatullu ersiuteqarsinnaallutik.


Misissuinermi nappaammik nassaartoqanngippat - ileqqoreqqusat
Tunillatsissimasinnaanermiit ulluni 14-ini angerlarsimaannaqqusaanermi / angerlarsimalluni mattusimanermi napparsimalersinnaanerit suli aarlerinassuseqarmat maleruagassat malinnissaat pingaaruteqarpoq - aamma misissuinermi nappaammik COVID-19-imik nassaartoqanngikkaluarpat.

Misissuinermi nappaammik nassaartoqannginnera isumaqanngilaq kingusinnerusukkut napparsimalersinnaanngitsutit.


Coronavirus (COVID-19) pillugu apeqqutissaqaruit, sianerlutit allallutilluunniit paasiniaasinnaavutit:

Hotline: 80 11 00
E-mail: corona@nanoq.gl

Saaffiginnissutit ullut tamaasa nal. 08:00-16:00 akornanni akineqartassapput.
Meeqqanut inuusuttunullu
Ernumavit inersimasumillu oqaloqateqarnissannik pisariaqartitsillutit? Tusaannga-miit ikiorneqarsinnaavutit.

SMS: 1899
Hotline: 80 11 80

Ullut tamaasa nal. 08.00-imiit nal. 22.00-ip tungaanut attavigisinnaavatsigut.

Peqqinnissaqarfinnut oqarasuaatikkut attavissavat

Allattorsimaffik takujuk