airplanebooksbriefcase business cogs cross election entertainment fish house law lockmedicalpeopleselfservices socialtax

Angerlarsimaannaqqusaaneq

Angerlarsimaannaqqusaanerup siunertarivaa angerlarsimaffiup avataani tuniluunnerup annikinnerpaaffissaaniitinnissaa.

Nutarterneqarpoq: 2. juni 2020

Angerlarsimaannaqqusaaneq
  • Angerlarsimaannaqqusaasimatillutit (COVID-19-imillu nappaateqarnerit uppernarsarneqarsimatinnagu) sapinngisamik angerlarsimaffinniiginnartariaqarputit.
  • Anisinnaavutit kisianni sapinngisamik inuit akornanniinnaveersaassaatit.
  • Angerlarsimaannaqqusaanerup sivisussusaa:
    • Tikissimaninniit misissorteqqereernivit nappaateqannginnerit takutinnissaata tungaanut,
    • ullut 14-nit inummik tunillatsissimasumik ilagisaqarsimaninniit imaluunniit
    • inummik angerlarsimalluni mattusimatinneqartoq najugaqatigigukku.

Avaataaniit Kalaallit Nunaannut angalasut
Kalaallit Nunaannut tikikkuit angerlarsimaannalissaatit.

Angerlarsimaannaqqusaaneq inoqutigiit sinnerinut atuutinngilaq, timi atorlugu imminut attortarneq pinaveersaarneqarsinnaappat eqqiluisaarluarnissarlu eqqumaffigisinnaagaanni.

Angerlarsimalluni mattusimaneqartumut qanimut attaveqarneq
Inuup angerlarsimalluni mattusimaneqartumut qanimut attaveqarsimasup, tassa COVID-19-imik tunillatsissimasorineqarluni misissortittumut imaluunniit uppernarsakkamik COVID-19-imik nappaateqartumik qanimut attaveqarsimasup ulluni 14-ini angerlarsimaannarnissaa naatsorsuutigineqarpoq.

Ullut 14-it taakku inummik tunillatsissimasinnaasumik kingullermik qanimut attaveqarnermiit naatsorsorneqassapput.

Ataasiakkaanik tigusiffigineqarluni misissorneqartoq misissuinerup inernerata tiguneqarnissaata tungaanut angerlarsimalluni mattusimassaaq. Misissuinerup inernerata tiguneqarnissaata tungaanut misissuiffigineqartup inoqutigisai angerlarsimaannartariaqanngillat.

Qanimut attaveqartut tassaasinnaapput:
  • Uppernarsakkamik COVID-19-imik nappaateqartumik najugaqateqartut
  • Uppernarsakkamik COVID-19-imik nappaateqartumik attuisimasut (assersuutigalugu assammissimasut)
  • Inuit illersuuteqaratik inummit uppernarsakkamik COVID-19-imik nappaateqartumit timip imerpalasuanik tuniluussinnaasumik toqqaannartumik attaveqarsimasut, assersuutigalugu quersorfigineqarsimasut, kakkissarfimmik attugaqarsimasut il.il.

Nappaatip ersiutai
Angerlarsimaannaqqusaanermi ersiutit makku immikkut maluginiassavatit:
  • Quersorneq
  • Kissarneqarneq
  • Niaqorlunneq
  • Qasoqqaneq
  • Nukitsigut anniarneq
  • Kakkilertaneq
  • Anersaartornermi ajornartorsiorneq
  • Toqqusaarlunneq
  • Timminneq

Taakkuninnga ersiutinik peqaruit najukkanni peqqinnissaqarfimmut sianissaatit.


Angerlarsimaffiup avataani ileqqorisassanut inassutit
Angerlarsimaffiit qimannaveersaaruk aniguillu allanut qanillattornaveersaarit
  • Suliartussanngilatit/atuariartussanngilatit il.il.
  • Tamanut angallassissutit atornaveersaakkit – taxat ilanngullugit.
  • Inuit katersuuffianniinnaveersaarit, sunngiffinni susassaqartitsivinniinnaveersaarit assigisaanniluunniit.
  • Inuit niuffanneranni niuernaveersaarit. Najugaqatitit, internetsikkut niuerneq assigisaallu atorluakkit.
  • Inunnut qanillissanngikkuit qimmit aneerussinnaavat.
  • Assatit asattoqattaartakkit. Assat eqqiluisaartinniarlugit kakkissarfiit qaqorsaatitallit assannullu spriti atorneqarsinnaapput.

Angerlarsimaffimmi ileqqorisassanut inassutit
  • Sapinngisamik pulaartoqarnaveersaarit
  • Angerlarsimaffimmi inoqatinnut qanillattornaveersaarit (assersuutigalugu kuniuinerit, igaqatigiinneerit pinaveersaartikkit)

Angerlarsimaannaruit allanut tunillaanissamut navianartorsiortitsinnginnerusutut isigineqassaatit. Illit najugaqatitillu makku eqqumaffigissavasi:
  • Assasi imermik qaqorsaaserlugillu errorluartarlusi, minnerpaamik imaalioreersimagaangassi:
    • Perusuersareernerup kingorna
    • Nerinnginnermi
    • Anisimatillusi angerlaraangassi
  • Kakkissarfimmik imaluunniit talinnik quersornitit tangajornitillu assertakkit

Eqqiaaneq errorsinerlu
  • Eqqiaatit nalinginnaasut atorlugit ullut tamaasa eqqiaaneq inassutigineqarpoq.
  • Angerlarsimaffimmut eqqiaajartortitsisoqassanngilaq.
  • Nammineq errorsiveqaraanni errorsisarnerit allanngortittariaqanngillat.


Eqqagassalerineq
Eqqagassanik igitsisarneq allanngortariaqanngilaq.


Angerlarsimaffimmi mattusimaneq illoqatigiit sinnerinut atuutinngilaq, timi atorlugu imminut attortarneq eqqiluisaarluarnissarlu eqqumaffigisinnaagaanni.
Coronavirusimik (COVID-19) tunillatsissimasoriguit najukkanni peqqinnissaqarfik oqarasuaatikkut attavigissavat

Allanik tunillaasinnaanerit pissutigalugu napparsimmaviliarnak peqqissaaviliarnalluunniit sianeqqaarnissat pingaaruteqarpoq.

  Sumi Tlf. nal. 08.00-16.00 Nal. 16.00-ip kingorna
  Aasiaat 89 22 11 89 22 11
  Ilulissat 94 32 11 94 32 11
  Ittoqqortoormiit 99 10 11 59 93 21
  Kangaatsiaq 89 43 00 89 22 11
  Kangerlussuaq 86 88 12 86 42 11
  Maniitsoq 81 32 11 81 32 11
  Nanortalik 61 32 11 61 32 11
  Narsaq 66 12 11 66 12 11
  Narsarsuaq 66 12 11 66 12 11
  Nuuk 34 44 00 34 44 00
  Paamiut 68 12 11 68 12 11
  Qaqortoq 64 22 11 64 22 11
  Qasigiannguit 91 12 11 89 22 11
  Qeqertarsuaq 92 12 11 89 22 11
  Qaanaaq 97 10 11 94 32 11
  Sisimiut 86 42 11 86 42 11
  Tasiilaq 98 12 11 98 12 11
  Upernavik 96 12 11 96 12 11
  Uummannaq 95 12 11 95 12 11